2 Kronikɛls 26:18 - EBƆRƐ BE KAWƆL

¹⁸ nɛ b ya kuŋ mo akpa. B yɛ: “Uziya, fo maŋ kɔ ekpa nɛ fo chɔɔ duwu n sa Enyɛnpe Ebɔrɛ. Bɔrɛmatapoana nɛ b shi Ɛɛrɔn be kanaŋ to na nawule e kɔ ekpa nɛ b tiŋ n wora loŋ. Lar kakpa cheembi ere ŋkpal manɛ so fo wora kulubi ŋ gbiti Ebɔrɛ nɛ mbe nɛfa maŋ naa wɔ fo so.”

2 Kronikɛls 26:18 ပူးပေါင်းရင်းမြစ်များ

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 30:7

Menyi ere e sa maŋ kaŋ ki fanɛ men nananyɛnana nɛ men braana Israɛlebi nɛ b daa maŋ ji kashenteŋ n sa Enyɛnpe bumo be Ebɔrɛ na. Men gbagba wu kananɛ e gberge bumo kusoe alegaiso.

Ɛksodɔs 28:1

Naniere shin nɛ fo da Ɛɛrɔn nɛ mbe mbinyɛnso Nadab nɛ Abihu nɛ Eliazaa nɛ Itama e lar Israɛlebi na to m ba fo kutɔ, saŋɛ na so baaŋ ba kaa la bɔrɛmatapoana a shuŋ ma.

Jɛremaya 13:18

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Nɔmbɛs 18:7

Fo nɛ fo mbinyɛnsobi nawule e naaŋ baa shuŋ kabɔrɛmata be kushuŋ na ashi bɔrɛsure na so nɛ acheembiana to be kakpa cheembi na to. Ŋkpal manɛ so ma e ta kabɔrɛmata be kushuŋ ere n sa menyi. Amoso esa kama nɛ e ta kpramɛ n shuŋ kumo, daga b ka mɔ mo.”

Nɔmbɛs 3:10

Lara Ɛɛrɔn nɛ mbe bibinyɛn nɛ b baa la bɔrɛmatapoana. Esa pɔtɛ kama nɛ e pɛl n shuŋ bɔrɛmatapo be kushuŋ b mɔ mo.”

Matiu 10:18

Baaŋ kpal ma so n yɛr menyi bewurbi nɛ bewurgboŋana be anishito nɛ men ji ma asheŋ be shɛda n sa bumo nɛ nnyamase.

Matiu 10:28

Men sa maa ŋana basa nɛ baa kaa tiŋ a mɔ men be eyur ere ŋkaa maaŋ naŋ tiŋ m mɔ men be ayoyu na. Esa nɛ e daga kaŋana e la emo nɛ e beeŋ tiŋ n jija esa be eyur nɛ mbe kiyoyu kikɛ ashi Setani be edɛ to.

Matiu 14:4

Le nɛ Jɔn kabɔrɛbɛrpo daa kaŋɛ Hɛrɔd: “K maŋ daga fo ka ta fo sipo Filip be eche.”

Baru lela nɛ Jɔn kute na 5:44

Menyee sha kebaanya mbo abar kutɔ, ama men maa wora ania a fin mbo ashi Ebɔrɛ koŋwule na kutɔ nɛ nuso nɛ menyeeŋ wora n yirda?

1 Kɔrintebi 5:5

men ta loŋ be esa na m bɔɔ Setani enɔ, saŋɛ na so, mbe eyur beeŋ jija nɛ mbe kiyoyu bre e nya kumɔlga kachɛ nɛ Enyɛnpe beeŋ ba na.

2 Kɔrintebi 5:16

Amoso, naniere mannɛ dimɛdi be kaplɛa so nɛ an naa bɔla so a keni kananɛ esa du. Saŋko bre, loŋ nɛ an daa keni Kristo na, ama naniere bre anyi maŋ naa keni mo loŋ.

Galeeshaebi 2:11

Pita ka daŋ ba Antiɔk, n fiɛ mo so ashi bebɛsopo na be anishito nna kacha ko, ŋkpal manɛ so, e daŋ wora kusɔ ko nna nɛ k maŋ kɔ ekpa.

Hibruwebi 5:4

Esa kama maaŋ tiŋ n ta le be bunyaŋ be kushuŋ ere n sa mo gbagba be kumu. Ebɔrɛ nawule e naaŋ tre esa n ta loŋ be kushuŋ m bɔɔ mo enɔ fanɛ kananɛ e daŋ tre Ɛɛrɔn na nɛ e daŋ juŋkpar ŋ ki bɔrɛmatapo nimuso na.

Jeems 2:1

Ŋ kurgepoana, ŋkpal men ka yirda an Nyɛnpe Yesu Kristo nɛ kemaŋkuragboŋ wɔ mo so na so, men sa maa kɔ ŋkpɛato.

Joshuwa 22:15

B ka yɔ Giliad be kasawule so n ya tu Ruben nɛ Gad nɛ Manase be epeŋilarkpa be kaba so be basa na nɛ

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.