2 Kronikɛls 3:1 - EBƆRƐ BE KAWƆL

¹ Ewura Deevid nɛ e la Sɔlɔmɔn mo tuto na daŋ lɔŋɛ bɔrɛlambu na be kakpa nna ashi Jerusalɛm be kebeegboŋ nɛ baa tre Moriya na so. Ndoŋ nɛ Enyɛnpe Ebɔrɛ daŋ lara mbe kumu ŋ ŋini mo ashi kugooro nɛ Aruna nɛ e la Jerusalɛm be esa na daa bri mbe ayu so na.

2 Kronikɛls 3:1 ပူးပေါင်းရင်းမြစ်များ

Jɛnesis 22:14

Sarga ere be kaman nɛ Eebraham nase kaboŋ na ketre: “Enyɛnpe beeŋ sa.”

Jɛnesis 22:2

Nɛ Ebɔrɛ kaŋɛ mo: “Ta fo pibinyɛn koŋwule Aizek nɛ fee sha ga na n yɔ Moriya be kasawule so n ya mɔ mo n chɔɔ n lara sarga n sa ma ashi abee na be kumo nɛ meeŋ ŋini fo na so.”

2 Samuɛl 24:16

Ama Enyɛnpe Ebɔrɛ be Malaika ka daa shin nɛ e mur Jerusalɛm na, nɛ kuwɔr pɛ Enyɛnpe Ebɔrɛ nɛ e chɛrga mbe nfɛra a yɔ basa na be kasogberge na be kaplɛa so nseŋ kaŋɛ Malaika nɛ e bee mɔ bumo na le: “K nyalɛ loŋ. Lara fo enɔ ashi bumo be asheŋ to!” Kumo be jemanɛ na nɛ Malaika na wɔ Aruna nɛ e la Jebusi be esa na be kugooro na ase.

1 Kronikɛls 21:18

Nɛ Enyɛnpe Ebɔrɛ be malaika na kaŋɛ Gad fanɛ e ya kaŋɛ ewura Deevid le: “Yɔ Aruna be kugooro nɛ baa bri asɔ na so n ya pɔr bɔrɛsure n sa Enyɛnpe Ebɔrɛ na.”

1 Kronikɛls 22:1

Amoso le nɛ ewura Deevid daŋ kaŋɛ: “Kugooro ere so nfe ashi Jerusalɛm nɛ baaŋ pɔr Enyɛnpe Ebɔrɛ be bɔrɛlambu na, nɛ bɔrɛsure nɛ Israɛlebi beeŋ baa lara esarga kumo so na gba e baa wɔ nfe.”

1 Kronikɛls 6:10

Azariya mo nɛ e daa shuŋ bɔrɛlambu nɛ Sɔlɔmɔn daŋ pɔr ashi Jerusalɛm na to na,

2 Kronikɛls 3:2

Ewura Sɔlɔmɔn malɛ e fara bɔrɛlambu na be kepɔr saŋɛ nɛ e ji kuwura na be kafɛ nasopo be kufɔl nyɔsopo na be kachɛ nyɔsopo na.

Ashuŋ Shunso 7:47

Ama Ewura Sɔlɔmɔn e daŋ ba pɔr kumo.