2 Kronikɛls 29:30 - EBƆRƐ BE KAWƆL

³⁰ Ewura na nɛ efuli na so be bejuŋkparpoana na daŋ kaŋɛ Livaiebi na nna fanɛ b baa boŋ nshɛ nɛ ewura Deevid nɛ anebi Asaf daŋ sibɛ n nase na. B ka bee boŋ amo nɛ ekama be kagbene fuli nɛ b gbir m bunyaŋ Ebɔrɛ.

2 Kronikɛls 29:30 ပူးပေါင်းရင်းမြစ်များ

2 Kronikɛls 23:18

Ewura Jehowada daŋ shin nna nɛ bɔrɛmatapoana nɛ Livaiebi na bee keni bɔrɛlambu na be kushuŋ so fanɛ kananɛ ewura Deevid yili n sa bumo na. Bumo be kushuŋ e la kebaachɔɔ esarga nɛ b lara n sa Enyɛnpe Ebɔrɛ na ashi Mosis be mbra be ekpa so, nɛ kebaajuŋkpar a boŋ nshɛ kasheŋwora kikɛ to.

2 Kronikɛls 30:21

Basa nɛ b daŋ ba shɛr Jerusalɛm na daŋ ta nchɛ ashunu nna n ji bodobodo nɛ a maŋ kɔ yiisi be kejigboŋ na kagbenefuliso nɛ Livaiebi na nɛ bɔrɛmatapoana na bee boŋ nshɛ nsaa laŋ alaŋsɔ a di Enyɛnpe Ebɔrɛ epaŋ karechɛ kikɛ.

2 Kronikɛls 30:23

nɛ bumo kikɛ naŋ yili kumo fanɛ b naŋ ji kejigboŋ na nchɛ ashunu n ti so. Ndoŋ nna nɛ b ji kumo kagbenefuliso nchɛ ashunu n ti so.

2 Kronikɛls 30:26

Kagbenefuli daŋ baa wɔ Jerusalɛm kikɛ to nna, ŋkpal manɛ so yili ewura Deevid pibinyɛn, ewura Sɔlɔmɔn be jemanɛ so kikɛ, loŋ be asheŋ maŋ naŋ wora kikɛ.

2 Kronikɛls 7:3

Israɛlebi na kikɛ ka wu edɛ na ka shi esoso m ba sɔ bɔrɛlambu na kikɛ to na, nɛ b gbir m bunyaŋ Ebɔrɛ a di mo epaŋ ŋkpal mbe kelela nɛ mbe kasha nɛ k wɔtɔ mbaanaayɔ so.

Ɛzra 6:16

Kumo be kaman nɛ Israɛlebi na, bɔrɛmatapoana nɛ Livaiebi nɛ bekama nɛ b bɛta m ba na kikɛ, be ŋgbene fuli bumo ga nɛ b ta bɔrɛlambu na m bɔɔ Ebɔrɛ enɔ.

Ɛzra 6:22

Nchɛ ashunu nɛ baa ji bodobodo nɛ k maŋ kɔ yiisi na be kejigboŋ na kagbenefuliso Bumo be ŋgbene daŋ fuli bumo nna ŋkpal Enyɛnpe Ebɔrɛ na ka chɛrga Asiriya be ewura be kagbene nseŋ shin nɛ e chɛ bumo to nɛ b lɔŋɛ Israɛl be Ebɔrɛ be bɔrɛlambu na m pɔr so.

Nehemaya 12:46

Dra na kikɛ ashi ewura Deevid nɛ Asaf be jemanɛ to, beshɛbompo na e naa juŋkparpo basa na a boŋ nshɛ a di Ebɔrɛ epaŋ.

Nshɛ 106:12

Ndoŋ nna nɛ mbe basa na nyiŋi mbe nnɔ naseso nseŋ naŋ yirda mo a boŋ nshɛ a kpaŋ mo.

Nshɛ 149:2

Israɛl be basa, men shin nɛ menyi be ŋgbene e fuli menyi ŋkpal menyi be etopo na so; menyi Jerusalɛm to be basa malɛ e ji eyur ŋkpal menyi be ewura so!

Nshɛ 32:11

Amoso, menyi bekama nɛ menyee wora asheŋ niŋiso na; e shin nɛ men be ŋgbene e fuli menyi nɛ men ji eyur; ŋkpal kusɔ nɛ Enyɛnpe na wora so. Menyi nɛ menyee wora mo kasonu na e boŋ nshɛ kagbenefuliso.

Nshɛ 50:1

Enyɛnpetale Ebɔrɛ, elempo na, bee tre durnya to be basa kikɛ nɛ b wɔ epeŋitɔrkpa nɛ epeŋilarkpa na nna fanɛ b shɛr.

Nshɛ 95:6

Men ba nɛ an jɔŋɛ m bunyaŋ Enyɛnpe Ebɔrɛ nɛ e to anyi na!

Nshɛ 96:9

Men baa yili Enyɛnpe Ebɔrɛ na be kela nɛ kecheembiya so a bunyaŋ. Durnya to ebi kikɛ e ta kechicha chicha m ba mbe anishito.

Filipaiebi 4:4

Men shin nɛ men be ŋgbene e baa fuli menyi ashi Enyɛnpe to saŋkikɛ. Kashenteŋto, meeŋ naŋ lɔŋɛ ŋ kaŋɛ loŋ fanɛ: Men shin nɛ men be ŋgbene e baa fuli menyi.