2 Kronikɛls 2:4 - EBƆRƐ BE KAWƆL

⁴ Mee pɔr lambu nna nɛ m maŋkura Enyɛnpe Ebɔrɛ. K beeŋ baa la kakpa cheembi nɛ ma nɛ ma basa beeŋ baa bunyaŋ Ebɔrɛ nsaa chɔɔ duwu nɛ a kɔ efɛa belbelso nsaa lara bodobodo cheembi be sarga a sa mo saŋkikɛ. Ndoŋ malɛ gba nɛ anyeeŋ baa lara sarga chɔɔso kachipurso nɛ kaaseso kikɛ nɛ kewushiachɛ kikɛ nɛ kufɔl popɔr to be kachɛ juŋkparso kikɛ nɛ ewushi be nchɛ a maŋkura an Enyɛnpe nɛ an be Ebɔrɛ na. Mo e kaŋɛ Israɛlebi kenishipereso fanɛ b baa wora loŋ mbaanaayɔ.

2 Kronikɛls 2:4 ပူးပေါင်းရင်းမြစ်များ

1 Bewura 5:5

Ŋkpal Enyɛnpe Ebɔrɛ ka nase kɔnɔ n sa n tuto ewura Deevid fanɛ mbe kebia e naaŋ ba ki ewura nseŋ pɔr bɔrɛlambu nɛ baaŋ baa bunyaŋ Enyɛnpe Ebɔrɛ kumo to mbe kaman na so nɛ n yili kumo fanɛ meeŋ pɔr kumo nɛ b baa bunyaŋ Enyɛnpe ma Ebɔrɛ na kumo to.

1 Bewura 8:18

ama le nɛ Enyɛnpe Ebɔrɛ na daŋ kaŋɛ mo. ‘Fo ka yɛ feeŋ pɔr bɔrɛlambu n sa ma ere, k kɔ ekpa ga,

1 Bewura 8:63

Ewura Sɔlɔmɔn daŋ mɔ ana ŋgboŋ adunyɔ nɛ anyɔ nɛ mbolpɔ nɛ mboe malɛ ŋgboŋ kalfa nɛ adunyɔ nna n lara kɔnɔkoŋwuleso be esarga pɔɛŋ nɛ mo nɛ basa na kikɛ ta bɔrɛlambu na m bɔɔ Ebɔrɛ enɔ.

1 Kronikɛls 22:5

Le nɛ ewura Deevid daŋ kaŋɛ: “Bɔrɛlambu nɛ m pibinyɛn Sɔlɔmɔn beeŋ pɔr na beeŋ baa walɛ m baŋ so nɛ durnya kikɛ e nu kumo be asheŋ. Ama ŋkpal e ka kraa la kebia a maŋ naŋ pin asɔ damta to na so, a daga fanɛ n wora kumo be shiriya n yili mo.” Amoso ewura Deevid daŋ fin bɔrɛlambu na be kapɔr be asɔ damta nna n yili pɔɛŋ nseŋ wu.

2 Kronikɛls 13:11

Kachipurso nɛ kaaseso kikɛ, baa chɔɔ duwu nɛ asɔbɔya be kechɔɔ m mur be esarga nna a sa Enyɛnpe Ebɔrɛ. Baa ta bodobodo be sarga na nna a deŋi teebɔl nɛ k du cheembi na so daŋkare be ekpa so nsaa chɔɔ efitila nɛ a yil shuwa be kefitilatɔl na malɛ so kaaseso kikɛ. Anyi ere bee bɛ Enyɛnpe Ebɔrɛ be mbra na so nna, ama menyi ere kini mo.

2 Kronikɛls 2:1

Ewura Sɔlɔmɔn yili kumo nna fanɛ e beeŋ pɔr bɔrɛlambu nɛ baaŋ baa bunyaŋ Enyɛnpe Ebɔrɛ kumo to nseŋ pɔr ewura malɛ be laŋ n sa mo gbagba be kumu.

Nehemaya 10:33

Amansherbi na beeŋ chɛ to ŋ ka ebodobodo cheembi na nɛ karechɛ kikɛ be esarga chɔɔso nɛ ayu be esarga na nɛ esargagboŋ nɛ baa lara Kewushiachɛ nɛ Kufɔl Popɔr be Kachɛgboŋ nɛ nchɛgboŋ nɛ a ka na kikɛ be kukɔ. Amo alɛ beeŋ naŋ ka anyi be alubi be ketampaŋ be esarga nɛ kabɔrɛshuŋ be kukɔ kikɛ ashi bɔrɛlambu na to.

Nshɛ 86:8

O Enyɛnpe Ebɔrɛ, agbirana kikɛ maŋ du fanɛ fo, Ebɔrɛ kikɛ maŋ naa wɔtɔ a du fanɛ fo. Esa malɛ kikɛ maŋ naŋ wora asheŋ nɛ fee wora ere be kekama.

Nshɛ 96:4

Ŋkpal manɛ so, Enyɛnpe Ebɔrɛ shi ga, nseŋ daga fanɛ ekama e baa kpaŋ mo nsaa ŋana mo a chɔ agbirana kikɛ.

Ɛksodɔs 25:30

Kumo be kaman nɛ men ta teebɔl na n yili kɔnɔkoŋwule be ŋkre be deka na be anishito nsaa ta bodobodo nɛ b kɔ a lara sarga a sa ma na a deŋi kumo so saŋkikɛ.”

Ɛksodɔs 30:7

Ɛɛrɔn baŋ ba nