2 Kronikɛls 25:17 - EBƆRƐ BE KAWƆL

¹⁷ Juda be ewura Amaziya nɛ mbe besoetojipoana daŋ kre nɛ b ya kɔ Israɛl kena nna, nseŋ ta kubɔya n ya sa Israɛl be ewura Jehɔash nɛ e la Jehowahaz pibinyɛn nsaa la Jehu mo nanabi na, a to mo emaŋ fanɛ b kɔ kena.

2 Kronikɛls 25:17 ပူးပေါင်းရင်းမြစ်များ

2 Samuɛl 2:14

Nɛ Abna ponte ŋ kaŋɛ Jɔab le: “Men shin nɛ an lara anyi be benapo ere be bumo nɛ b kɔ eleŋ ga nɛ b kɔ abar nɛ an keni.” Nɛ Jɔab shuli so ŋ kaŋɛ le: “K nyalɛ.”

2 Kronikɛls 25:13

Loŋ be jemanɛ na Israɛlebi be benapo nɛ ewura Amaziya daa maŋ shuli nɛ b tu mo n yɔ kena na to na, ya kɔ Juda be nde nɛ a wɔ Samɛria nɛ Bɛf Hɔrɔn be kefɛato na nna nseŋ mɔ basa ŋgboŋ asa m muu bumo be asɔ damta kena na to.

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Aŋasa 20:3

Kebaa maa sha kolu bee sa esa kemaŋkura nna. Ewulpo e naa sha kamɔrɔji.

Luuk 2:43

Kejigboŋ na be jemanɛ ka ba choŋ nɛ b bɛta m pɛ epe be ekpa. Ama bumo alɛ daa maŋ nyi Yesu ka kraa wɔ Jerusalɛm to.

1 Samuɛl 27:1

Kumo be kaman nɛ Deevid fɛ le: “Sɔɔl beeŋ tiŋ m mɔ ma nchɛ anyɔ ere to. Amoso kusɔ nɛ meeŋ wora e la fanɛ meeŋ shile n yɔ Filisti be efuli so n ya ŋana, saŋɛ na so e beeŋ fin ma Israɛl be efuli so ŋ gben nɛ n nya ma kumu.”