2 Kronikɛls 20:12 - EBƆRƐ BE KAWƆL

¹² Fo e la anyi be Ebɔrɛ! Gberge bumo kusoe ŋkpal manɛ so anyi ere maŋ kɔ eleŋ nɛ an kɔ benapo damta nɛ baa ba nɛ b ba kɔ anyi kena ere. Anyi maŋ nyi kananɛ anyeeŋ wora ama anyee kule fo nna nɛ fo chɛ anyi to.”

2 Kronikɛls 20:12 ပူးပေါင်းရင်းမြစ်များ

2 Samuɛl 14:11

Nɛ kache na kaŋɛ le: “Yiramu, jande, kule Enyɛnpe nɛ fo Ebɔrɛ na saŋɛ na so ŋkurgepoana nɛ b sɔ ma pibinyɛn ere be luwu be asheŋ a shin nɛ b kɔ n tal to ere maaŋ mɔ ma pibinyɛn nɛ e ka ere malɛ n naaŋ bar asheŋ lubi ko n ti so.” Nɛ ewura Deevid kaŋɛ le: “Ŋkpal Ebɔrɛ ka la ma shɛdajipo so shɛŋ maaŋ tiŋ n tɔrɔ fo pibinyɛn ere kikɛ.”

1 Bewura 1:20

Yiramu, Israɛl be basa kikɛ bee jo nna nɛ fo kaŋɛ bumo esa nɛ e beeŋ ki ewura fo kaman.

2 Bewura 6:15

Kare ka chɛ chipurdidi nɛ anebi Elaisha be kayɛrbi tiŋi n lar laŋ to nseŋ wu Siriya be benapo be egbaŋɛ nɛ egbaŋɛturko ka kulti kade na kikɛ. Ndoŋ nna nɛ e ya kaŋɛ Elaisha le: “N nyɛnpe, an wu n loge! Nuso nɛ anyeeŋ wora?”

2 Kronikɛls 20:13

Le be saŋɛ so nɛ Juda be benyɛn nɛ bumo be beche nɛ mbia yil bɔrɛlambu na ase.

Nshɛ 141:8

Ama ma ere be anishi yuu fo Enyɛnpetale Ebɔrɛ na so nna, a fin fanɛ fo baa kuŋ ma nsaa maŋ shin nɛ n wu!

Nshɛ 25:15

Ma anishi yuu Enyɛnpe na so nna; ŋkpal manɛ so, mo e naa mɔlga ma ashi ajigbelɛ to.

Nshɛ 43:1

Enyɛnpe, ŋini fanɛ m maŋ wora n jija! Malga ŋ kuŋ ma ashi basa nɛ b maŋ nyi fo na kutɔ. Mɔlga ma ashi befɛpo nɛ b kɔ amu kpakpaso na kutɔ.

Nshɛ 7:6

Enyɛnpe Ebɔrɛ, nya agbo ŋ kpa n niŋi to n tu ma doŋana nɛ b nya agbo ga na; yili to n shin nɛ kashenteŋji e di efuli.

Nshɛ 7:8

Fo e la durnya kikɛ be demujipo na. Amoso Enyɛnpe Ebɔrɛ, shin nɛ n ji n lar; ŋkpal ŋ kaa bee ji kashenteŋ, a maŋ wora n jija so.

Nshɛ 9:19

Enyɛnpe Ebɔrɛ, maŋ kumu so, sa maŋ shin nɛ dimɛdi e kini kebaanu a sa fo. Shin nɛ efuli pɔtɛana kikɛ so ebi e yili fo anishito nɛ fo ji bumo demu.

Nshɛ 94:2

Fo e naa ji durnya kikɛ demu. Ba chɛ anyi to! Ka kamoowuwuraana kukɔ, ŋkpal kusɔ nɛ b wora so.

Aizaaya 2:4

Enyɛnpe Ebɔrɛ na beeŋ naŋ lɔŋɛ efuligboŋana nɛ kelantokɔ wɔ amo be basa to na nɛ b naaŋ nyalɛ abar so. Kumo be kaman nɛ b ta bumo be etokobi m bɛl ntekpa nseŋ ta bumo be akpa malɛ m bɛl eloji. Efuliana na maaŋ naa ŋini bumo be basa kena be kekɔ kikɛ, ŋko n naaŋ kɔ abar kena gba kuraa.

Aizaaya 42:4

E maaŋ gben n yige to ŋko m pɔ aba; e beeŋ shin nɛ keji asheŋ nɛ amo be ekpa so e ba durnya to. Efuli pɔtɛ so be basa pere kenishi nna a jo mbe keŋini.”

Aizaaya 45:22

Mee pla enɔ a tre durnya kikɛ to be basa nna, nɛ b kilgi m ba ma kutɔ nseŋ nya kumɔlga. N nawule kpeŋ e la Ebɔrɛ a wɔtɔ.

Jowɛl 3:12

Nɛ Ebɔrɛ kaŋɛ: “A daga fanɛ efuli pɔtɛana so ebi kikɛ e bela ase m ba Jehoshafat be ketaŋɛ to naniere. Ndoŋ nɛ ma Enyɛnpe Ebɔrɛ na beeŋ chena n ji bumo kikɛ demu.

Jona 2:4

Nɛ n fɛ fanɛ fo ju ma fo anishito nna, nɛ m maaŋ naŋ wu fo bɔrɛlambu cheembi na kenishiso kikɛ.

Ditɛronɔmi 32:36

Enyɛnpe Ebɔrɛ na beeŋ kɔ n sɔ mbe basa, jemanɛ nɛ e beeŋ wu fanɛ bumo be eleŋ loge na. E beeŋ wu bumo nɛ baa shuŋ mo na kuwɔr, jemanɛ nɛ e beeŋ wu fanɛ b maaŋ tiŋ n wora shɛŋ n sa bumo be amu na.

Kelaraŋŋini 19:11

Ndoŋ nna nɛ n wu ebɔrɛso ka bugi nɛ gbaŋɛ fuful yil. Kumo be ediipo be ketre e la Kebaayɛawora nɛ Kashenteŋ. Ekpa niŋiso nɛ e bee bɔla a ji demu nsaa kɔ kumo a kɔ kena.

Demujipoana 11:27

M maŋ wora fo kulubi kikɛ, ama fo e naa wora kulubi ŋkpal fo ka bee fin ma kolu so. Enyɛnpe Ebɔrɛ na e naaŋ keni Israɛlebi nɛ Ammɔnebi be demu ere to nseŋ ji kumo.”

1 Samuɛl 14:6

Nɛ Jonatan kaŋɛ kabrantiɛbia nɛ e bee sulɔ mbe akɔsɔ na le: “Ba nɛ an yɔ Filistiebi, nnyamase na, be keeyi to. Ashere Enyɛnpe Ebɔrɛ na beeŋ chɛ anyi to. Nɛ e baŋ shuli fanɛ e beeŋ chɛ anyi to nɛ an kɔ m pɔɔ so bre, shɛŋ shɛŋ maaŋ tiŋ ŋ kuŋ mo ekpa. K maŋ tir fanɛ an shibi ŋko anyi maŋ shibi.”

1 Samuɛl 3:13

N teŋ kaŋɛ mo fanɛ meeŋ gberge mbe laŋ to ebi kusoe mbaanaayɔ ŋkpal mbe mbinyɛnsobi ka maŋ ta bunyaŋ n sa ma nsaa wora alubi a gbiti ma nɛ mo alɛ kini keshin nɛ b yige kebaawora loŋ so.