2 Kronikɛls 23:14 - EBƆRƐ BE KAWƆL

¹⁴ Jehowada daa maa sha b ka mɔ ewurche Atalia bɔrɛlambu na ase, ŋkpal loŋ so, e daŋ tre benapo be benimuana na nna ŋ kaŋɛ bumo le: “Men ta mo m bɔla bekumpo na to n yɔ. Esa kama malɛ nɛ e kaŋ pɛl a sha k sɔ mo n yige, men mɔ amodoŋwura.”

2 Kronikɛls 23:14 ပူးပေါင်းရင်းမြစ်များ

2 Bewura 10:25

Jehu ka baŋ lara esarga na n loge, nɛ e kaŋɛ benapo na le: “Men luri m mɔ basa na kikɛ; men sa maŋ shin nɛ bumo be ekoŋwule gba e shile!” Ndoŋ nna nɛ b ta bumo be etokobi n ya mɔ basa na kikɛ ŋ gbeye bumo n ya nase ketamanto, nseŋ luri n yɔ kegbirlambu na be ebuŋkpar to,

2 Bewura 11:15

Jehowada daa maa sha b ka mɔ ewurche Atalia bɔrɛlambu na ase, ŋkpal loŋ so, e daŋ tre benapo be benimuana na nna ŋ kaŋɛ bumo le: “Men ta mo m bɔla bekumpo na to n yɔ. Esa kama malɛ nɛ e kaŋ pɛl a sha kesɔ mo n yige, men mɔ amodoŋwura.”

2 Bewura 11:8

A daga men ka keta men be etokobi n wora shiriya n yili a kuŋ ewura Jɔash. Kaplɛkama nɛ e bee yɔ men bɛ mo so. Ekama malɛ nɛ e pɛl n taga mo to, daga luwu.”

2 Kronikɛls 23:13

E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”

2 Kronikɛls 23:15

Ndoŋ nna nɛ b pɛ mo n ta mo n yɔ ewura be laŋ to be kelɔnɛ so be kakpa nɛ baa tre Egbaŋɛ be Kabuna na, n ya mɔ mo ndoŋ.

Ɛksodɔs 21:14

Ama nɛ esa baŋ kute m mɔ mo barkasa bre, hale nɛ e shile n yɔ ma bɔrɛsure na ase gba, k daga fanɛ b mɔ mo.

Ezikɛl 9:7

Ndoŋ nna nɛ Ebɔrɛ naŋ kaŋɛ bumo: “Men mɔ basa n lɛ bɔrɛlambu na be kelɔnɛ na so kikɛ n shin nɛ k jija. Men fara a mɔ!” Nɛ b lar n ya fara basa be kemɔ Jerusalɛm be kadegboŋ na kikɛ to.