2 Kronikɛls 24:24 - EBƆRƐ BE KAWƆL

²⁴ Kashenteŋ nna fanɛ Siriya be benapo na daa maŋ shibi, ama Enyɛnpe Ebɔrɛ daŋ shin nna nɛ b kɔ m pɔɔ Juda be benapo damta na so ŋkpal b ka kini mo Enyɛnpe bumo nananyɛnana be Ebɔrɛ na so. Kananɛ Enyɛnpe na daŋ gberge ewura Jɔash kusoe nna na.

2 Kronikɛls 24:24 ပူးပေါင်းရင်းမြစ်များ

2 Bewura 12:17

Loŋ be jemanɛ na nɛ Siriya be Ewura Haziɛl daŋ ya kɔ m pɔɔ Gaaf be kade so nseŋ kilgi n ya kaa kɔ Jerusalɛm malɛ gba.

2 Kronikɛls 16:7

Loŋ be saŋɛ na nɛ anebi Hanani yɔ ewura Asa kutɔ n ya kaŋɛ mo le: “Ŋkpal fo ka ta fo yirda n deŋi Siriya be ewura so nseŋ kini keta fo yirda n deŋi Enyɛnpe Ebɔrɛ so so, fo maaŋ naŋ tiŋ m pɔ Siriya be benapo so kikɛ.

2 Kronikɛls 22:8

Jehu ka bee wora kusɔ nɛ Ebɔrɛ kaŋɛ mo na, nɛ e wu Juda be bejuŋkparpoana nɛ Ahaziya mo wɔpabiana nɛ b daŋ tu mo m ba nɛ b ba bɔ Joram so na. Nɛ Jehu mɔ Ahaziya mo wɔpabiana na nɛ benimuana na be beko

2 Kronikɛls 24:20

Ndoŋ nna nɛ Ebɔrɛ be kiyoyu ba bɔrɛmatapo Jehowada pibinyɛn Zakareya so. Nɛ e yili kakpa nɛ basa na beeŋ wu mo ŋ kaŋɛ le: “Enyɛnpe Ebɔrɛ yɛ, manɛ nna nɛ men kini kebɛ mbe mbra so nsaa kil kasogberge a sa menyi be amu loŋ! Men ka kini mo na so nɛ mo alɛ gba kini menyi na.”

2 Kronikɛls 28:5

Ŋkpal ewura Ahaz ka wora kulubi nɛ Juda be basa malɛ kini Enyɛnpe bumo nananyɛnana be Ebɔrɛ na so, Ebɔrɛ shin nna nɛ Siriya be ewura kɔ m pɔɔ mo so nseŋ pɛ Judaebi be basa damta n yɔ kabuti to ashi Damaskɔs. Enyɛnpe Ebɔrɛ na daŋ naŋ shin nna nɛ Israɛl be ewura Pɛka nɛ e la Remaliya pibinyɛn na kɔ m pɔɔ ewura Ahaz so nseŋ mɔ Juda be benapo nɛ b kɔ kenyɛn ga na be ŋgboŋ kalfa nɛ adunyɔ kachɛ koŋwule be epeŋi to.

Aizaaya 13:5

B shi efuli wɔfɔ wɔfɔ nɛ a wɔ durnya be lalaloge to nna a ba. Enyɛnpe Ebɔrɛ na malɛ e kaa kagbene n ta mbe akɔsɔ a ba nɛ e ba mur Babilɔn be efuli kikɛ.

Aizaaya 30:17

Menyi to be basa kagboŋ beeŋ wu bedoŋ be enapo koŋwule nseŋ shile nɛ bumo be benapo anu e shin nɛ menyi kikɛ e shile. Kumo be lalaloge menyi to be basa gbrɛbi e naaŋ ka nsaa du fanɛ kedibi nɛ b ta tuta n chɛ m mata n yuu kebee be awɔlto na.

Jɛremaya 37:10

Hale nɛ men tiŋ ŋ kɔ m pɔɔ Babilɔn be benapo na kikɛ so gba, bumo be basa nɛ b doro a dese bumo be ewajɛbu to kraa beeŋ koso n chɔɔ kadegboŋ ere n lɛ.”

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Levitikɔs 26:37

Menyeeŋ fiti abar n lar n tɔr jemanɛ nɛ esa kama maŋ ju a buu menyi so. Menyi maaŋ naŋ tiŋ ŋ kɔ edoŋ kikɛ.

Levitikɔs 26:8

Menyi to be basa anu beeŋ kɔ m pɔɔ basa kalfa so, nɛ basa kalfa e kɔ m pɔɔ basa ŋgboŋ kudu so.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Zefanaiya 1:2

Le nɛ Enyɛnpe Ebɔrɛ na daŋ kaŋɛ: “Meeŋ shin nɛ kusɔ kikɛ e mur kasawule so.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 28:48

e beeŋ shuŋi bedoŋ menyi kutɔ nɛ men shuŋ bumo nɛ ketir e pɛ menyi nɛ men maaŋ nya ajibi n ji ŋko nchu n nuu ŋko asɔbuuso gba m buu. Men doŋana na beeŋ kɔrfɛ menyi hale n ya mur menyi.

Ditɛronɔmi 32:30

Manɛ so nɛ esa koŋwule tiŋ m pɔɔ basa kagboŋ so, nɛ basa anyɔ malɛ tiŋ m pɔɔ basa ŋgboŋ kudu so? Enyɛnpe bumo be Ebɔrɛ na e kini bumo n lɛ. Bumo be Ebɔrɛ lempo na e ta bumo n sa bumo doŋana.