2 Kronikɛls 25:19 - EBƆRƐ BE KAWƆL

¹⁹ Naniere Amaziya fee wu fo kumu nna, ŋkpal fo ka pɔɔ Edɔmebi so so, ama mee kaŋɛ fo nna fanɛ fo shir a wɔ laŋ to. Sa maŋ kil asheŋ nɛ a beeŋ bar jɛrbi m ba sa fo nɛ fo basa.”

2 Kronikɛls 25:19 ပူးပေါင်းရင်းမြစ်များ

2 Kronikɛls 25:20

Ama ewura Amaziya daŋ kini kenu nna ŋkpal manɛ so Ebɔrɛ e daa sha fanɛ b kɔ m pɔɔ mo so ŋkpal e ka daa shuŋ Edɔmebi be agbir so.

2 Kronikɛls 26:16

Ewura Uziya ka nya eleŋ nɛ mbe ketre dii ga na, nɛ kamoowu luri mo to nɛ kumo be loŋ shin nɛ e tɔr. E daŋ wora kusoe kpakpaso nna n sa Enyɛnpe mbe Ebɔrɛ na nseŋ ya luri bɔrɛlambu na to nɛ e chɔɔ duwu bɔrɛsure nɛ baa chɔɔ duwu kumo so na so.

2 Kronikɛls 32:25

Ama ewura Hɛzekaya daa wu mbe kumu na ga nseŋ kini keta kechɔrɔ n sa Enyɛnpe Ebɔrɛ a laŋɛ kusɔ nɛ e wora n sa mo na so. Ŋkpal loŋ so nɛ Enyɛnpe Ebɔrɛ na nya agbo nsaa shin nɛ e gberge ewura Hɛzekaya nɛ Juda nɛ Jerusalɛm be basa kusoe.

2 Kronikɛls 35:21

nɛ ewura Neeko ta le be kubɔya ere n sa ewura Josaya. E yɛ: “Juda be ewura, fo kɔnɔ maŋ ti kena nɛ mee kɔ ere so. Mannɛ fo nɛ m ba nɛ m ba kɔ, ndoŋana nɛ m ba nɛ m ba kɔ nɛ Ebɔrɛ kaŋɛ ma fanɛ n wora loŋ manaŋ. Ebɔrɛ wɔ ma kaman, amoso sa maŋ kuŋ ma akpa, nɛ mannɛ aloŋ e beeŋ mur fo.”

Aŋasa 13:10

Kamoowu bee bar esa tɔrɔ nna. Enyiashempo bre bee fin kasotoji nna.

Aŋasa 16:18

Kamoowu e naa yɛr esa kemur to nɛ ŋkpensheŋ malɛ bee bar esa kaseto.

Aŋasa 18:6

Ewulpo be kudonduloŋ bee wɔtɔ mo asheŋ to nna, nɛ mbe kɔnɔ malɛ bee bar mo kebri.

Aŋasa 20:3

Kebaa maa sha kolu bee sa esa kemaŋkura nna. Ewulpo e naa sha kamɔrɔji.

Aŋasa 26:17

Keta fo kɔnɔ n wɔtɔ kolu nɛ k maŋ la feya to, du nna fanɛ fo ka bee gberge jɔnɔ nɛ e maŋ nyi fo be kusoe na.

Aŋasa 28:25

Bejimunipo bee baga asheŋ to nna, ama asheŋ beeŋ nite nɛnɛ n sa esa kama nɛ e ta mbe yirda n deŋi Enyɛnpe Ebɔrɛ so.

Jɛremaya 9:23

Kumo be kaman nɛ Enyɛnpe Ebɔrɛ na naŋ kaŋɛ le: “Benyiashempo e sa maa puchi bumo be kanyiasheŋ so, ŋko belempo e sa maa puchi bumo be eleŋ so, ŋko damawuraana e sa maa puchi bumo be kedama so.

Danɛl 11:12

Kumo be kaman nɛ kamoowu e luri Ijipt be efuli so be ewura na to, ŋkpal mbe kekɔmpɔɔso nɛ benapo damta nɛ e mɔ na so. Ama mannɛ saŋkama nɛ e beeŋ ba kɔ a pɔɔ so.

Habakuk 2:4

Kubɔya na nde: ‘Bekama nɛ baa wora asheŋ lubi maaŋ ji efute, ama bekama nɛ bumo be kebaawɔtɔ niŋi na beeŋ baa wɔ ŋkpa to ŋkpal b ka bee ji kashenteŋ a sa Ebɔrɛ so.’ ”

Luuk 14:31

Ŋko ewura mo e naaŋ baa yɔ nɛ mo nɛ ewura pɔtɛ e ya kɔ kena nsaa maaŋ chena n fɛ kumo be nfɛra pɔɛŋ m pin ŋko e beeŋ tiŋ n ta benapo ŋgboŋ kudu n ya tu mo doŋ nɛ e kɔ benapo ŋgboŋ adunyɔ ŋko e maaŋ tiŋ a ba na?

1 Kɔrintebi 1:29

nɛ esa kikɛ e sa maŋ tiŋ m puchi ashi Ebɔrɛ be anishito.

Ditɛronɔmi 8:14

men baa da so nɛ kamoowu maaŋ luri menyi to nɛ men teŋ Enyɛnpe menyi be Ebɔrɛ nɛ e kɔ n suge menyi kenyaya to ashi Ijipt be efuli so na so.

Jeems 4:6

K kɔ kifi, ama Ebɔrɛ be kuwɔr e shi ga. Abɔrɛsibɛ na malɛ e naa kaŋɛ loŋ fanɛ: “Ebɔrɛ maa shuli a sa kamoowuwuraana, basa nɛ b maŋ kɔ kamoowu nɛ e bee wu kuwɔr.”

1 Pita 5:5

Mbrantiɛ, loŋ koŋwule na nɛ a daga fanɛ men baa nu a sa benyɛnnimuana. Men ta kumu be kebar kaseto m mea to fanɛ wajɛ a wɔtɔ a sa abar, ŋkpal manɛ so, Ebɔrɛ maa sa kamoowuwuraana kashuli, ama bumo nɛ baa bar bumo be amu kaseto bre, e bee wu bumo kuwɔr nna.