2 Kronikɛls 26:7 - EBƆRƐ BE KAWƆL

⁷ Ebɔrɛ e daŋ chɛ mo to nɛ e kɔ m pɔɔ Filistiebi nɛ Nlɔrbu nɛ b daa wɔ Gurbaal na nɛ Meuniebi nɛ b shi Edɔm be efuli so na kikɛ so.

2 Kronikɛls 26:7 ပူးပေါင်းရင်းမြစ်များ

1 Kronikɛls 12:18

Ebɔrɛ be kiyoyu daŋ gbelge Amasai nɛ e la bumo be eko nseŋ ba ki benapo adesa na be enimu na so nna, nɛ e kaŋɛ: “Jɛsi pibinyɛn Deevid, an la feya nna! Fo nɛ fo basa beeŋ ba kɔ a pɔso saŋkama! Ŋkpal manɛ so Ebɔrɛ wɔ fo kaman.” Nɛ Deevid sɔ bumo nɛnɛ nseŋ ta bumo ŋ ki mbe benapo nɛ baa ta kena a purgi basa na be benimu.

1 Kronikɛls 4:41

Saŋɛ so nɛ Hɛzekaya daa la Juda be ewura na, nɛ Simiɔn be kaman to ebi ko ya kɔ Hamebi nɛ Meuniebi kena n ju bumo n sɔ kasawule na n chena so ŋkpal asɔbɔya be ejikpa ka daa shibi ndoŋ ga so.

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

1 Kronikɛls 5:22

Hag be basa damta daŋ wu kena na to nna ŋkpal Ebɔrɛ ka daŋ chɛ to ŋ kɔ bumo so. Ndoŋ nna nɛ Ruben nɛ Gad nɛ Manase be epeŋilarkpa be kaba so be basa sɔ bumo be efuli na n chena so n ya fo jemanɛ nɛ b pɛ bumo n yɔ Asiriya be efuli so.

2 Kronikɛls 14:10

Nɛ ewura Asa nɛ mbe benapo lar n ya yili ŋ karga abar so n wora shiriya nɛ b tu mo ŋ kɔ kena ashi Zefata be ketaŋɛ nɛ k mata Marɛsha na ase.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 17:11

Filistiebi na be beko daŋ ta gbiti damta nɛ ŋkɛ ko nna m ba sa ewura Jehoshafat a ŋini fanɛ b sɔ mo ŋ ki bumo be ewura. Nlɔrbu ko gba daŋ ta mbolpɔ ŋgboŋ ashunu nɛ alfa ashunu nɛ mboe ŋgboŋ ashunu nɛ alfa ashunu nna m ba sa mo.

2 Kronikɛls 20:1

Jemanɛ ko ka ba fo nɛ Mowab nɛ Ammɔn be benapo ya ti Meuniebi nɛ b wɔ Edɔm be efuli so na so nɛ b kɔ Judaebi kena.

2 Kronikɛls 21:16

Kede be kaman nɛ Enyɛnpe Ebɔrɛ na shin nɛ Filistiebi nɛ Nlɔrbu nɛ b chena m mata Itiopiaebi na ya kɔ Jehoram kena.

2 Kronikɛls 25:8

Menyee fɛ nna fanɛ bumo e naŋ shin nɛ men baa kɔ eleŋ, ama Ebɔrɛ na e naa shin nɛ basa bee kɔ a pɔɔ so. Nɛ men shin nɛ b bɛ menyi so e beeŋ shin nɛ men doŋana e kɔ m pɔɔ menyi so.”

Nshɛ 18:29

Fo e naa sa ma eleŋ nɛ mee kɔ ma doŋana. Fo so nɛ mee pɔɔ bumo so.

Aizaaya 14:29

Filistiebi, men sa maŋ shin nɛ menyi be ŋgbene e fuli menyi ŋkpal kekpabi nɛ k bee gberge menyi kusoe na ka bu to so. Kekpabi butoso na beeŋ ki fanɛ kuwɔ lubi. Kumo be kaman nɛ k ki kusɔ gbeyeso nɛ k du fanɛ laŋchaŋ nɛ k kɔ mbuibi be aba a firgi na.

Ashuŋ Shunso 26:22

Ama Ebɔrɛ chɛ ma to hale m ba fo kabre nɛ n yili nfe a ji ma shɛda a sa ekama nyam, begboŋi nɛ bewurbi kikɛ na. Kusɔ nɛ mee malga e la kusɔ koŋwule chap nɛ anebiana nɛ Mosis gba kaŋɛ fanɛ k beeŋ wora na.