2 Kronikɛls 23:11 - EBƆRƐ BE KAWƆL

¹¹ Ade kikɛ be kaman nɛ Jehowada nɛ mbe mbinyɛnsobi ya keta Jɔash n lar kowu nseŋ ta kuwurwuro m buu mo. Kumo be kaman nɛ b ta bewura be mbra be kawɔl n sa mo n ta mo ŋ ki ewura. Bɔrɛmatapo Jehowada nɛ mbe mbinyɛnsobi e daŋ duga ŋku n do Jɔash be kumu so n ta mo ŋ ki ewura, nɛ ekama cha awɔr ŋ kaŋɛ: “Ebɔrɛ e teŋi ewura be ŋkpa so!”

2 Kronikɛls 23:11 ပူးပေါင်းရင်းမြစ်များ

2 Samuɛl 1:10

Nɛ n yɔ n ya mɔ mo, ŋkpal manɛ so, m baa nyi geeŋ fanɛ kananɛ e doro na so e beeŋ wu. Kumo be kaman nɛ n lara kuwurwuro na mbe kumu so nɛ mbe enɔ to be kepinibi nɛ m ba sa fo, n nyɛnpe!

2 Samuɛl 16:16

Deevid mo teri kpakpaso Hushai ka tu Absalɔm nɛ e ponte ŋ kaŋɛ le: “Yiramu, Ebɔrɛ e sa fo ŋkpa tenteŋ!”

2 Samuɛl 5:3

Amoso Israɛlebi be bejuŋkparpoana na kikɛ nɛ ewura Deevid daŋ wora kɔnɔkoŋwule be ŋkre nna ashi Ebɔrɛ be anishito nɛ b ta ŋku n do mbe kumu so m buu mo Israɛl kikɛ be kuwura.

1 Bewura 1:25

Kabre chipur ere e ta egbolu nɛ mbolpɔ nɛ ana nɛ b daŋ a walɛ eyurto damta n ya lara sarga nseŋ tre fo mbinyɛnsobi kikɛ nɛ fo benapo be enimu Jɔab nɛ bɔrɛmatapo Abiata nɛ bumo kikɛ wɔ ndoŋ a ji bumo be eyur nsaa cha awɔr a kaŋɛ le: ‘Ebɔrɛ e sa ewura Adonija ŋkpa tenteŋ!’

1 Bewura 1:34

nɛ bɔrɛmatapo Zadɔk nɛ anebi Neetan e ya chulgi ŋku n do mbe kumu so m buu mo Israɛl be kuwura. Kumo be kaman nɛ men shin nɛ b foŋ kabel n shin nɛ ekama e cha awɔrso ŋ kaŋɛ le: ‘Ebɔrɛ e sa ewura Sɔlɔmɔn ŋkpa tenteŋ!’

1 Bewura 1:39

Ndoŋ nɛ bɔrɛmatapo Zadɔk nɛ anebi Neetan chulgi ɔlif be ŋku nɛ b ta ashi Enyɛnpe be wajɛbu na to na n wurge Sɔlɔmɔn be kumu so n buu mo kuwura nseŋ foŋ kabel nɛ basa na cha awɔrso ŋ kaŋɛ: “Ebɔrɛ e sa ewura Sɔlɔmɔn ŋkpa tenteŋ!”

2 Bewura 11:12

Kede be kaman nɛ Jehowada keta Jɔash n lar kowu nseŋ ta kuwurwuro m buu mo nseŋ n ta bewura be mbra be kawɔl n sa mo nseŋ chulgi ŋku n wurge mbe kumu so n ta mo ŋ ki ewura. Ndoŋ nna nɛ ekama na kpla enɔ nseŋ cha awɔr ŋ kaŋɛ le: “Ebɔrɛ e teŋi ewura na be ŋkpa so.”

