2 Kronikɛls 21:11 - EBƆRƐ BE KAWƆL

¹¹ Ewura Jehoram daŋ pɔr agbir be mboŋ ashi Juda be abee be efuli so nna nseŋ shin nɛ Juda nɛ Jerusalɛm be basa wora alubi ŋ gbiti Enyɛnpe Ebɔrɛ.

2 Kronikɛls 21:11 ပူးပေါင်းရင်းမြစ်များ

1 Bewura 11:7

Ewura Sɔlɔmɔn daŋ pɔr agbirlambu ashi Jerusalɛm be kebee na be epeŋitɔrkpa be kaba so nna nɛ baa shuŋ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk nɛ Ebɔrɛ kishi ga na.

1 Bewura 14:16

Enyɛnpe Ebɔrɛ beeŋ kplaŋ Israɛlebi so ŋkpal ewura Jeroboam ka wora kulubi nseŋ shin nɛ Israɛlebi kikɛ wora alubi so.”

1 Bewura 14:9

Fo alubi nɛ fo wora gba chɔ bewura kama nɛ b juŋkpar fo na be alubi, ŋkpal manɛ so fo kini ma nseŋ nyaŋɛ ma agbo to ŋkpal fo ka ya ka bunyaŋ agbir nɛ fo ta abɛlso n lɔŋɛ na so.

2 Bewura 21:11

“Ewura Manase be asheŋ nɛ e daŋ wora na daŋ lubi a chɔ kusɔ nɛ Keenanebi na daŋ wora gba. E daŋ shuŋ agbir nna nseŋ shin nɛ Juda be efuli so ebi gba luri kulubi to.

2 Bewura 9:22

Joram ka wu Jehu na nɛ e bishi mo le: “Kagbenewushi so nɛ fee ba a?” Ndoŋ nna nɛ Jehu malɛ kaŋɛ: “Nuso nɛ kayurwushi beeŋ tiŋ a wɔtɔ saŋɛ so nɛ fo nio Jɛzebel be kegbaya nɛ kagbirshuŋ wɔ anyi to.”

2 Kronikɛls 21:10

Yili loŋ be saŋɛ na, nɛ Edɔmebi sɔ bumo be amu ashi Judaebi be enɔ to. Kumo be saŋɛ nɛ Libna be kade to ebi gba kini kebaanu a sa ewura Jehoram ŋkpal e ka kini kebaanu a sa Enyɛnpe Ebɔrɛ nɛ e la mo nananyɛnana be Ebɔrɛ na so.

2 Kronikɛls 21:13

Fo bɛ Israɛl be bewura na be ekpa so nna nseŋ shin nɛ Juda nɛ Jerusalɛm be basa maŋ naa ji kashenteŋ a sa Ebɔrɛ fanɛ kananɛ Ahab nɛ mbe kaman to ebi daŋ shin nɛ Israɛl be efuli so ebi maŋ ji kashenteŋ n sa Ebɔrɛ na. Fo mɔ fo sipo nyɛnsoana nɛ b bɔ fo na.

2 Kronikɛls 33:9

Ewura Manase daŋ shin nna nɛ Juda nɛ Jerusalɛm be basa wora alubi a chɔ amo nɛ efuliana nɛ Enyɛnpe Ebɔrɛ ju kasawule na so saŋɛ so nɛ mbe basa daa ba kumo so sososo na wora na.

Nshɛ 106:39

Kusɔ nɛ b daŋ wora na shin nɛ b wora eyurpi daŋkare be ekpa so nna. B daa maŋ ji kashenteŋ n sa Ebɔrɛ.

Nshɛ 78:58

B daŋ pɔr agbirana nna n yili agurɔŋgu so a shuŋ; n shin nɛ Ebɔrɛ be kukɔrkɔ koso nɛ e nya agbo ga.

Ɛksodɔs 34:16

Men baŋ ta kasawule na so be mbichesobi n sa men be mbinyɛnsobi loŋ be mbichebi nɛ baa bɛ agbir so na beeŋ shin nɛ men be mbinyɛnsobi na gba e shuŋ bumo be agbir na.

