2 Kronikɛls 23:15 - EBƆRƐ BE KAWƆL

¹⁵ Ndoŋ nna nɛ b pɛ mo n ta mo n yɔ ewura be laŋ to be kelɔnɛ so be kakpa nɛ baa tre Egbaŋɛ be Kabuna na, n ya mɔ mo ndoŋ.

2 Kronikɛls 23:15 ပူးပေါင်းရင်းမြစ်များ

1 Bewura 18:40

Nɛ Elaija ponte ŋ kaŋɛ le: “Men pɛ Baal be agbirwuraana na. Men sa maŋ shin nɛ bumo be ekama e shile!” Nɛ basa na pɛ bumo kikɛ n yɔ Kishɔn be lɔr na to nɛ anebi Elaija shin nɛ b mɔ bumo kikɛ ndoŋ.

2 Kronikɛls 22:10

Juda be Ewura Ahaziya mo nio Atalia ka nu fanɛ mo pibinyɛn wu nna, nɛ e kaŋɛ fanɛ b mɔ basa nɛ b shi Juda be ewura be kanaŋ to na kikɛ.

2 Kronikɛls 23:14

Jehowada daa maa sha b ka mɔ ewurche Atalia bɔrɛlambu na ase, ŋkpal loŋ so, e daŋ tre benapo be benimuana na nna ŋ kaŋɛ bumo le: “Men ta mo m bɔla bekumpo na to n yɔ. Esa kama malɛ nɛ e kaŋ pɛl a sha k sɔ mo n yige, men mɔ amodoŋwura.”

Nehemaya 3:28

Bɔrɛmatapoana ko malɛ e lɔŋɛ m pɔr egbal na be kaba nɛ k bɛ so na. B daŋ fara kakpa nɛ baa tre Egbaŋɛ be Kabuna nɛ k wɔ a laŋɛ kelargato be esoso be kaba so na nna. Bumo be ekama malɛ daŋ lɔŋɛ m pɔr egbal na be kaba nɛ k bɛ so nsaa wɔ mo gbagba be laŋ to be anishito nna.

Nshɛ 5:6

Feeŋ mur befɛpo kikɛ. Fo kishi kumukpakpaso nɛ kafule ga.

Nshɛ 55:23

Ama fo Enyɛnpe Ebɔrɛ beeŋ ta basa nɛ b maa shu basa so na bre n lɛ kemaŋ chiŋgeliŋ nɛ k maŋ kɔ ekar na to, pɔɛŋ nɛ bumo be saŋɛ e fo. Ma ere yirda fo nna.

Jɛremaya 31:40

Ketaŋɛ nɛ baa puli basa nsaa lɛ nsunɔ kumo to na kikɛ nɛ adɔsawule nɛ a dese Kidrɔn be Kabombi ase na m ba choŋ Egbaŋɛ be Kabunagboŋ na kikɛ beeŋ ki cheembi n sa Enyɛnpe Ebɔrɛ na. Jerusalɛm maŋ naa ba nɛ k bure ŋko m mur kikɛ.”

Nɔmbɛs 35:33

Nɛ men baŋ wora loŋ, kumo ere menyeeŋ jija kasawule nɛ men chena so ere. Ŋkpal manɛ so ŋklaŋ be kewurge bee jija kasawule nna. Esa nɛ e shin nɛ ŋklaŋ wurge malɛ be ŋklaŋ e naaŋ tiŋ n shin nɛ kasawule nɛ kejija e naŋ nyalɛ.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.

Jeems 2:13

Esa nɛ e maa wu mo braana kuwɔr, kachɛ nɛ Ebɔrɛ bee ji amodoŋwura demu e maaŋ wu mo alɛ gba kuwɔr. Ama esa nɛ e bee wu basa kuwɔr, Ebɔrɛ beeŋ wu amodoŋwura kuwɔr a chɔ loŋ.

Demujipoana 1:7

Ndoŋ nna nɛ Adoni Bɛzɛk kaŋɛ: “Bewura adushunu nɛ n shin nɛ b ku bumo be ashilbinioana nɛ bumo be anashibinioana so nseŋ shin nɛ baa tise ma ejikpa be ejiŋka a ji. Kusɔ nɛ n wora bumo na be kukɔ nɛ Ebɔrɛ bee ka ma na.” Nɛ b ta mo n yɔ Jerusalɛm nɛ e ya wu ndoŋ.