2 Kronikɛls 26:15 - EBƆRƐ BE KAWƆL

¹⁵ Mbe beshumpo nɛ b nyi kushuŋ nɛnɛ na be beko daŋ lɔŋɛ akɔsɔ ko nɛ baa ta a to atanyembi nɛ ajembu gboŋgboŋi nna. Ewura Uziya daŋ ta loŋ be akɔsɔ na nna n yili atempreŋ jeŋgreŋ nɛ a wɔ Jerusalɛm be egbal na be abonfu na so nna. Ebɔrɛ daŋ chɛ ewura Uziya to nna nɛ e ji eleŋ ga nɛ mbe ketre malɛ dii ashi durnya ere be efuli kikɛ so.

2 Kronikɛls 26:15 ပူးပေါင်းရင်းမြစ်များ

2 Kronikɛls 2:14

Mo nio shi Dan be yiri to nna nɛ mo tuto malɛ la Tayɛ be kadetobia. E nyi kananɛ baa ta shuwa nɛ gbiti nɛ danyaŋ nɛ abɛlso nɛ ajembu nɛ ndibi a lɔŋɛ asɔ damta. E beeŋ tiŋ n lue ewajɛ buru nɛ apeper kpaw nɛ apeper kunɔkunɔ nɛ ago. E kɔ kenyi a laŋɛ kebaachaŋ asɔ a deŋi asɔ so nsaa beeŋ tiŋ n wora ndulgi kama nɛ b ŋini mo fanɛ e wora. Shin nɛ e tu fo beshumpo nɛ b kɔ enɔ to be kushuŋ be kenyi ga na nɛ bumo nɛ b daa shuŋ a sa fo tuto ewura Deevid na a shuŋ.

2 Kronikɛls 2:7

Lara esa nɛ e kɔ kenyi a tiŋ a wora asɔ a deŋi shuwa nɛ gbiti nɛ danyaŋ nɛ abɛlso be asɔ so nsaa kɔ ewajɛ buru nɛ apeper kunɔkunɔ nɛ apeper kpaw be kelue be kenyi nɛ mo nɛ basa nɛ b kɔ enɔ to be kushuŋ be kenyi nɛ n tuto Deevid lara nɛ b wɔ Juda nɛ Jerusalɛm na e baa kaa shuŋ.

2 Kronikɛls 26:14

Ewura Uziya e daa sa benapo na abɛlso be asɔkuŋso nɛ ekpa nɛ abɛlso be akpaŋwuro nɛ kena to be epiŋi nɛ ata nɛ atanyembi nɛ atababu be ajembu.

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

Ɛksodɔs 31:4

Saŋɛ na so e beeŋ baa tiŋ a ta nfɛra a chaŋ asɔ nsaa ta shuwa nɛ gbiti nɛ danyaŋ nɛ yawu kpakpaso be ajembu nyɛkpɛso

Aizaaya 29:14

Amoso meeŋ wora asheŋ nɛ a beeŋ chinchiŋ bumo nseŋ chɔɔ bumo be ŋgbene to nɛ bumo be nnɔ e mɔ bumo. Bumo to be benyiashempo beeŋ ki bewulpo nɛ bumo be kashennyi e ki jiga.”

Habakuk 1:5

Ndoŋ nna nɛ Enyɛnpe Ebɔrɛ na kaŋɛ mbe basa le: “Men dara efuli pɔtɛana nɛ a kulti menyi na ŋ keni. Kusɔ nɛ menyeeŋ wu na beeŋ mɔ menyi kɔnɔ alegaiso. Meeŋ wora kusɔ ko menyi be jemanɛ to, nɛ men nu kumo gba menyi maaŋ yirda.

Matiu 4:24

Amoso mbe ketre daŋ sɔ Siriya kikɛ to nna nɛ basa bar mo belɔpo nɛ bumo be alɔ be nnaŋ to kikɛ, bumo nɛ b daa wɔ ebesa to nɛ bumo nɛ mbuibi lubiana daŋ tɔr so nɛ kegbuŋgbuŋwuraana nɛ eyurwusowuraana kikɛ nɛ e chɛ n chɛ bumo.

Ditɛronɔmi 20:20

Menyeeŋ tiŋ ŋ ku ndibi pɔtɛ n lɔŋɛ nsakpar nɛ ajaŋ jeŋgreŋ m bɔla so n dii egbalana na so n luri kade na to ŋ kɔ n suge kumo.