2 Kronikɛls 21:4 - EBƆRƐ BE KAWƆL

⁴ Jehoram be kuwurji ka nya eleŋ, nɛ e shin nɛ b mɔ mo sipoana na kikɛ nɛ Israɛl be benimuana na be beko.

2 Kronikɛls 21:4 ပူးပေါင်းရင်းမြစ်များ

Jɛnesis 4:8

Kachako nɛ Keen kaŋɛ mo sipo Eebel fanɛ b yɔ kupuŋ to. Ndoŋ nna nɛ Eebel shuli nɛ mo nɛ Keen yɔ kupuŋ na to. B ka ya fo ndoŋ nɛ Keen tɛ n yuu mo sipo Eebel so m bri mo m mɔ.

1 Bewura 1:12

Nɛ fee sha kumɔlga fo kumu nɛ fo pibinyɛn Sɔlɔmɔn bre, kumo ere meeŋ ji fo asoeto nna

2 Kronikɛls 21:13

Fo bɛ Israɛl be bewura na be ekpa so nna nseŋ shin nɛ Juda nɛ Jerusalɛm be basa maŋ naa ji kashenteŋ a sa Ebɔrɛ fanɛ kananɛ Ahab nɛ mbe kaman to ebi daŋ shin nɛ Israɛl be efuli so ebi maŋ ji kashenteŋ n sa Ebɔrɛ na. Fo mɔ fo sipo nyɛnsoana nɛ b bɔ fo na.

2 Kronikɛls 21:17

B daŋ kɔ nna n sɔ Juda nseŋ muu ewura be laŋ to be asɔ kikɛ, m pɛ mbe beche nɛ mbinyɛnsobi kikɛ n yɔ. Mbe pibinyɛn Ahaziya nɛ e la kaluge na nawule nɛ b daa maŋ pɛ.

2 Kronikɛls 22:10

Juda be Ewura Ahaziya mo nio Atalia ka nu fanɛ mo pibinyɛn wu nna, nɛ e kaŋɛ fanɛ b mɔ basa nɛ b shi Juda be ewura be kanaŋ to na kikɛ.

2 Kronikɛls 22:8

Jehu ka bee wora kusɔ nɛ Ebɔrɛ kaŋɛ mo na, nɛ e wu Juda be bejuŋkparpoana nɛ Ahaziya mo wɔpabiana nɛ b daŋ tu mo m ba nɛ b ba bɔ Joram so na. Nɛ Jehu mɔ Ahaziya mo wɔpabiana na nɛ benimuana na be beko

2 Kronikɛls 25:3

Mbe kuwurji ka baŋ yili to nɛnɛ, nɛ e mɔ benimu nɛ b mɔ mo tuto ewura Jɔash na epul to.

1 Jɔn 3:12

A maŋ daga fanɛ an baa du fanɛ Keen nɛ e daa la alubipo na peya nseŋ bri mo sipo m mɔ na. Nɛ manɛ e daŋ ba nɛ e daŋ bri mo m mɔ? Kusɔ nɛ k daŋ ba e la fanɛ mbe asheŋ woraso daa maa niŋi nna nɛ mo sipo bre peya daa niŋi.

Demujipoana 9:5

Ndoŋ nna nɛ Abimelɛk nɛ mbe benapo na yɔ Ofra nɛ k la mo tuto be kade to n ya pɛ mo tuto be mbinyɛnso adushunu na m mɔ kejembu koŋwule so. Ama Jotam nɛ e daa la Gidiɔn be kaluge na bre daŋ tiŋ ŋ ŋana bumo so nɛ b maŋ nya mo m mɔ.