2 Kronikɛls 25:5 - EBƆRƐ BE KAWƆL

⁵ Ewura Amaziya daŋ shuŋi nna n tre Juda nɛ Bɛnjamin be eyiriana to be benyɛn nɛ b fo nfɛ adunyɔ m baŋ so na n shin nɛ b barga to n yili mbuna mbuna so, nɛ e lara benapo be benimu nɛ baaŋ baa keni basa kagboŋ kagboŋ be ntuŋ so nɛ basa kalfa kalfa be ntuŋ so n sa bumo. Benyɛn nɛ b daŋ fo ekpa nɛ abɛlso be asɔkuŋso be keta ŋ kɔ kena na kikɛ daa la basa ŋgboŋ alfa asa nna.

2 Kronikɛls 25:5 ပူးပေါင်းရင်းမြစ်များ

1 Kronikɛls 13:1

Ewura Deevid daŋ tre mbe benapo be benimu nɛ baa keni benapo be ntuŋ kagboŋ kagboŋ nɛ kalfa kalfa so na nna nɛ mo nɛ bumo to jina.

1 Kronikɛls 27:1

Kufɔl kikɛ benyɛn ŋgboŋ adunyɔ nɛ ana nɛ b daa lara nɛ baa shuŋ fanɛ benapo ashi Israɛl be efuli so. Kanaŋ to be bejuŋkparpoana nɛ benapo be benimu nɛ ewura be beyaasepo gba daŋ ti loŋ be basa na so a shuŋ.

2 Kronikɛls 11:1

Ewura Rehoboam ka ba Jerusalɛm na, nɛ e tre Bɛnjamin nɛ Juda be yiri na to be benapo lempo ŋgboŋ kalfa nɛ aduburwa m ba abar so. E daa sha keyɔ n ya kɔ Israɛl be eyiri nɛ a wɔ kelargato be esoso be kaba so na kena nna saŋɛ na so efuli na kikɛ beeŋ baa kraa la kukoŋwule.

2 Kronikɛls 14:7

Le nɛ e daŋ kaŋɛ Juda be basa: “Men shin nɛ an pɔr atempreŋ jeŋgreŋ nseŋ pɔr egbalana ŋ kulti anyi be ndeana, nseŋ wɔtɔ amo ekuloŋgboŋ nɛ anyeeŋ baa ti nsaa ta ndibi gboŋgboŋi a laga amo to. An kɔ kasawule na so be eleŋ. Ŋkpal an ka bee wora Enyɛnpe Ebɔrɛ be aparsheŋ so, E kuŋ anyi be ŋkpa ekpa kikɛ so.” Amoso b daŋ pere kenishi nna m pɔr ga nseŋ nya nɛfa malɛ ga.

2 Kronikɛls 14:8

Ewura Asa be benapo nɛ b shi Juda n daa kɔ abɛlso be asɔkuŋso nɛ ekpa na daa wɔ basa ŋgboŋ alfa asa nɛ bumo nɛ bumo alɛ daa shi Bɛnjamin nsaa kɔ abɛlso be asɔkuŋso wurbi nɛ ata na daa wɔ basa ŋgboŋ alfa anyɔ nɛ aduburwa. Bumo kikɛ daa kɔ kenyɛn ga nsaa nyi kena be kekɔ nɛnɛ.

2 Kronikɛls 25:6

E daŋ ta gbiti nɛ amo be egbɛ sa fanɛ kilo ŋgboŋ asa nɛ alfa ana nna n haya benapo ŋgboŋ kalfa ashi Israɛl be efuli so n ti bumo so.

Ɛksodɔs 18:25

Kumo be kaman nɛ Mosis lara benyɛn nɛ baaŋ tiŋ n shuŋ kushuŋ na ashi Israɛlebi na kikɛ to nseŋ shin nɛ b ki basa kagboŋ kagboŋ nɛ basa kalfa kalfa nɛ basa adununu nɛ basa kudu kudu be bekenipoana.

Nɔmbɛs 1:3

Men sibɛ bekama nɛ b fo nfɛ adunyɔ ŋko m baŋ so nsaa beeŋ tiŋ ŋ kɔ kena na kikɛ be atre.

1 Samuɛl 8:12

E beeŋ lara bumo be beko nɛ b ki benapo ŋgboŋto ŋgboŋto be benimu nɛ beko malɛ e ki benapo adununu be benimu. E beeŋ shin nɛ bumo be beko e baa dɔ mo nɛ beko malɛ e baa teŋi mbe asɔ nɛ beko e baa wora akɔsɔ nɛ mbe egbaŋɛturko be asɔ.