2 Kronikɛls 26:9 - EBƆRƐ BE KAWƆL

⁹ Ewura Uziya daŋ naŋ shin nna nɛ b pɔr atempreŋ jeŋgreŋ n yili Jerusalɛm be egbal na be kukɔlɔ to be kabuna na so nɛ Ketaŋɛ be kabuna na so nɛ egbal na be kebonfu ko so, n shin nɛ a naŋ wora eleŋ n ti so.

2 Kronikɛls 26:9 ပူးပေါင်းရင်းမြစ်များ

2 Bewura 14:13

Ndoŋ nna nɛ Jɔash pɛ Amaziya nseŋ keta mo n yɔ Jerusalɛm n ya yili Efrayim be kabuna na ase m bure Jerusalɛm be egbal na fanɛ ayadra alfa ashe pɔɛŋ nseŋ fo kukɔlɔbi to be kabuna ase.

2 Kronikɛls 25:23

Ndoŋ nna nɛ Jehɔash pɛ Amaziya ŋ keta mo n yɔ Jerusalɛm n ya yili Efrayim be kabuna na ekpa m bure Jerusalɛm be egbal na fanɛ ayadra alfa ashe n ya fo kukɔlɔbi to be kabuna na ase.

Nehemaya 2:13

Kabuna nɛ k wɔ epeŋitɔrkpa nɛ baa tre kumo Ketaŋɛ be kabunagboŋ na to nɛ m bɔla to n lar n sɔ kelargato be kaseto be kaba so n ya bɔla kechubu nɛ baa tre Dragɔn na ase n ya fo kabunagboŋ nɛ baa tre Epi be kabuna na ase. Jemanɛ nɛ n dii kurma a choŋ na nɛ mee dara egbalana nɛ e bure n tɔr nɛ mbunagboŋana nɛ e daŋ chɔɔ na kikɛ.

Nehemaya 2:15

Amoso nɛ ŋ kilgi n sɔ ketaŋɛ nɛ baa tre Kidrɔn na be kaba so n ya bɔla ndoŋ a choŋ nsaa maŋ kumu so a keni kadegboŋ na be egbal na. Kumo be kaman nɛ m bɛta m bɔla Ketaŋɛ be kabunagboŋ na to n luri kadegboŋ na to pɔɛŋ nɛ kakpa bugi to.

Nehemaya 3:13

Hanuun nɛ basa nɛ b wɔ Zanua be kade to e lɔŋɛ m pɔr Ketaŋɛ be kabuna na akpa. B daŋ wɔtɔ akuloŋ mbunagboŋ na to nna nseŋ ta abersobi n wɔtɔ amo to nseŋ ta ndibi gbɛgbɛso ŋ kɔl amo to m ber so. B daŋ lɔŋɛ egbal na m pɔr n fo fanɛ ayadra alfa ana nɛ adena nna hale n ya fo Epi be kabuna na ase.

Nehemaya 3:24

Nɛ Henadad pibinyɛn Biniyu malɛ lɔŋɛ m pɔr egbal na be kaba nɛ k bɛ so nsaa wɔ yili Azariya be laŋ ase hale n ya fo kakpa nɛ b gbɛ egbal na.

Nehemaya 3:32

Shuwa be ebɔyɛpo nɛ eyawujipoana na malɛ e lɔŋɛ m pɔr egbal na be kakpa lalaloge. Kumo alɛ yili ebu nɛ k wɔ kebonfu to be ebu na nna hale n ya fo kaboŋ nɛ baa tre Mbolpɔ be Kabuna na ase nna.

Jɛremaya 31:38

Kede be kaman nɛ Enyɛnpe Ebɔrɛ na kaŋɛ le: “Jemanɛ nɛ baaŋ yili Hananɛl be Ebu jeŋgreŋ na be egbaŋ to n ya fo Kukɔlɔto be Kabunagboŋ na be egbaŋ to n lɔŋɛ Jerusalɛm kikɛ m pɔr fanɛ kadegboŋ n sa ma na bee ba.

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.