2 Kronikɛls 24:18 - EBƆRƐ BE KAWƆL

¹⁸ Basa na daa maŋ naa yɔ bɔrɛlambu na to n ya kaa bunyaŋ bumo nananyɛnana be Ebɔrɛ na. B daŋ naŋ fara nna a shuŋ agbir nɛ kegbirche Ashira be kegbir be kapɔrduli. Ŋkpal kulubi nɛ b wora ere so, Enyɛnpe Ebɔrɛ be agbo daŋ ba Juda nɛ Jerusalɛm be basa so nna.

2 Kronikɛls 24:18 ပူးပေါင်းရင်းမြစ်များ

2 Samuɛl 24:1

Enyɛnpe Ebɔrɛ na daŋ naŋ nya agbo nna ga n wɔtɔ Israɛlebi nseŋ bɔla Deevid so m bar le be tɔrɔ ere bumo so ŋ kaŋɛ Deevid le: “Ya karga Israɛl nɛ Juda be basa kikɛ.”

1 Bewura 14:23

B daŋ pɔr agbirlambuana nna nseŋ ta ajembu m pɔr eshabɔrɛ nɛ kegbirche Ashira be mpɔrduli n yili abee so nɛ ndibigboŋ nɛ a maaŋ gbaŋgbaŋ amo be afantaŋ be afito nsaa bunyaŋ amo.

1 Bewura 14:9

Fo alubi nɛ fo wora gba chɔ bewura kama nɛ b juŋkpar fo na be alubi, ŋkpal manɛ so fo kini ma nseŋ nyaŋɛ ma agbo to ŋkpal fo ka ya ka bunyaŋ agbir nɛ fo ta abɛlso n lɔŋɛ na so.

2 Kronikɛls 12:1

Rehoboam be kuwura ka baŋ yili nɛnɛ, nɛ mo nɛ mbe basa kini kebaabɛ Enyɛnpe Ebɔrɛ be mbra so.

2 Kronikɛls 12:2

Rehoboam ka ji kuwura be kafɛ nusopo to, nɛ Enyɛnpe Ebɔrɛ gberge bumo kusoe n shin nɛ Ijipt be ewura Shishak ba kɔ n sɔ Jerusalɛm ŋkpal b ka maa wora Enyɛnpe Ebɔrɛ kasonu so.

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 21:13

Fo bɛ Israɛl be bewura na be ekpa so nna nseŋ shin nɛ Juda nɛ Jerusalɛm be basa maŋ naa ji kashenteŋ a sa Ebɔrɛ fanɛ kananɛ Ahab nɛ mbe kaman to ebi daŋ shin nɛ Israɛl be efuli so ebi maŋ ji kashenteŋ n sa Ebɔrɛ na. Fo mɔ fo sipo nyɛnsoana nɛ b bɔ fo na.

2 Kronikɛls 22:4

Ahaziya mo tuto ka wu na be kaman, e daŋ wora kulubi nna ŋ gbiti Enyɛnpe Ebɔrɛ ŋkpal e ka daŋ lara Ahab be kanaŋ na to be basa ko ŋ ki mbe asoetojipoana so. Bumo be kasotoji na malɛ e shin nɛ e tɔr.

2 Kronikɛls 24:17

Ewura Jehowada ka wu na be kaman nɛ Juda be bejuŋkparpoana na ya bunyaŋ ewura Jɔash nseŋ lɔlɔ mo nɛ e bee bɛ bumo be kasotoji so.

2 Kronikɛls 24:4

Jɔash ka ji kuwura n ya fo saŋko na, nɛ e yili kumo fanɛ e beeŋ lɔŋɛ bɔrɛlambu na nɛnɛ.

2 Kronikɛls 25:15

Ndoŋ nna nɛ Enyɛnpe Ebɔrɛ nya agbo ga ŋkpal le be asheŋ ere so nseŋ shuŋi anebi ewura Amaziya kutɔ n ya bishi mo le: “Manɛ nna nɛ fee shuŋ efuli pɔtɛana so be agbir nɛ a maŋ tiŋ m mɔlga amo gbagba be basa ashi fo enɔ to ere?”

