2 Kronikɛls 30:10 - EBƆRƐ BE KAWƆL

¹⁰ Mbɔ na daŋ yɔ nde nɛ a wɔ Efrayim nɛ Manase be eyiriana na be efuli so kikɛ to nna hale n ta n ya fo Zɛbyulɔn be yiri na be kelargato be esoso be kaba so kikɛ, ama basa daŋ mushe bumo nna nseŋ wora bumo amɔmɔshiasheŋ.

2 Kronikɛls 30:10 ပူးပေါင်းရင်းမြစ်များ

Jɛnesis 19:14

Ndoŋ nna nɛ Lɔt yɔ benyɛn nɛ mbe bibichesobi na daa sha kekil na kutɔ n ya kaŋɛ bumo le: “Men wora manaŋ n lar nfe, ŋkpal manɛ so, Enyɛnpe na bee sha kemur kade ere nna na.” Ama b daŋ fɛ fanɛ e bee pɛl nna.

2 Kronikɛls 30:6

Ewura na nɛ mbe benimuana na daŋ shin nna nɛ mbɔ ta le be kubɔya ere n yɔ Juda nɛ Israɛl be efuli so kikɛ: “Menyi Israɛl be basa nɛ men nya men be amu saŋɛ so nɛ Asiriyaebi daŋ kɔ n sɔ kasawule ere na, e bɛta m ba Enyɛnpe Ebɔrɛ nɛ e la an nananyɛnana Eebraham nɛ Aizek nɛ Jeekɔb be Ebɔrɛ na kutɔ nɛ mo alɛ gba e sɔ menyi.

2 Kronikɛls 34:9

Le be basa asa ere daŋ ta amansherbi nɛ Livaiebi nɛ baa keni bɔrɛlambu be mbunaana so na daŋ sɔ ashi Manase be epeŋitɔrkpa be kaba so be basa, nɛ Efrayim nɛ Israɛl be basa nɛ b ka na, nɛ bekama nɛ b wɔ Juda nɛ Bɛnjamin nɛ Jerusalɛm na, nna n ya sa bɔrɛmatapo nimuso Hilkiya.

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Nehemaya 2:19

Sanballat nɛ Tobaya nɛ kalɔrbunyɛn ko nɛ baa tre mo Gɛshem ka nu kusɔ nɛ an kre kewora na be asheŋ nɛ b mushe anyi ga nseŋ kaŋɛ: “Manɛ nɛ menyee fɛ fanɛ menyee wora ere? Menyee sha kelɔŋɛ kadegboŋ na be egbalana nna m pɔr nseŋ lar ewura kaman ŋ kɔ mo kena, ŋko?”

Ɛsta 3:13

Mbɔ nɛ b kɔ eleŋ a shile ga na, nɛ b ta nwɔl na n shuŋi fanɛ b chige efuli na so kikɛ. Kusɔ nɛ kawɔl na bee kaŋɛ e la fanɛ b mɔ Juwebi na kikɛ kufɔl kuduanyɔsopo nɛ baa tre Ada na be kachɛ kuduasasopo na to. Kawɔl na bee ŋini fanɛ b mɔ mbia nɛ benimu nɛ beche nɛ mbiwurbi kikɛ kumo be kamɔnchɛ na nseŋ muu bumo be asɔ nɛ b kɔ kikɛ.

Ɛsta 3:15

Ewura Sɛgsis e daŋ shin nɛ b yili jimaŋ to n wora mbra na manaŋ manaŋ ashi Susa be kade to. Ewura na nɛ Heman daŋ chena nna a nuu nsa, nɛ Susa be kade to ebi malɛ be nfɛra bee baga bumo to ŋkpal mbra na so.

Ɛsta 8:10

Ewura Sɛgsis be ketre to nɛ Mɔdikaya daŋ shin nɛ b sibɛ nwɔl na kikɛ nseŋ ta ewura na be kepinibi nɛ b kɔ a dulgi nwɔl na n dulgi amo kikɛ. Kumo be kaman nɛ b ta amo n sa ewura be egbaŋɛ nɛ baa shile ga na be bediipo fanɛ b chige.

Ɛsta 8:14

Ndoŋ nna nɛ ewura sa ekpa nɛ egbaŋɛdiipoana na ta ewurkpa be egbaŋɛ na n lar n shile eleŋso n ya chige nwɔl na efuli na kikɛ so. Nɛ mbra na sɔ Susa gba be kade to kikɛ.

Job be kawɔl 12:4

Jemanɛ kikɛ kebaawɔtɔ niŋiso to nɛ n daa wɔ, nɛ Ebɔrɛ malɛ daa nu ma kabɔrɛkule. Ama naniere n nekpaana e naa wora ma eyur to na.

Job be kawɔl 9:25

K du fanɛ ma nchɛ bee choŋ manaŋ manaŋ nna, nɛ m maŋ naa tama kagbenefuli kikɛ kuraa.

Jɛremaya 38:19

Nɛ ewura Zɛdikaya kaŋɛ ma le: “Anyi gbagba be basa nɛ b shile n ya ti Babilɔnebi na so na nɛ mee ŋana. Ashere Babilɔnebi na beeŋ ta ma n sa bumo nɛ b kɔrfɛ ma.”

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Luuk 23:35

Ndoŋ nna nɛ basa ba yili ndoŋ a keni mo nɛ benimuana na bee wora mo eyurto a kaŋɛ mo le: “Men keni, e mɔlga basa pɔtɛ, men shin nɛ e mɔlga mo gbagba be kumu nɛ an keni ŋko kashenteŋ nɛ e la Kristo nɛ Ebɔrɛ be esa laraso na a.”

Luuk 8:53

Nɛ basa na fara a mushe mo, ŋkpal manɛ so, b nyi kebia na ka wu kashenteŋto.

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.