2 Kronikɛls 26:16 - EBƆRƐ BE KAWƆL

¹⁶ Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

2 Kronikɛls 26:16 ပူးပေါင်းရင်းမြစ်များ

1 Bewura 12:33

Kufɔl burwasopo be kachɛ kuduanusopo nɛ mo gbagba lara n yili fanɛ k baa la kachɛgboŋ na nɛ e yɔ Bɛtɛl n ya lara sarga bɔrɛsure na so n ji loŋ be kachɛgboŋ na nseŋ kaŋɛ Israɛlebi na fanɛ b baa ji kumo kanyiŋi so.

1 Bewura 13:1

Kachako nɛ ewura Jeroboam wɔ bɔrɛsure na ase a lara sarga ashi Bɛtɛl nɛ Enyɛnpe Ebɔrɛ yili Juda n shuŋi anebi ndoŋ.

2 Bewura 14:10

Amaziya fee wu fo kumu naniere nna, ŋkpal fo ka pɔɔ Edɔmebi so so, ama mee kaŋɛ fo nna fanɛ fo shir a wɔ laŋ to. Sa maŋ kil asheŋ nɛ a beeŋ mur fo kuwurji nɛ fo basa.”

2 Bewura 15:5

Enyɛnpe Ebɔrɛ na daŋ shin nna nɛ keboti pɛ Uziya nɛ e keta kumo hale n ya wu. B daa maŋ naŋ sa mo ekpa nɛ e shuŋ kushuŋ kikɛ. E daa wɔ laŋ pɔtɛ to nna nɛ mo pibinyɛn Jotam sɔ mo so a wɔ ewura be laŋ to a ji efuli na so kuwura.

2 Kronikɛls 12:1

Rehoboam be kuwura ka baŋ yili nɛnɛ, nɛ mo nɛ mbe basa kini kebaabɛ Enyɛnpe Ebɔrɛ be mbra so.

2 Kronikɛls 25:19

Naniere Amaziya fee wu fo kumu nna, ŋkpal fo ka pɔɔ Edɔmebi so so, ama mee kaŋɛ fo nna fanɛ fo shir a wɔ laŋ to. Sa maŋ kil asheŋ nɛ a beeŋ bar jɛrbi m ba sa fo nɛ fo basa.”

2 Kronikɛls 26:15

Mbe beshumpo nɛ b nyi kushuŋ nɛnɛ na be beko daŋ lɔŋɛ akɔsɔ ko nɛ baa ta a to atanyembi nɛ ajembu gboŋgboŋi nna. Ewura Uziya daŋ ta loŋ be akɔsɔ na nna n yili atempreŋ jeŋgreŋ nɛ a wɔ Jerusalɛm be egbal na be abonfu na so nna. Ebɔrɛ daŋ chɛ ewura Uziya to nna nɛ e ji eleŋ ga nɛ mbe ketre malɛ dii ashi durnya ere be efuli kikɛ so.

2 Kronikɛls 27:2

Kananɛ mo tuto ewura Uziya daŋ wora Enyɛnpe Ebɔrɛ be aparsheŋ na, gbagba na chap nɛ mo alɛ gba daŋ wora; ama mo ere daa maŋ wora kulubi n chɔɔ duwu bɔrɛlambu to. Basa na bre daa wɔtɔ nna a wora alubi a ti so saŋkama.

2 Kronikɛls 32:25

Ama ewura Hɛzekaya daa wu mbe kumu na ga nseŋ kini keta kechɔrɔ n sa Enyɛnpe Ebɔrɛ a laŋɛ kusɔ nɛ e wora n sa mo na so. Ŋkpal loŋ so nɛ Enyɛnpe Ebɔrɛ na nya agbo nsaa shin nɛ e gberge ewura Hɛzekaya nɛ Juda nɛ Jerusalɛm be basa kusoe.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Danɛl 11:12

Kumo be kaman nɛ kamoowu e luri Ijipt be efuli so be ewura na to, ŋkpal mbe kekɔmpɔɔso nɛ benapo damta nɛ e mɔ na so. Ama mannɛ saŋkama nɛ e beeŋ ba kɔ a pɔɔ so.

Danɛl 8:8

Kaboe na daa nya eleŋ nna ga a ti so. Ama kumo be eleŋ na ka fo ekar, nɛ kumo be kelambɛ na bu n tɔr. K ka bu na nɛ alambɛ tenteŋ ana ba tal kumo to. Amo be kuko daŋ kilgi nna n shoŋi kelargato be esoso be kaba so, nɛ kuko kilgi n shoŋi epeŋilarkpa be kaba so, nɛ kuko gba kilgi n shoŋi kelargato be kaseto be kaba so, nɛ kumo nɛ k ka malɛ kilgi n shoŋi epeŋitɔrkpa be kaba so.

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

Nɔmbɛs 16:1

Kachako nɛ Iza pibinyɛn Koora nɛ e shi Livai be yiri to nsaa shi Kohaf be kabuna na tre Eliab be mbinyɛnsobi Deetan nɛ Abiram nɛ Pɛlɛf pibinyɛn Ɔɔn, nɛ mo nɛ bumo kre fanɛ b maaŋ naa nu a sa Mosis fanɛ ejuŋkparpo. Bumo nɛ Israɛl be basa alfa anyɔ nɛ adunu nɛ b la bejuŋkparpo nɛ basa bee sa bumo bunyaŋ ga na e daŋ wora kɔnɔ.

Nɔmbɛs 16:18

Kumo be ŋklade nɛ b muu ajanwulɛ n wɔtɔ bumo be edɛtɔl to nseŋ chulgi duwu n wɔtɔ edɛ na to nɛ bumo nɛ Mosis nɛ Ɛɛrɔn kikɛ ya yili Enyɛnpe be wajɛbu na be kabuna.

Nɔmbɛs 16:35

Kede be kaman nɛ Enyɛnpe Ebɔrɛ na shin nɛ edɛ wuloŋ wuloŋ ko ba chɔɔ benyɛn alfa anyɔ nɛ adunu nɛ b ta eduwu n ya ka lara sarga na m mɔ.

Nɔmbɛs 17:5

Ekama nɛ n lara fanɛ bɔrɛmatapo na be kekpabi beeŋ gbu kenishi. Loŋ e naaŋ shin nɛ Israɛlebi ere e yige kebaa fubel a bile asheŋ a malga a gbiti fo.”

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Ditɛronɔmi 8:17

Amoso men sa maŋ kaa fɛ fanɛ menyi gbagba be eleŋ nɛ ketiŋwora so nɛ men nyalɛ nseŋ dii dama na.

Kɔlɔsiebi 2:18

Men sa maŋ shin nɛ esa kikɛ e kute n wu menyi kulubi a kaŋɛ fanɛ men baa koya bunyaŋ a bunyaŋ emalaika a ta kamoowu fuloŋ ŋkpal asɔ nɛ a lar mo so nɛ e wu amo na so. Mbe nfɛra lubi na so nɛ e kɔ loŋ be kamoowu fuloŋ na.