2 Kronikɛls 25:4 - EBƆRƐ BE KAWƆL

⁴ E daa maŋ mɔ bumo be mbia bre, ŋkpal manɛ so e daŋ bɛ kusɔ nɛ Enyɛnpe Ebɔrɛ kaŋɛ ashi Mosis be mbra to na so nna. E yɛ: “B sa maŋ kaŋ mɔ ekurgepo ŋkpal kulubi nɛ bumo be mbia wora so. Loŋ koŋwule nɛ a maŋ daga b ka mɔ mbia ŋkpal kulubi nɛ bumo kurgepoana wora so. Ekama nɛ e wora kulubi, mo e daga kumo be kasogberge.”

2 Kronikɛls 25:4 ပူးပေါင်းရင်းမြစ်များ

2 Kronikɛls 25:5

Ewura Amaziya daŋ shuŋi nna n tre Juda nɛ Bɛnjamin be eyiriana to be benyɛn nɛ b fo nfɛ adunyɔ m baŋ so na n shin nɛ b barga to n yili mbuna mbuna so, nɛ e lara benapo be benimu nɛ baaŋ baa keni basa kagboŋ kagboŋ be ntuŋ so nɛ basa kalfa kalfa be ntuŋ so n sa bumo. Benyɛn nɛ b daŋ fo ekpa nɛ abɛlso be asɔkuŋso be keta ŋ kɔ kena na kikɛ daa la basa ŋgboŋ alfa asa nna.

Ezikɛl 18:20

Basa nɛ b wora alubi e naa wu alubi be luwu. Mbia maaŋ ji awurfoŋ ŋkpal bumo tutoana be alubi so nɛ bekurgepo gba maaŋ ji awurfoŋ ŋkpal bumo be mbia be alubi so. Basa lela beeŋ nya bumo be alelasheŋ be kakɔka nɛ basa lubi malɛ e nya kasogberge ŋkpal bumo be alubi so.

Ezikɛl 18:4

Dimɛdi kikɛ be ŋkpa bɔɔ ma enɔ nna, bekurgepo nɛ bumo be mbia kikɛ. Amoso, esa nɛ e wora kulubi e naaŋ wu kumo be luwu.

Ditɛronɔmi 24:16

A maŋ daga fanɛ b mɔ betuto nɛ benio ŋkpal alubi nɛ bumo be mbia wora so. Kumo alɛ maŋ daga fanɛ b mɔ mbia ŋkpal alubi nɛ bumo tutoana nɛ bumo nioana wora so. Ekama daga fanɛ e wu nna ŋkpal mo gbagba be alubi nɛ e wora so.