2 Kronikɛls 22:11

Ahaziya daa kɔ esipoche nɛ baa tre mo Jehosheba nɛ e daa kil bɔrɛmatapo ko nɛ baa tre mo Jehowada. Mo e daŋ mɔlga Ahaziya pibinyɛn Jɔash nɛ e la Ahaziya be mbinyɛnsobi nɛ b daa sha kemɔ na be eko. E daŋ ta mo nna ŋ ŋana Enyɛnpe be bɔrɛlambuna be ebu deseto to. Ŋkpal loŋ so, Atalia daa maŋ nya mo m mɔ.

2 Kronikɛls 23:10

E daŋ shin nna nɛ bekumpo na ta bumo be etokobi ŋ keta n yili ŋ kulti bɔrɛsure na ashi bɔrɛlambu na be anishito a kuŋ ewura na.

2 Kronikɛls 23:12

Ewurche Atalia ka nu basa na ka bee dele ewura na, nɛ e nya manaŋ n yɔ kakpa nɛ jimaŋ na shɛr na ashi bɔrɛlambu na to.

Nshɛ 132:18

E beeŋ baa buu kuwurwuro nɛ k bee nyɛkpɛ. Ama meeŋ shin nɛ mo doŋana bre a ji anishinyɔr.”

Nshɛ 21:3

Fo nɛfa mo kashenteŋto, nseŋ ta shuwa be kuwurwuro m buu mo.

Nshɛ 78:5

Mo e ta mbe mbraana n sa Israɛl be basa nɛ b la Jeekɔb be kaman to ebi na. Mo e kaŋɛ an nanaana fanɛ b baa ŋini bumo be mbia mbe mbraana na;

Nshɛ 89:20

Ma e lara ma kayɛrbi Deevid nseŋ duga ma ŋku cheembi n do mbe kumu so n ta mo ŋ ki ewura.

Nshɛ 89:39

Fo lar fo nɛ fo kayɛrbi be kɔnɔkoŋwule be ŋkre na kaman kuraa nseŋ shin nɛ mbe kuwura terge m paŋ kumo be kemaŋkura kikɛ.

Ɛksodɔs 25:16

B kaŋ lɔŋɛ deka na n loge nɛ fo ta ajembu pantraŋ pantrambi nɛ ma mbraana deŋi so nɛ meeŋ ta n sa fo ere n wɔtɔ kumo to.

Ɛksodɔs 25:21

Ade kikɛ be kaman nɛ b ta ajembu pantraŋ pantrambi anyɔ nɛ ma mbraana deŋi so na n wɔtɔ deka na to nseŋ ta buuso nɛ baa tre kuwɔr be kakpa na m buu so.

Ɛksodɔs 31:18

Ebɔrɛ ka malga Mosis kutɔ n loge ashi Sainai be kebee na so nɛ e ta ajembu pantraŋ pantrambi anyɔ nɛ mo ere Ebɔrɛ gbagba sibɛ mbe mbra n deŋi so na n sa Mosis.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Aizaaya 8:16

Menyi nɛ men la ma bebɛsopo ere daga fanɛ men baa kuŋ nsaa keta abɔya nɛ Ebɔrɛ ta n sa ma ere nɛnɛ.

Aizaaya 8:20

Ndoŋ nna nɛ men kaŋɛ bumo le: “Men baa nu kusɔ nɛ Enyɛnpe Ebɔrɛ na bee ŋini menyi nsaa maa nu a sa bekpalpo nɛ belejipo, ŋkpal manɛ so kusɔ nɛ baaŋ kaŋɛ menyi na maaŋ tiŋ n lara menyi ashi etɔrɔ to. Kare maaŋ chɛ bekama nɛ baa malga le ere be ekama!

Matiu 21:9

Le nɛ jimaŋ nɛ b daŋ juŋkpar mo na nɛ bumo nɛ b daŋ bɛ mo so na kikɛ daa ponte a kaŋɛ: “Hosana e baa wɔ Ewura Deevid mo Nanabi so. Nɛfa la esa nɛ e shi Enyɛnpe be ketre to a ba na peya nna. Hosana e baa la Enyɛnpetale peya.”

