2 Kronikɛls 21:20 - EBƆRƐ BE KAWƆL

²⁰ Nfɛ adesa nɛ anyɔ nɛ Jehoram daŋ ji pɔɛŋ nseŋ ki ewura, ama e daŋ ji kuwura Jerusalɛm to nfɛ aburwa nna. E ka daŋ wu, k daa maŋ jija ekama be kagbene. Jerusalɛm nɛ k la ewura Deevid be kade to na nɛ b daŋ puli mo, ama b daa maŋ puli mo kakpa nɛ baa puli bewura na.

2 Kronikɛls 21:20 ပူးပေါင်းရင်းမြစ်များ

2 Bewura 8:24

E ka wu, kakpa nɛ baa puli bewura ashi Jerusalɛm nɛ k la Deevid be kade to na nɛ b daŋ puli mo, nɛ mo pibinyɛn Azariya sɔ mo so n ji kuwura.

2 Kronikɛls 23:21

Basa na kikɛ be ŋgbene daŋ fuli bumo nna ga nɛ kade na kikɛ wora shruum ŋkpal ewurche Atalia ka wu na so.

2 Kronikɛls 24:16

Kakpa nɛ baa puli bewura ashi ewura Deevid be kade to Jerusalɛm na, nɛ b daŋ puli mo alɛ gba ŋkpal kushuŋ lela nɛ e daŋ wora n sa Israɛl be basa nɛ kushuŋ nɛ e shuŋ ashi Ebɔrɛ be bɔrɛlambu na to so.

2 Kronikɛls 24:25

Ewura Jɔash daŋ doro kena na to nna ga, ama bedoŋ na ka bɛta, nɛ mbe benimuana na be benyɔ ya mɔ mo ashi ebu nɛ e dese to na to m bishi kuwule ŋkpal e ka mɔ bɔrɛmatapo Jehowada pibinyɛn na so. Ewura Deevid be kade to nɛ b daŋ ta mo n ya puli, ama b daa maŋ puli mo kakpa nɛ baa puli bewura na.

2 Kronikɛls 26:23

Ewura Uziya ka wu, b daa maŋ puli mo kakpa nɛ baa puli bewura gbagba na. B daŋ ya puli mo kakpa pɔtɛ nɛ kumo alɛ gba la bewura be kakpa nna ŋkpal e ka kɔ keboti so. Mo pibinyɛn Jotam malɛ e daŋ sɔ mo so n ji kuwura.

2 Kronikɛls 28:26

B daŋ sibɛ kusɔ nɛ ewura Ahaz wora saŋɛ so nɛ e ji kuwura na kikɛ be asheŋ nna n wɔtɔ Juda nɛ Israɛl be bewura be adrasheŋ be nwɔl to.

2 Kronikɛls 28:27

Ewura Ahaz ka wu nɛ b puli mo Jerusalɛm to ama b daa maŋ puli mo kakpa nɛ baa puli bewura na. Mo pibinyɛn Hɛzekaya e daŋ sɔ mo so n ji kuwura.

2 Kronikɛls 33:20

Manase ka wu, ewura be laŋ to nɛ b daŋ puli mo, nɛ mo pibinyɛn Ammɔn sɔ mo so n ji kuwura.

Aŋasa 10:7

Basa lela be alela so nɛ baa nyiŋi bumo, ama b maa nyiŋi belubiwurapo bre kikɛ.

Jɛremaya 22:18

Ama kusɔ nɛ Enyɛnpe Ebɔrɛ na kaŋɛ a laŋɛ Ewura Josaya pibinyɛn Jehowakim, nɛ fo la Juda be ewura na be kaplɛa so nde. E yɛ: “Esa kama maaŋ shu fo keeli ŋko ŋ kaŋɛ le: ‘Wooyo, n teri lela!’ Esa kikɛ maaŋ shu anishichubi ŋko m bugi kɔnɔ n shu ŋkpal fo so ŋ kaŋɛ le: ‘O n nyɛnpe! O ma ewura!’

Jɛremaya 22:28

Kumo be kaman nɛ Jɛremaya kaŋɛ le: “Ewura Jehowachin, fo ki fanɛ kapuya bureso nɛ b maa sha nna. Amoso baaŋ ta fo nɛ fo mbia kikɛ n ya lɛ efuli pɔtɛ wɔfɔ nɛ menyi maŋ nyi so.”