2 Kronikɛls 23:12 - EBƆRƐ BE KAWƆL

¹² Ewurche Atalia ka nu basa na ka bee dele ewura na, nɛ e nya manaŋ n yɔ kakpa nɛ jimaŋ na shɛr na ashi bɔrɛlambu na to.

2 Kronikɛls 23:12 ပူးပေါင်းရင်းမြစ်များ

2 Kronikɛls 23:11

Ade kikɛ be kaman nɛ Jehowada nɛ mbe mbinyɛnsobi ya keta Jɔash n lar kowu nseŋ ta kuwurwuro m buu mo. Kumo be kaman nɛ b ta bewura be mbra be kawɔl n sa mo n ta mo ŋ ki ewura. Bɔrɛmatapo Jehowada nɛ mbe mbinyɛnsobi e daŋ duga ŋku n do Jɔash be kumu so n ta mo ŋ ki ewura, nɛ ekama cha awɔr ŋ kaŋɛ: “Ebɔrɛ e teŋi ewura be ŋkpa so!”

2 Kronikɛls 23:13

E ka ya wu ewura popɔr na nɛ e yil eshabɔrɛ na ekpa ashi bɔrɛlambu na be kabuna be anishito be kakpa nɛ bewura bee chena na, nɛ benapo be benimu nɛ mbelfompoana yili ŋ kulti mo, nɛ basa na kikɛ bee cha awɔr kagbenefuliso nsaa foŋ mbel nɛ bɔrɛlambu to be beshɛbompoana bee juŋkpar kasheŋwora na kikɛ na, nɛ e kpɛa mbe asɔbuuso to kagbenejijaso nseŋ boŋto ŋ kaŋɛ le: “Menyi bedebɔrpo ere!”