Hibruwebi 2:9

Ama Yesu bre, an wu b ka ta kemaŋkura nɛ bunyaŋ m buu mo fanɛ kuwura. Ama saŋɛ gbrɛbi ko Ebɔrɛ daŋ shin nɛ emalaika daa chɔ mo nna ŋkpal luwu be awurfoŋ nɛ e ji na so, saŋɛ na so, e beeŋ wu n sa basa kikɛ ŋkpal Ebɔrɛ be kakɛ so.

Jeems 1:12

Ekama nɛ e pɔɔ kechɔŋkeni so, kagbenefuli beeŋ baa wɔ mo to, ŋkpal manɛ so, Setani baŋ chɔ mo ŋ keni ŋ gben. Ebɔrɛ beeŋ sa mo mbe ŋkpa nɛ e nase kɔnɔ fanɛ e beeŋ sa bekama nɛ baa sha mo na.

Jeems 2:5

Ŋ kurgepo shasoana, men baa nyi fanɛ basa nɛ b maŋ kɔ shɛŋ basa be anishito na nɛ Ebɔrɛ lara fanɛ b yirda Yesu Kristo nseŋ ki damawuraana ashi Ebɔrɛ be anishito nseŋ nya n luri mbe kuwura mo nɛ e nase kɔnɔ fanɛ e beeŋ sa basa nɛ baa sha mo na to.

Kelaraŋŋini 19:12

Mbe anishi daa du fanɛ edɛ nɛ a bee suse nna wuloŋwuloŋ nɛ nwurwuro damta malɛ wɔ mbe kumu so. B daŋ sibɛ ketre ko nna n deŋi mo so nɛ mo nawule kpeŋ nyi kumo.

Kelaraŋŋini 4:10

Bejuŋkparpo adunyɔ nɛ ana na bee jɔŋɛ esa nɛ e tase kuwurputi so na nna nseŋ bunyaŋ mo koŋwule nɛ e wɔ ŋkpa to mbaanaayɔ na. Baa bugi bumo be nwurwuro nna a nase kuwurputi na be anishito nsaa kaŋɛ le:

Kelaraŋŋini 4:4

Nwurputi adunyɔ nɛ ana ko malɛ gba daŋ chambɔ ŋ kulti kuwurputi mo na nɛ bejuŋkparpo adunyɔ nɛ ana chena n chena amo so. B daŋ buu asɔ fuful nna nseŋ buu shuwa be nwurwuro.

Kelaraŋŋini 5:10

Fo ta bumo ŋ ki an be Ebɔrɛ be kuwura to ebi nɛ bɔrɛmatapoana nɛ b baa shuŋ mo nɛ b ba ji kuwura kasawule so.”

1 Samuɛl 10:1

Ndoŋ nna nɛ Samuɛl ta ɔlif be ŋku kɔlbabi to n chulgi n wurge Sɔɔl be kumu so nseŋ chɔrɔ mo fanɛ kananɛ baa chɔrɔ ewura na ŋ kaŋɛ le: “Enyɛnpe Ebɔrɛ na e lara fo fanɛ mbe basa Israɛlebi be ejuŋkparpo. Feeŋ baa juŋkpar mbe basa a kuŋ bumo ashi bumo doŋana kikɛ kutɔ. Kusɔ nɛ ŋ kaŋɛ ere be tɔɔnɛ nɛ feeŋ wu nde:

1 Samuɛl 10:24

Ndoŋ nna nɛ Samuɛl kaŋɛ basa na le: “Kanyɛn nɛ Enyɛnpe Ebɔrɛ lara nna na! Esa kama maŋ du fanɛ mo.” Ndoŋ nna nɛ basa na kikɛ cha awɔr ŋ kaŋɛ le: “Ewura! Ebɔrɛ e sa fo ŋkpa tenteŋ!”