2 Kronikɛls 29:10 - EBƆRƐ BE KAWƆL

¹⁰ Naniere bre ma nɛ Enyɛnpe nɛ e la Israɛl be Ebɔrɛ na beeŋ tiŋi ŋkre dra na to. Ashere nɛ n wora loŋ, mbe agbo maaŋ naa wɔ anyi so.

2 Kronikɛls 29:10 ပူးပေါင်းရင်းမြစ်များ

2 Bewura 23:26

Ama Enyɛnpe Ebɔrɛ na kraŋ nya agbo ga n wɔtɔ Juda ŋkpal asɔ damta nɛ ewura Manase wora nɛ mbe agbo kaa ga na so.

2 Bewura 23:3

Kumo be kaman nɛ e yili shabɔrɛ na be kakpa nɛ bewura bee chena na n nase kɔnɔ n sa Enyɛnpe Ebɔrɛ na fanɛ e beeŋ bugi mbe kagbene kikɛ n wora kasonu n sa mo nseŋ bɛ mbe mbra nɛ asheŋ nɛ e yili n sa bumo na, kɔnɔ naseso be ŋkre be asheŋ nɛ b sibɛ n wɔtɔ kawɔl na to na kikɛ so.

2 Kronikɛls 23:16

Bɔrɛmatapo Jehowada daŋ shin nna nɛ mo nɛ ewura Jɔash nɛ basa na wora kɔnɔkoŋwule be ŋkre fanɛ baaŋ baa ji kashenteŋ a sa Enyɛnpe Ebɔrɛ.

2 Kronikɛls 30:8

Menyi ere e sa maŋ wora amu kpakpaso fanɛ kananɛ men nananyɛnana daŋ wora na, ama men baa nu a sa Enyɛnpe Ebɔrɛ na. Men ba men Nyɛnpe Ebɔrɛ be bɔrɛlambu cheembi nɛ k wɔ Jerusalɛm na to m ba bunyaŋ mo saŋɛ na so e maaŋ naŋ nya agbo n wɔtɔ menyi.

Ɛzra 10:14

Men shin nɛ anyi be bejuŋkparpo a shir Jerusalɛm ŋ keni demu na to n sa anyi. Kumo be kaman, nɛ an yili kachɛ nɛ bekama nɛ b kɔ befɔche a kil na nɛ bejuŋkparpo na nɛ demujipoana na kikɛ e shɛr Jerusalɛm to nfe. Loŋ e naŋ shin nɛ Ebɔrɛ be agbo e wushi nseŋ lar anyi so ŋkpal demu ere so.”

Ɛzra 10:3

To, men shin nɛ an nase kɔnɔ fanɛ anyeeŋ yige loŋ be beche na nseŋ lara bumo nɛ bumo be mbia be asheŋ ashi anyi be asheŋ to nseŋ wora asheŋ fanɛ kananɛ fo nɛ bekama nɛ baa ŋana Ebɔrɛ bee kaa ji anyi asoe to a kaŋɛ na, saŋɛ na so anyeeŋ wora asheŋ m bɛ Ebɔrɛ be mbra na so.

Nehemaya 8:6

Ɛzra ka kraŋ kawɔl na n loge nɛ e kaŋɛ: “Kemaŋkura e baa la Enyɛnpe Ebɔrɛ nɛ e shi ga na peya!” Nɛ basa na kikɛ maŋ bumo be enɔana esoso nseŋ shuli so ŋ kaŋɛ: “Amɛn! Amɛn!” Kumo be kaman nɛ b gbir ŋ kurgi bumo be amu n yuu to m bunyaŋ Enyɛnpe Ebɔrɛ na.

Nehemaya 9:38

Ŋkpal le so an sibɛ ŋkre kpakpaso n nase, nɛ anyi be bejuŋkparpo nɛ Livaiebi nɛ bɔrɛmatapoana shuli so nɛ ŋkre na yili.

Jɛremaya 3:12

E daŋ kaŋɛ ma nna fanɛ n ya kaŋɛ Israɛl le: “Israɛl nɛ e maa ji kashenteŋ ere, bɛta m ba ma kutɔ. Mee wu kuwɔr nna nsaa maaŋ nya agbo n wɔtɔ fo mbaanaayɔ.

Jɛremaya 3:5

Fo maaŋ nya agbo n wɔtɔ anyi mbaanaayɔ.’ Kusɔ nɛ menyi, Israɛl be basa, kaŋɛ ma nna na; ama menyi alɛ bee wora alubi nɛ menyee sha nna.”

Jɛremaya 34:15

Ama menyi ere daŋ wora kusɔ nɛ k par ma. Men kikɛ daŋ shuli so nna fanɛ menyeeŋ yige men braana Israɛlebi na nseŋ ba yili ma anishi to ashi bɔrɛlambu nɛ menyee shuŋ ma na to n wora kɔnɔkoŋwule be ŋkre.

Jɛremaya 34:18

Juda nɛ Jerusalɛm be benimuana na nɛ ewurkpa be benimuana na nɛ bɔrɛmatapoana na nɛ bejuŋkparpoana na kikɛ nɛ ma e daŋ wora kɔnɔkoŋwule be ŋkre na. B daŋ mɔ gbolu nna nseŋ ku kumo to anyɔ n nase nseŋ bɔla amo nferinto n choŋ m mɔ ŋkre na so. Ama b maŋ wora m bɔlɔ kɔnɔkoŋwule be ŋkre na so, amoso meeŋ wora bumo kusɔ nɛ b wora gbolu na.

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

2 Kɔrintebi 8:5

B wora m baŋ kusɔ nɛ an daa tama so, ŋkpal manɛ so, kusɔ nɛ k juŋkpar e la fanɛ b ta bumo be amu n sa Enyɛnpe na nseŋ naŋ bɔla Ebɔrɛ be eleŋ so n ta bumo be amu m bɔɔ anyi alɛ gba enɔ.

Joshuwa 7:26

B daŋ bela ajembu gboŋgboŋi damta nna n deŋi Eekan so kululu. Nɛ Enyɛnpe Ebɔrɛ be agbo nyaŋnyaŋso na wushi. Amoso nɛ b kra tre kaboŋ na Akɔɔ be ketaŋɛ to hale kabre na.