2 Kronikɛls 28:7 - EBƆRƐ BE KAWƆL

⁷ Loŋ be kena na to, nɛ Israɛl be enapo ko nɛ baa tre Zikri na mɔ benyɛn asa nɛ b kɔ eyilikpagboŋ ashi Juda be efuli so na. Bumo e la Mɛseya nɛ e la ewura na pibinyɛn nɛ Azrikam nɛ e bee keni ewura be laŋ so na nɛ Ɛlkana nɛ e la enimu a bɛ ewura na so na.

2 Kronikɛls 28:7 ပူးပေါင်းရင်းမြစ်များ

Jɛnesis 41:43

E ka wora Josɛf loŋ na nɛ e shin nɛ b ta mo gbaŋɛturko to nɛ basa ko juŋkpar mo a ponte to a kaŋɛ: “Men baa bunyaŋ mo, men baa bunyaŋ mo!” Nɛ k ŋini fanɛ mbe eyilikpa e bɛ Fɛɛro so. Ade kikɛ nɛ Fɛɛro daŋ wora n shin nɛ Josɛf ki Ijipt be kasawule na kikɛ so be ekenipo.

Jɛnesis 43:12

Kumo be kaman, men ta amansherbi ko n naŋ ti amo nɛ men daŋ wu men be ebɔtɛ to na so n yɔ, ŋkpal manɛ so, shere b wora nna n foe.

Jɛnesis 43:15

Mbe kamalga na be kaman nɛ mbe mbia na ta ŋkɛana na nɛ amansherbi fanɛ kananɛ b daŋ ta dra na n ti adra nɛ b daŋ bɛta m ba so nseŋ ta Bɛnjamin n ti so n nya manaŋ n yɔ Ijipt n ya ta bumo be amu m bɔɔ Josɛf enɔ.

2 Kronikɛls 28:8

Kashenteŋ nna fanɛ Judaebi na nɛ Israɛlebi daa la bekurgepoana gbagba nna, ama Israɛlebi be benapo na daŋ pɛ Judaebi na be beche nɛ mbia ŋgboŋ alfa anyɔ nna nseŋ muu asɔ damta kena na to m bɛta n yɔ Samɛria.

Ɛsta 10:3

Mɔdikaya e daa la enimu m bɛ ewura Sɛgsis so. E daa la esagboŋ nna Juwebi na kutɔ nɛ b daa sha mbe asheŋ ga ŋkpal e ka daŋ chɛ bumo to nsaa malga a sɔ bumo a yige so.