2 Kronikɛls 28:24 - EBƆRƐ BE KAWƆL

²⁴ E daŋ muu bɔrɛlambu na to be asɔwurbiana nɛ b kɔ a shuŋ Ebɔrɛ na nna m bure to kpachɛrkpachɛrbi nseŋ ti kumo so. Kumo be kaman nɛ e yuu agbir be ebɔrɛsureana ashi Jerusalɛm to be kaplɛkama.

2 Kronikɛls 28:24 ပူးပေါင်းရင်းမြစ်များ

2 Kronikɛls 28:25

E daŋ pɔr mboŋ nɛ baaŋ baa shuŋ agbir nɛ kakpa nɛ baaŋ baa chɔɔ duwu a sa efuli pɔtɛana so be agbir ashi ndegboŋ nɛ ndewurbi kikɛ nɛ a wɔ Juda be efuli so na nna. Kumo be loŋ e daŋ shin nɛ Enyɛnpe Ebɔrɛ nɛ e la mo nananyɛnana be Ebɔrɛ na be agbo ba mo so na.

2 Kronikɛls 29:19

An naŋ bɛta asɔwurbi kama nɛ Ewura Ahaz daŋ ta saŋɛ so nɛ e daa maa ji kashenteŋ a sa Ebɔrɛ na kikɛ m ba bɔɔ Enyɛnpe Ebɔrɛ enɔ. Amo kikɛ wɔ Enyɛnpe be bɔrɛsure na be anishito.”

2 Kronikɛls 29:3

Kafɛ nɛ Hɛzekaya ki ewura na be kufɔl juŋkparso to nɛ e shin nɛ b lɔŋɛ bɔrɛlambu na be akuloŋana nseŋ bugi amo.

2 Kronikɛls 29:7

B daŋ ti bɔrɛlambu na be akuloŋana so nna nseŋ duŋ kumo to be efitila nseŋ yige eduwu gba be kebaachɔɔ nɛ kebaalara sarga chɔɔso a sa Israɛl be Ebɔrɛ na.

2 Kronikɛls 30:14

B daŋ lara efuli pɔtɛana so be ebɔrɛsure nɛ b daa lara esarga nsaa chɔɔ eduwu amo so na nna n lɛ Kidrɔn be ketaŋɛ na to.

Jɛremaya 2:28

Agbirana nɛ men lɔŋɛ n sa menyi be amu na wɔ nnɛ? Nɛ men baa wɔ etɔrɔ to nseŋ shu n tre amo fanɛ e ba mɔlga menyi, e maaŋ tiŋ m mɔlga menyi ashi ekpa kama so! Kananɛ Juda be efuli so be ndeana kikɛ sa, aloŋ nɛ kumo be agbirana gba sa.

Hoziya 12:11

Ade kikɛ be kaman nɛ b kraa shuŋ agbir ashi Giliad. Basa nɛ bumo alɛ bee shuŋ agbir na beeŋ wu. B ta egbolu n lara sarga ashi Gilgaal. Ndoŋ be ebɔrɛsure malɛ beeŋ bure to ŋ ki ajembu n deŋi abar so kululu ashi kupuŋ to.”

Ashuŋ Shunso 17:16

Pɔɔl ka wɔ Atens a jo Sailas nɛ Timoti nseŋ wu kananɛ agbir bɔlɔ kade na to nɛ mbe kagbene jija mo ga.

Ashuŋ Shunso 17:23

Ŋkpal manɛ so, ŋ ka nite menyi be kade ere to nseŋ wu asɔ nɛ menyee bunyaŋ, n wu bɔrɛsure ko nɛ b sibɛ kumo so: ‘Ebɔrɛ nɛ b maŋ nyi peya.’ Kusɔ nɛ menyee bunyaŋ nsaa maa nyi na be asheŋ nɛ m baa kaŋɛ menyi naniere na.