2 Kronikɛls 20:27 - EBƆRƐ BE KAWƆL

²⁷ Kumo be kaman nɛ Ewura Jehoshafat juŋkpar mbe benapo n yɔ Jerusalɛm kagbenefuliso ŋkpal Enyɛnpe Ebɔrɛ ka pɔɔ bumo doŋana so n sa bumo so.

2 Kronikɛls 20:27 ပူးပေါင်းရင်းမြစ်များ

2 Kronikɛls 20:26

Kumo be kachɛ nasopo na, nɛ b shɛr Bɛraka be ketaŋɛ na to nseŋ di Enyɛnpe Ebɔrɛ epaŋ ŋkpal kusɔ nɛ e wora so. Amoso nɛ baa tre ketaŋɛ na Bɛraka na. Kumo be kifito ashi Hibruwebi be ŋgbar to e la, kapandi.

2 Kronikɛls 20:28

B ka fo kade to nɛ b ta ejaŋjilaŋ nɛ nlopi nɛ mbel m boŋ nshɛ n yɔ bɔrɛlambu na to.

Nehemaya 12:43

Ebɔrɛ daŋ shin nɛ basa na be ŋgbene fuli bumo nna ga, amoso b daŋ ji bumo be amu nna nseŋ lara esarga damta n sa Ebɔrɛ. Beche nɛ mbia kikɛ daŋ ti kayurji na so nna. Esa daa wɔ kufɔ nɛ Jerusalɛm be kadegboŋ na gba e daa beeŋ nu awɔr nɛ basa na daa wora kagbene fuli so na.

Nshɛ 20:5

Nɛ asheŋ nite nɛnɛ n sa fo, anyeeŋ cha awɔr kagbenefuliso; nseŋ maŋ anyi be etuta so ashi anyi be Ebɔrɛ be ketre to. Enyɛnpetale Ebɔrɛ na e wora asɔ nɛ fee bishi na n sa fo.

Nshɛ 30:1

Enyɛnpe Ebɔrɛ, meeŋ fur fo; ŋkpal fo ka mɔlga ma nsaa maŋ shin nɛ ma doŋana ji eyur ŋkpal b ka pɔɔ ma so so.

Aizaaya 35:10

Baaŋ ta kagbenefuli nɛ nshɛ n wora awɔr n ya luri Jerusalɛm to. Bumo alɛ be ŋgbene beeŋ fuli bumo mbaanaayɔ; ŋkpal manɛ so, kagbenejija nɛ kafɔŋ maaŋ naa wɔtɔ.

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Ezikɛl 46:10

Jemanɛ nɛ basa na bee luri na a daga fanɛ ewura na gba e luri nseŋ na ŋ lar jemanɛ nɛ basa na naa lar na.

Maika 2:13

Meeŋ bugi ekpa n sa ma basa nseŋ juŋkpar bumo n lar kenyaya nɛ b wɔtɔ ashi efuli pɔtɛana so m ba ki bumo be ewura.”

Hibruwebi 6:20

Ndoŋ nɛ Kristo kpal anyi so n juŋkpar anyi n ya kaa wɔ na. Mo koŋwule na e ki bɔrɛmatapo nimuso ashi Mɛlkizedɛk be ekpa so.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

1 Samuɛl 2:1

Ndoŋ nna nɛ Haana boŋ kashɛ ŋ kaŋɛ le: “Enyɛnpe Ebɔrɛ shin nɛ ma kagbene fuli ma. Ma kagbene fuli ma ga ŋkpal Ebɔrɛ ka mɔlga ma nseŋ sa ma eleŋ so. Ŋkpal kusɔ nɛ Ebɔrɛ wora n sa ma ere so meeŋ mushe ma doŋana.