2 Kronikɛls 22:11 - EBƆRƐ BE KAWƆL11 Ahaziya daa kɔ esipoche nɛ baa tre mo Jehosheba nɛ e daa kil bɔrɛmatapo ko nɛ baa tre mo Jehowada. Mo e daŋ mɔlga Ahaziya pibinyɛn Jɔash nɛ e la Ahaziya be mbinyɛnsobi nɛ b daa sha kemɔ na be eko. E daŋ ta mo nna ŋ ŋana Enyɛnpe be bɔrɛlambuna be ebu deseto to. Ŋkpal loŋ so, Atalia daa maŋ nya mo m mɔ. အခန်းကိုကြည့်ပါ။ |
Ahaziya pibinyɛn Jɔash nawule e daŋ nya ekpa n shile ŋ ŋana. Mo nɛ basa na kikɛ nɛ b daa sha kemɔ nɛ mo tana Jehosheba nɛ e daa la ewura Jehoram pibiche nsaa la Ahaziya malɛ mo tuto pibi na mɔlga mo. E daŋ ta mo nɛ eche nɛ e bee keta mo kakurge na nna ŋ ŋana Enyɛnpe be bɔrɛlambu na be ebu deseto to. Ŋkpal loŋ so, Atalia daa maŋ nya mo m mɔ.
Ahaziya pibinyɛn Jɔash ka ŋana bɔrɛlambu na to nfɛ ashe na, nɛ bɔrɛmatapo Jehowada wu fanɛ k daga e ka wora kusɔ ko. Ndoŋ nna nɛ e ya fin benapo be benimu nɛ baaŋ yili mo kaman. Bumo e daa la Joram pibinyɛn Azariya nɛ Jehohanan pibinyɛn Ishmaɛl nɛ Obɛd pibinyɛn Azariya nɛ Adaya pibinyɛn Maaseia nɛ Zikri pibinyɛn Elishafat.