2 Kronikɛls 28:23 - EBƆRƐ BE KAWƆL

²³ E daŋ lara esarga nna n sa Siriyaebi nɛ b daŋ kɔ m pɔɔ mo so na be agbirana. Le nɛ e daŋ fɛ: “Siriya be agbirana na a chɛ Siriya be bewura to, amoso nɛ m baŋ lara sarga n sa amo, a beeŋ chɛ ma alɛ gba to.” Aloŋ so nɛ mo nɛ mbe efuli so ebi ji jɛrbi ga na.

2 Kronikɛls 28:23 ပူးပေါင်းရင်းမြစ်များ

2 Kronikɛls 25:14

Ewura Amaziya ka ya kɔ m pɔɔ Edɔmebi na so na nɛ e ta bumo be agbir m ba yili ŋ ki mbe agbir nsaa shuŋ amo a lara sarga a sa amo.

Aizaaya 1:28

Ama e beeŋ mur esa kama nɛ e bee wora alubi nseŋ kini fanɛ Enyɛnpe Ebɔrɛ e baa wɔ mo na. Mo alɛ beeŋ shin nɛ esa kama nɛ e kplaŋ mo so e wu.

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Jɛremaya 10:5

Le be agbirana ere du fanɛ asɔ nɛ b ta n yili ndɔ to a ju mbuibi nna. E kɔ nnɔ, amo alɛ maa malga; e kɔ aya amo alɛ maa nite! Amoso baa sulɔ amo nna a nite. Men sa maa ŋana amo; ŋkpal manɛ so, e maaŋ tiŋ n wora menyi shɛŋ. Amo alɛ maaŋ tiŋ n wora kesheŋ lela kikɛ n sa menyi.”

Jɛremaya 2:25

Israɛl be basa, men yige kebaaju a buu agbirana so nɛ menyi be asɛbta e sa maŋ ji n loge ŋ ka menyi be aya fuloŋ, ŋko nɛ menyi be ebɔl to e sa maŋ wɔl to. Ama le nɛ men kaŋɛ: ‘Ayai, anyi maaŋ tiŋ n yige amo be kebaa shil a bɛ so. Anyee sha agbir pɔtɛana na nna ga, amoso nɛ anyee shuŋ amo kenishipereso na.’ ”

Hoziya 13:9

Ŋkpal menyi Israɛl be basa ka bee kɔ ma, nɛ n la men be echɛtopo na so nɛ men mur na.

Hoziya 2:7

E beeŋ shile m bɛ mo jipoana so, ama mo alɛ maaŋ naŋ nya bumo. E beeŋ fin bumo, ama mo alɛ maaŋ wu bumo. Saŋɛ na so nɛ e kaŋɛ le: Meeŋ bɛta n yɔ ma kul dra kutɔ ŋkpal manɛ so ndoŋ be kebaawɔtɔ bɔ kakpa nɛ n wɔ naniere.

Habakuk 1:11

Kumo be kaman nɛ b choŋ fanɛ afu na. Bumo be eleŋ du fanɛ kegbir be eleŋ nna n sa bumo nɛ baa bunyaŋ kumo.”