2 Kronikɛls 28:8 - EBƆRƐ BE KAWƆL

⁸ Kashenteŋ nna fanɛ Judaebi na nɛ Israɛlebi daa la bekurgepoana gbagba nna, ama Israɛlebi be benapo na daŋ pɛ Judaebi na be beche nɛ mbia ŋgboŋ alfa anyɔ nna nseŋ muu asɔ damta kena na to m bɛta n yɔ Samɛria.

2 Kronikɛls 28:8 ပူးပေါင်းရင်းမြစ်များ

2 Bewura 6:22

Nɛ Elaisha malɛ kaŋɛ: “Fo maŋ kɔ m pɔɔ benapo ere be ekama so, nɛ ekpa mo nɛ fo kɔ nɛ fo mɔ bumo? Sa bumo kusɔ ko nɛ b ji nseŋ sa bumo nchu nɛ b nuu. Kumo be kaman nɛ fo shin nɛ b bɛta n yɔ bumo be ewura kutɔ.”

2 Kronikɛls 11:4

E yɛ: “Men sa maŋ kaŋ kɔ menyi gbagba be basa Israɛlebi na kena. Menyi kikɛ e baa yɔ epe. Ma keparso nɛ le be asheŋ ere kikɛ wora na.” Nɛ b nu kusɔ nɛ Enyɛnpe Ebɔrɛ kaŋɛ bumo na nseŋ yige keya kɔ Jeroboam nɛ mbe basa kena.

2 Kronikɛls 28:11

Men nu nfe! Basa nɛ men pɛ ere la men siponyɛn nɛ men sipocheana nna, amoso men shin nɛ b bɛta a yɔ epe, nɛ mannɛ aloŋ, Enyɛnpe na b agbo beeŋ kaa, nɛ e gberge menyi kusoe.”

2 Kronikɛls 28:7

Loŋ be kena na to, nɛ Israɛl be enapo ko nɛ baa tre Zikri na mɔ benyɛn asa nɛ b kɔ eyilikpagboŋ ashi Juda be efuli so na. Bumo e la Mɛseya nɛ e la ewura na pibinyɛn nɛ Azrikam nɛ e bee keni ewura be laŋ so na nɛ Ɛlkana nɛ e la enimu a bɛ ewura na so na.

Aizaaya 9:21

Manase be yiri to be basa nɛ Efrayim be yiri to be basa daa kɔ abar nna nseŋ naa chɛ abar to a kɔ Juda be yiri to be basa kena. Ama amo nɛ amo kikɛ, Enyɛnpe Ebɔrɛ na be agbo kra maaŋ wushi. E kraa shin nɛ e gberge bumo kusoe nna n ti so.

Ashuŋ Shunso 13:26

Ŋ kurgepoana, Eebraham mo nanabiana nɛ menyi nɛ men la nnyamase a wɔ nfe a bunyaŋ Ebɔrɛ ere kikɛ, anyi kikɛ nɛ b ta le be kumɔlga be kubɔya ere n sa.

Ashuŋ Shunso 7:26

Kumo be ŋklade nɛ e wu Israɛlebi be benyɔ ka bee bile nɛ e yɔ nɛ e ya wora ania m barga bumo to ŋ kaŋɛ: ‘Men nu nfe, men la basa koŋwule nna nɛ manɛ e ba nɛ menyee wora a da abar so le?’

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 28:41

Menyeeŋ kurge mbia damta, ama menyi alɛ beeŋ paŋ bumo. Ŋkpal manɛ so, bedoŋ beeŋ pɛ bumo anya ashi kena to n yɔ efuli pɔtɛana so.