2 Kronikɛls 20:29 - EBƆRƐ BE KAWƆL

²⁹ Ndoŋ nna nɛ kufu pɛ efuli kama nɛ k nu kananɛ Enyɛnpe Ebɔrɛ kɔ m pɔɔ Israɛlebi bumo doŋana so na ga.

2 Kronikɛls 20:29 ပူးပေါင်းရင်းမြစ်များ

Jɛnesis 35:5

Jeekɔb nɛ mbe kanaŋ ka lar Shɛkɛm a yɔ nɛ Ebɔrɛ shin nɛ kufu pɛ nde nɛ b bɔla amo ase a choŋ na be basa. Amoso b daŋ maŋ tiŋ n wora Jeekɔb nɛ mbe basa shɛŋ.

2 Kronikɛls 14:13

nɛ Asa nɛ mbe benapo ju m buu bumo so hale n ya fo Gɛra. B daŋ pɔɔ bumo so cheche nna hale Itiopiaebi na daa maŋ naŋ tiŋ nɛ b kɔ gba. B daŋ mɔ bumo be bedamta nna. Enyɛnpe Ebɔrɛ na e daŋ kɔ m pɔɔ bumo so n sa benapo na nɛ b muu Itiopiaebi na be asɔ kikɛ.

2 Kronikɛls 14:14

Kumo be kaman nɛ Asa be benapo na kɔ ndewurbi nɛ a kulti Gɛra na kena m pɔɔ amo kikɛ so ŋkpal Enyɛnpe Ebɔrɛ be kusɔ nɛ e wora na ka shin nɛ kufu pɛ bumo ga so. Ndoŋ nna nɛ Juda be benapo na muu bumo be asɔ lela kikɛ n yɔ.

2 Kronikɛls 17:10

Enyɛnpe daŋ shin nɛ kufu pɛ efuli nɛ a kulti Juda na nna nɛ b maŋ tiŋ ŋ kɔ Ewura Jehoshafat kena.

2 Kronikɛls 20:28

B ka fo kade to nɛ b ta ejaŋjilaŋ nɛ nlopi nɛ mbel m boŋ nshɛ n yɔ bɔrɛlambu na to.

Nshɛ 76:8

Ebɔrɛso nɛ fo wɔ nseŋ bɔ fo demuji be kubɔya; nɛ kufu tɔr durnya so, nɛ kakpa kikɛ wora shruum.

Ɛksodɔs 14:14

Enyɛnpe Ebɔrɛ na beeŋ kɔ bumo kena n sa menyi. Menyi ere e yige a keni mo de.”

Ɛksodɔs 14:25

E daŋ shin nna nɛ bumo be egbaŋɛturkoana na be aya gbaŋ n lar n lar nɛ eturko na be kefar ki bumo so kpakpa. Ndoŋ nna nɛ Ijipt be benapo na kaŋɛ abar le: “Men shin nɛ an bɛta nfe, ŋkpal manɛ so Enyɛnpe Ebɔrɛ bee kɔ anyi kena a chɛ Israɛlebi to nna na.”

Ɛksodɔs 23:27

Meeŋ shin nɛ kufu nɛ keyeŋiyeŋi e tɔr basa nɛ menyee tu na so. Meeŋ shin nɛ men doŋana e kilgi n shile menyi.

Joshuwa 5:1

Amɔriebi be bewura nɛ b wɔ Jɔɔdan be epeŋitɔrkpa na nɛ Keenan be bewura nɛ b chena m mata teku nɛ baa tre Mɛditerenia na kikɛ ka nu kananɛ Enyɛnpe Ebɔrɛ shin nɛ Jɔɔdan be lɔr na ku to nɛ Israɛlebi na nite kumo to n dii na nɛ bumo ŋgbene fara a ku nɛ baa ŋana ketu Israɛlebi na ŋ kɔ.