2 Kronikɛls 28:13

B yɛ: “Men sa maŋ ta basa nɛ men pɛ kena to na m ba nfe! An tiŋ n wora alubi ŋ gbiti Enyɛnpe Ebɔrɛ na nseŋ wɔtɔ mo agbo to n daga mbe kasogberge. Naniere, menyee shin nɛ men wora kusɔ nɛ k beeŋ shin nɛ anyi be kulubi na e wora alegai nna na.”

2 Kronikɛls 29:8

Ŋkpal le be asheŋ ere so, Enyɛnpe Ebɔrɛ daŋ nya agbo nna ga n wɔtɔ Juda nɛ Jerusalɛm ebi nseŋ wora bumo kusɔ nɛ k pɛ ekama kufu nseŋ mɔ ekama kɔnɔ. Men gbagba ere nyi le be kesheŋ ere nɛnɛ.

2 Kronikɛls 32:25

Ama ewura Hɛzekaya daa wu mbe kumu na ga nseŋ kini keta kechɔrɔ n sa Enyɛnpe Ebɔrɛ a laŋɛ kusɔ nɛ e wora n sa mo na so. Ŋkpal loŋ so nɛ Enyɛnpe Ebɔrɛ na nya agbo nsaa shin nɛ e gberge ewura Hɛzekaya nɛ Juda nɛ Jerusalɛm be basa kusoe.

2 Kronikɛls 34:25

Ŋkpal b ka kini ma nsaa lara esarga a sa efuli pɔtɛana be agbirana so ma agbo kaa ga. Kusɔ nɛ b wora na so, ma agbo maaŋ wushi kikɛ.

Ɛksodɔs 34:12

Ama men baa da so nɛ menyi nɛ kasawule na so be basa e sa maŋ kaŋ wora kɔnɔkoŋwule be ŋkre kikɛ. Ŋkpal manɛ so, nɛ men wora loŋ, k beeŋ ki katiyɛ lubi m pɛ menyi.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Jɛremaya 17:2

Menyi be basa yuu nnyamase be agbirsure nna a shuŋ kegbirche nɛ baa tre Ashira na ashi efuli na so be abeebi nɛ abeegboŋ nɛ ndibigboŋ nɛ e kɔ afantaŋ ga kikɛ be afito. Amoso meeŋ ta asɔ nɛ men kɔ kikɛ nɛ menyi be agbirsure n ti so n sa men doŋana.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Ɛfesesebi 5:6

Men sa maŋ shin nɛ esa kama e ta mmalga fuloŋ n fule menyi, ŋkpal manɛ so, loŋ be asheŋ so nɛ Ebɔrɛ be demuji be agbo bee ba bumo nɛ b maa nu a sa mo na so.

Joshuwa 22:20

Men nyiŋi kananɛ Zɛra pibinyɛn Eekan kini kenu n sa Enyɛnpe Ebɔrɛ nseŋ ta asɔ nɛ Enyɛnpe Ebɔrɛ kaŋɛ fanɛ b mur na, nɛ Israɛlebi kikɛ luri kasogberge to ŋkpal loŋ so. Mannɛ Eekan nawule e daŋ wu ŋkpal mbe kulubi nɛ e wora na so.”

Demujipoana 5:8

Jemanɛ nɛ Israɛlebi lara agbir popɔr a shuŋ na, nɛ kena ku bumo be ndeana to. Ama b daa maa kɔ abɛlso be asɔ kuŋso, ŋko akpa nɛ baaŋ ta ŋ kɔ.

Demujipoana 8:33

Gidiɔn be luwu be kaman, Israɛlebi na kraŋ pal kaman nna n sa Ebɔrɛ nsaa shuŋ agbir. B daa shuŋ agbir nɛ baa tre Baal na nna nseŋ ta kumo nɛ baa tre Baal Bɛrif na fanɛ bumo kegbirgboŋ,