2 Kronikɛls 23:7 - EBƆRƐ BE KAWƆL

⁷ Livaiebi na beeŋ keta bumo be etokobi n wora shiriya n yili a kuŋ ewura na. Kaplɛkama nɛ ewura na bee yɔ nɛ b bɛ mo so. Ekama malɛ nɛ e pɛl n luri bɔrɛlambu na to daga luwu.”

2 Kronikɛls 23:7 ပူးပေါင်းရင်းမြစ်များ

2 Kronikɛls 23:6

Ekama maŋ kɔ ekpa nɛ e luri bɔrɛlambu na to ama bɔrɛmatapoana nɛ Livaiebi nɛ baa shuŋ kumo to kamɔnchɛ na nawule. Bumo ere beeŋ tiŋ ŋ luri ŋkpal b ka lara kulubi bumo be ŋgbene to nsaa du cheembi so. Ama menyi nɛ men ka ere bre daga fanɛ men bɛ Enyɛnpe Ebɔrɛ be keŋini so nseŋ yili kowushina.

2 Kronikɛls 23:8

Livaiebi nɛ Juda be basa na kikɛ daŋ wora kusɔ nɛ Jehowada kaŋɛ na nna. B daa maŋ sa basa nɛ b shuŋ bumo b kushuŋ kewushiachɛ n loge na ekpa fanɛ b yɔ epe amoso bumo nɛ basa nɛ b ba nɛ b ba sɔ bumo so na kikɛ daa wɔ ndoŋ nna. Amoso benapo be benimu na daŋ gbargbar basa nɛ b koso kushuŋto nɛ bumo nɛ b ba nɛ b ba sɔ bumo so na kikɛ ndoŋ nna.

Ɛksodɔs 21:14

Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Nɔmbɛs 3:10

Lara Ɛɛrɔn nɛ mbe bibinyɛn nɛ b baa la bɔrɛmatapoana. Esa pɔtɛ kama nɛ e pɛl n shuŋ bɔrɛmatapo be kushuŋ b mɔ mo.”

Nɔmbɛs 3:38

Mosis nɛ Ɛɛrɔn nɛ Ɛɛrɔn be mbia beeŋ wora bumo be echenakpa ashi wajɛbu na be anishito a laŋɛ epeŋilarkpa be kaba so. Bumo e naaŋ baa juŋkpar Israɛlebi na nɛ b baa bunyaŋ Enyɛnpe Ebɔrɛ. Esa pɔtɛ kama malɛ nɛ e pɛl n sɔ Mosis ŋko Ɛɛrɔn be kushuŋ a shuŋ, b mɔ mo.