Aizaaya 65:7

ŋkpal bumo gbagba nɛ bumo nanaana be alubi so. B shuŋ agbir nseŋ chɔɔ eduwu n sa amo ashi abee so a malga a jija ma ketre. Amoso meeŋ keni bumo be asheŋ dra so ŋ gberge bumo kusoe kananɛ k daga bumo.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Ezikɛl 20:28

Jemanɛ nɛ m bar men tutoana kasawule nɛ n nase kɔnɔ fanɛ meeŋ sa bumo na so n loge na, nɛ b baa wu agoŋgulombi nɛ ndibigboŋ nɛ a kɔ afantaŋ nseŋ ta amo ŋ ki bumo be agbirshuŋkpaana nsaa wɔtɔ a lara esarga amo ase a sa bumo be agbirana. B daa chɔɔ eduwu nna nsaa duga nsa a wurge agbirana na nɛ kumo be loŋ daa nu ma agbo nsaa kaa ma kagbene.

Ezikɛl 23:11

Mo sipo Oholiba gba daŋ wu kusɔ nɛ k wora, ama mbe kesakalea daa chɔɔ mo da, Ohola peya.

Danɛl 3:15

Men kaŋ baŋ nu mbel nɛ nlopi nɛ egoji nɛ ejirgo nɛ ejaŋjilaŋ nɛ alaŋsɔ be yiri kikɛ ka bee shu naniere, men jɔŋɛ m bunyaŋ kapɔrduli na. Men baŋ kini, meeŋ shin nɛ b ta menyi kikɛ n lɛ edɛ be kemaŋ chiŋgeliŋ nɛ edɛ bee chɔɔ kumo to wuloŋ wuloŋ nsaa tushi ga na to, nseŋ keni kegbir mo nɛ k beeŋ tiŋ m mɔlga menyi ashi ma enɔ to.”

Hoziya 12:1

Kusɔ kama nɛ Israɛl be basa bee wora kapa nɛ kanyɛ na kikɛ ki kusɔ jiga nɛ kusɔ fuloŋ nna. Efɛ nɛ kebaa nyaŋɛto a wɔtɔ abar e wɔ bumo to. Bumo nɛ Asiriyaebi wora kɔnɔkoŋwule nna a ji yawu ashi Ijipt.”

Hoziya 4:15

“Menyi Israɛl be basa maa ji kashenteŋ a sa ma, ama men sa maŋ shin nɛ Judaebi gba e luri loŋ be kulubi koŋwule ere to. Men sa maŋ naa yɔ Gilgaal ŋko Bɛtavɛn n ya kaa bunyaŋ agbir ŋko a nase nnɔ Enyɛnpe Ebɔrɛ na be ketre to.”

Levitikɔs 17:7

Israɛlebi na e sa maa lar Enyɛnpe Ebɔrɛ na kaman n ya kaa mɔ bumo be asɔbɔya a lara esarga a sa agbir nɛ a bee ji mboe ŋko ayoyu lubi ashi bumo be ndɔana to. Mbra ere dese nna n sa bumo nɛ bumo be kaman to ebi kikɛ hale mbaanaayɔ.

Levitikɔs 20:5

meeŋ pal kaman n sa esa na nɛ mbe kanaŋ kikɛ nɛ bekama nɛ b ti mo so a maŋ ji kashenteŋ n sa ma nseŋ ya kaa shuŋ kegbir Mɔlɛk na. B maaŋ naa ti ma basa so.

Habakuk 2:15

Asheŋ maaŋ nyalɛ n sa menyi nɛ menyee kaa sa menyi braana nsa nɛ baa nuu a boo a baŋ so nsaa ŋaba bumo be amu nɛ menyee keni bumo be kesaria na.

Ditɛronɔmi 31:16

Kumo be kaman nɛ Enyɛnpe Ebɔrɛ na kaŋɛ Mosis le: “Fo maaŋ naŋ chɛr nseŋ wu. Fo alɛ be luwu be kaman basa na maaŋ naa ji kashenteŋ a sa ma nseŋ lar kɔnɔkoŋwule be ŋkre nɛ ma nɛ bumo kre na to. Baaŋ lar ma kaman n ya kaa shuŋ nnyamase be agbirana nɛ a wɔ kasawule nɛ baa yɔ na so.