2 Kronikɛls 20:33 - EBƆRƐ BE KAWƆL

³³ ama e daa maŋ mur ndoŋ be mboŋ nɛ baa shuŋ agbir na kikɛ. Ŋkpal loŋ so basa na daa maŋ ta bumo be ŋgbene kikɛ m bɛ bumo nananyɛnana be Ebɔrɛ na so.

2 Kronikɛls 20:33 ပူးပေါင်းရင်းမြစ်များ

2 Kronikɛls 17:6

E daŋ shuŋ Enyɛnpe Ebɔrɛ na kashenteŋto ga nseŋ jija nnyamase na be ademaŋana nɛ kakpa nɛ baa shuŋ kegbirche nɛ baa tre Ashira ashi Juda be efuli so na kikɛ.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 12:14

E daŋ wora alubi nna ŋkpal e ka daa maa wora Enyɛnpe Ebɔrɛ be aparsheŋ so.

2 Kronikɛls 30:19

E yɛ: “O! Enyɛnpe an nananyɛnana be Ebɔrɛ nɛ fo walɛ, ta bekama nɛ baa shuŋ fo nɛ kagbene koŋwule na be alubi m paŋ bumo, hale b ka maŋ walɛ so daŋkare be ekpa so kikɛ ere gba.”

2 Kronikɛls 14:3

E daŋ bure efuli pɔtɛana so be ebɔrɛsureana nɛ mboŋ nɛ baa shuŋ bumo be agbirana kikɛ nna nseŋ bure agbirjembu nɛ eshabɔrɛ be mboŋ nɛ basa bee shuŋ kegbirche Ashira na ashi mbe efuli so.

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”

Ditɛronɔmi 29:4

Ama hale nɛ mbre loŋ be asɔ kraa maŋ shin nɛ men pin asheŋ nɛ men wu nseŋ nu na kikɛ to.

2 Kronikɛls 20:32

Kananɛ ewura Jehoshafat mo tuto Asa daa kɔ kasonu n sa Enyɛnpe Ebɔrɛ na, loŋ nɛ mo alɛ gba daa du,

Ditɛronɔmi 29:3

Menyi alɛ naŋ wu alɔ lubi nɛ emamachisheŋ nɛ Enyɛnpe Ebɔrɛ na wora ashi Ijipt be efuli so ndoŋ.

2 Kronikɛls 15:17

Kashenteŋ nna fanɛ ewura Asa daa maŋ tiŋ m mur agbirana kikɛ ashi Israɛl be kasawule so, ama mbe ŋkpa kikɛ to e daŋ ji kashenteŋ nna n sa Ebɔrɛ.

2 Kronikɛls 33:17

Nɛ basa na bɛ kusɔ nɛ ewura Manase kaŋɛ na so, ama b daŋ ya ka shuŋ Enyɛnpe Ebɔrɛ na nna ashi kakpa nɛ baa shuŋ bumo be agbirana na.