2 Kronikɛls 25:14 - EBƆRƐ BE KAWƆL

¹⁴ Ewura Amaziya ka ya kɔ m pɔɔ Edɔmebi na so na nɛ e ta bumo be agbir m ba yili ŋ ki mbe agbir nsaa shuŋ amo a lara sarga a sa amo.

2 Kronikɛls 25:14 ပူးပေါင်းရင်းမြစ်များ

2 Samuɛl 5:21

Filistiebi be benapo na ka shile n yige bumo be agbir na nɛ Deevid nɛ mbe basa ta amo.

2 Bewura 14:8

Kachako nɛ Juda be ewura Amaziya shuŋi mbɔ Israɛl be ewura Jehɔash kutɔ n to mo emaŋ fanɛ b kɔ kena.

2 Kronikɛls 25:13

Loŋ be jemanɛ na Israɛlebi be benapo nɛ ewura Amaziya daa maŋ shuli nɛ b tu mo n yɔ kena na to na, ya kɔ Juda be nde nɛ a wɔ Samɛria nɛ Bɛf Hɔrɔn be kefɛato na nna nseŋ mɔ basa ŋgboŋ asa m muu bumo be asɔ damta kena na to.

2 Kronikɛls 25:2

Amaziya daŋ wora kusɔ nɛ k par Ebɔrɛ, ama mo alɛ daa maŋ wora kumo nɛ kagbene koŋwule.

2 Kronikɛls 28:23

E daŋ lara esarga nna n sa Siriyaebi nɛ b daŋ kɔ m pɔɔ mo so na be agbirana. Le nɛ e daŋ fɛ: “Siriya be agbirana na a chɛ Siriya be bewura to, amoso nɛ m baŋ lara sarga n sa amo, a beeŋ chɛ ma alɛ gba to.” Aloŋ so nɛ mo nɛ mbe efuli so ebi ji jɛrbi ga na.

Ɛksodɔs 23:24

Men sa maŋ kaŋ bunyaŋ bumo be agbir na ŋko n shuŋ amo ŋko m bɛ bumo be edaŋkaresheŋ so. Men jija bumo agbirana na cheche nseŋ bure bumo be agbirjembu na to burburbi.

Aizaaya 44:15

Ndibi nɛ edimɛdi kɔ a puga edɛ na be ako nɛ baa ku a lɔŋɛ agbirana. E beeŋ kpele kedibi na be ayabi m puga edɛ n wɔl gbaŋgbaŋ to nseŋ ta ako m puga edɛ n daŋɛ n ji. Kumo be kaman nɛ e ku kedibi na be kaba n lɔŋɛ kegbir a shuŋ kumo.

Aizaaya 44:19

Esa nɛ e bee lɔŋɛ agbir maŋ kɔ mbe kumu so be eleŋ ŋko nfɛra nɛ e tiŋ ŋ kaŋɛ le: “Ndibi na be ako nɛ n ta m puga edɛ n daŋɛ ajibi n ji nseŋ tɔ eblaŋ edɛ koŋwule na to n we na. Ndibi nɛ a ka na nɛ n ta n lɔŋɛ kegbir na. Amoso kedishiŋ fuloŋ nɛ mee gbir a bunyaŋ na!”

Eemɔs 2:4

Enyɛnpe Ebɔrɛ yɛ: “Juda be basa wora alubi n ya baŋ so, amoso abaanaaworashɛŋ meeŋ gberge bumo kusoe. B kplaŋ ma keŋini so nseŋ kini kebɛ ma mbra malɛ so. Agbir koŋwule nɛ bumo nananyɛnana daa shuŋ na e fule bumo nɛ b foe ekpa.

Ditɛronɔmi 7:25

Nɛ men kaŋ pɔɔ efuli kama so, men chɔɔ bumo be agbirana. Men sa maŋ kaa yɛlga shuwa ŋko gbiti nɛ a beeŋ baa deŋ agbirana na so na. Menyi alɛ e sa maŋ ta amo ŋ ki menyeya. Nɛ men wora loŋ, k beeŋ tiŋ a la luwu n sa menyi, ŋkpal manɛ so, Enyɛnpe Ebɔrɛ na kishi kagbirshuŋ nna.

Ditɛronɔmi 7:5

Amoso nɛ men kaŋ kɔ m pɔɔ efuliana na so, men bure m bure bumo be agbirsure nɛ agbirjembu nseŋ ku kegbir cheso nɛ baa tre Ashira na be ndibi nɛ b yuu a shuŋ mo na n lɛ. Kumo be kaman nɛ men chɔɔ bumo be agbirana na m mur.