2 Kronikɛls 20:23 - EBƆRƐ BE KAWƆL

²³ Ammɔnebi nɛ Mowabebi daŋ kilgi nna ŋ kɔ Edɔmebi na be benapo kena nna m mur bumo cheche. Kumo be kaman nɛ b kilgi a mɔ abar.

2 Kronikɛls 20:23 ပူးပေါင်းရင်းမြစ်များ

Jɛnesis 14:6

nɛ Horebi ashi Edɔm be efuli so be abee to na so nseŋ bɛ bumo so n yɔ kufɔ n ya fo Ɛl Paran be kiyi na be ekar.

2 Kronikɛls 20:24

Judaebi be benapo na ka fo ketempreŋ jeŋgreŋ nɛ k wɔ keshishɛrsawule na ase na, nɛ b wu kananɛ bumo doŋana kikɛ wu a dese kasawule. Bumo be ekoŋwule gba daa maŋ naŋ ka.

2 Kronikɛls 21:8

Saŋɛ so nɛ Jehoram daa la ewura na, Edɔm be basa na daa kini kebaanu a sa Judaebi na nna nsaa lara bumo gbagba be bewura.

Aizaaya 19:2

Ndoŋ nna nɛ Enyɛnpe Ebɔrɛ na kaŋɛ le: “Meeŋ shin nɛ kelantokɔ e ku Ijipt be efuli so nɛ bekurgepo e kilgi a kɔ abar nɛ bechenashapo malɛ gba e baa kɔ abar. Kadegboŋ ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo kena.

Ezikɛl 38:21

Ma alɛ beeŋ shin nɛ etɔrɔ be yiri yiri e ta kufu n lɛ Gɔg nɛ mbe benapo so nɛ b kilgi a mɔ abar. Ma, Enyɛnpetale Ebɔrɛ na e kaŋɛ na.

Heegai 2:22

Ma alɛ beeŋ gboŋi bewura nseŋ m mur bumo be kuwurjiana. Meeŋ melgi bumo be egbaŋɛturko m buu nseŋ shin nɛ bumo be egbaŋɛ e wu nɛ bediipo na malɛ e kilgi a mɔ abar.

Ditɛronɔmi 2:5

ama men sa maŋ kaŋ fara kena nɛ bumo, ŋkpal manɛ so, m maaŋ ta bumo be kasawule, nɛ k fo fanɛ keyadra koŋwule gba, n sa menyi. N teŋ ta Edɔm be efuli na n sa Isɔɔ nɛ mbe kaman to ebi nna.

Joshuwa 24:4

N sa Aizek malɛ mbinyɛnbi anyɔ nɛ baa tre Jeekɔb nɛ Isɔɔ na. Edɔm be abee be kasawule na be kaba so nɛ n ta n sa Isɔɔ fanɛ mbe kapetɛ, ama Jeekɔb bre nɛ mbe mbia daŋ yɔ Ijipt nna.

Demujipoana 7:22

Gidiɔn nɛ mbe benapo alfa asa na ka foŋ bumo be mbel na nɛ Enyɛnpe Ebɔrɛ na shin nɛ keyeŋiyeŋi tɔr bumo doŋana na so nɛ b pee etokobi a kɔ abar, nseŋ fara a shile a yɔ Bɛf Shitta nɛ k wɔ Zarera be kaba so na. B daŋ shile hale n ya fo Abel Mɛhola nɛ k taga Tabat to na.

1 Samuɛl 14:20

Kumo be kaman nɛ Sɔɔl nya manaŋ n tre mbe benapo m ba abar so nɛ b yɔ Filistiebi na be keeyi to nɛ b ya kɔ bumo kena, ama b ka yɔ nɛ kebagato tɔr Filistiebi na so nɛ bumo gbagba kilgi a mɔ abar.