2 Kronikɛls 24:7 - EBƆRƐ BE KAWƆL

⁷ Ewurche Atalia nɛ e la kumu kpakpasowura na be mbinyɛnsobi e daŋ jija bɔrɛlambu na nseŋ ta kumo to be asɔ cheembi na a shuŋ kegbir nɛ baa tre Baal na.

2 Kronikɛls 24:7 ပူးပေါင်းရင်းမြစ်များ

2 Bewura 11:1

Juda be ewura Ahaziya mo nio Atalia ka nu fanɛ mo pibinyɛn wu nna, nɛ e kaŋɛ fanɛ b mɔ basa nɛ b shi Juda be ewura be kanaŋ to na kikɛ.

2 Bewura 12:4

Kachako nɛ ewura Jɔash tre bɔrɛmatapoana na ŋ kaŋɛ bumo fanɛ b sɔ etoto nɛ elampo be amansherbi nɛ b chala na kikɛ n wɔtɔ bɔrɛlambu be kpanjawu na to.

2 Kronikɛls 21:17

B daŋ kɔ nna n sɔ Juda nseŋ muu ewura be laŋ to be asɔ kikɛ, m pɛ mbe beche nɛ mbinyɛnsobi kikɛ n yɔ. Mbe pibinyɛn Ahaziya nɛ e la kaluge na nawule nɛ b daa maŋ pɛ.

2 Kronikɛls 24:4

Jɔash ka ji kuwura n ya fo saŋko na, nɛ e yili kumo fanɛ e beeŋ lɔŋɛ bɔrɛlambu na nɛnɛ.

Ɛsta 7:6

Nɛ Ɛsta yɛ: “Mo e la Heman ere. E la esa lubi nɛ edoŋ nɛ emɔpo nna.” Ndoŋ nna nɛ kufu pɛ Heman ga ashi ewura na nɛ ewurche na be anishito.

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Danɛl 5:23

Fo wora n da Enyɛnpe Ebɔrɛ nɛ e wɔ ebɔrɛso na so nna, ŋkpal fo ka ta shuwa be asɔnuunchu nɛ ntishaŋ nɛ fo tuto ta ashi Ebɔrɛ be bɔrɛlambu nɛ k wɔ Jerusalɛm na to nɛ fo nɛ bewurbiana nɛ fo beche, nɛ fo jipoana kikɛ ta amo a nuu nsa nsaa di agbirana nɛ b ta shuwa nɛ gbiti nɛ danyaŋ nɛ abɛlso, nɛ ndibi nɛ ajembu n lɔŋɛ na epaŋ so. Le be agbir ere maa wu ŋko a nu, amo alɛ maŋ nyi shɛŋ. Ama fo kini kebunyaŋ Ebɔrɛ nɛ kusɔ kama bɔɔ mo enɔ nɛ e kɔ eleŋ nɛ e tiŋ n shin nɛ fo ji efute ŋko n wu na bre.

Hoziya 2:10

Meeŋ shin nɛ mo jipoana e wu asheŋ lubi nɛ e wora na kikɛ, nɛ esa kama malɛ maaŋ tiŋ n sɔ mo ashi ma enɔ to.

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

2 Tɛsalɔnikaebi 2:8

Kachɛ na kaŋ fo, alubipo na beeŋ ba lara mbe kumu efuli nɛ Enyɛnpe Yesu e fute mbe kɔnɔ to be afu m mɔ mo n shin nɛ mo ere Yesu be kemaŋkura be keba na e mur alubipo na.

Kelaraŋŋini 2:20

Ama kusɔ nɛ n wu menyi so e la fanɛ, men sa kache Jɛzebel mo nɛ e bee tre mbe kumu abɔrɛsheŋ be ewuŋkaŋɛpo na ekpa nna nɛ e wɔtɔ a ŋini nsaa shin nɛ ma anya bee luri kesakalea be keji to nseŋ naa shin nɛ baa ji nlɔŋɛjibi.

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.