2 Kronikɛls 30:1 - EBƆRƐ BE KAWƆL

^1-3 Basa na daa maŋ tiŋ n ji kebansonchoŋ be kejigboŋ na kufɔl juŋkparso na to, ŋkpal manɛ so bɔrɛmatapoana na be bedamta daa maŋ fɔrso n lar so daŋkare be ekpa so nɛ basa damta malɛ daa maŋ ba Jerusalɛm to. Ŋkpal loŋ so, ewura Hɛzekaya nɛ mbe benimuana nɛ Jerusalɛm be basa daŋ shuli nna fanɛ b ji kejigboŋ na kufɔl nyɔsopo na to. Kumo be kaman b sa Israɛl nɛ Judaebi nɛ Efrayim nɛ Manase be eyiri na ebɔl fanɛ b ba nɛ b ji kebansonchoŋ be kejigboŋ na ashi Jerusalɛm be bɔrɛlambu na to nɛ k baa la kemaŋkura n sa Enyɛnpe Israɛl be Ebɔrɛ na.

2 Kronikɛls 30:1 ပူးပေါင်းရင်းမြစ်များ

2 Bewura 23:22

Baŋ yili saŋɛ so nɛ bewura daa maŋ wɔtɔ, nɛ demujipoana daa juŋkpar na m ba fo Israɛl nɛ Juda be bewura be jemanɛ so kikɛ, basa daŋ maŋ naŋ shɛr alegaiso n ji kebansonchoŋ be kejigboŋ loŋ kikɛ.

2 Kronikɛls 11:13

Bɔrɛmatapoana nɛ Livaiebi nɛ b shi Israɛl be kelargato be esoso be kaba so be eyiri to na kikɛ daa bɛ ewura Rehoboam so nna.

2 Kronikɛls 11:16

Ndoŋ nna nɛ Israɛl be eyiriana na to be basa nɛ b daa sha kebaashuŋ Enyɛnpe Ebɔrɛ kashenteŋto na bɛ bɔrɛmatapoana na nɛ Livaiebi na so n yɔ Jerusalɛm, saŋɛ na so baaŋ tiŋ a lara esarga a sa Enyɛnpe Ebɔrɛ nɛ e la bumo nananyɛnana be Ebɔrɛ na.

2 Kronikɛls 25:7

Ama Ebɔrɛ be anebi daŋ yɔ ewura na kutɔ nna n ya kaŋɛ mo le: “Yiramu, sa maŋ shin nɛ Israɛl be benapo ere e bɛ fo so n yɔ kena to, ŋkpal manɛ so, Enyɛnpe Ebɔrɛ maŋ wɔ bekama nɛ b shi Israɛl be efuli so be kelargato be esoso be kaba so na be kaman.

2 Kronikɛls 29:24

Kumo be kaman nɛ bɔrɛmatapoana na mɔ mboe na nseŋ chulgi amo be ŋklaŋ n wurge bɔrɛsure na so fanɛ alubi be ketampaŋ be sarga, ŋkpal manɛ so, ewura na kaŋɛ nna fanɛ b ta amo n lara Israɛl be efuli so ebi kikɛ be sarga chɔɔso nɛ alubi be ketampaŋ be sarga.

2 Kronikɛls 29:36

Ewura Hɛzekaya nɛ basa na kikɛ be ŋgbene daŋ fuli bumo nna ŋkpal Ebɔrɛ ka chɛ bumo to nɛ b wora loŋ be asheŋ na manaŋ manaŋ so.

2 Kronikɛls 35:6

Basa baŋ bar kebansonchoŋ be ekpakpafɔlbi nɛ mboe, menyi e daga fanɛ men mɔ amo n lɔŋɛ amo nseŋ fɔr menyi be amu so daŋkare be ekpa so pɔɛŋ n ta amo n lara sarga n sa Enyɛnpe Ebɔrɛ na, nseŋ shin nɛ Israɛlebi e bɛ keŋini nɛ Enyɛnpe Ebɔrɛ ta n sa Mosis na so n ji kejigboŋ na. Amoso men keta men be amu nɛnɛ, n sa maŋ wora kusɔ kama nɛ k beeŋ shin nɛ men wora eyurpi daŋkare be ekpa so.”

Jɛremaya 29:1

N daŋ sibɛ kawɔl n sa bɔrɛmatapoana nɛ anebiana nɛ bejuŋkparpoana nɛ basa kama nɛ ewura Nebukadneeza daŋ pɛ n shi Jerusalɛm n yɔ Babilɔn be efuli so na kikɛ nna.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Hoziya 5:4

Kulubi nɛ basa na wora na e shin nɛ b maaŋ naŋ tiŋ m bɛta m ba bumo be Ebɔrɛ kutɔ. Ŋkpal saŋkama be kesakalea nɛ baa ji na so b maŋ naa fɛ ma asheŋ.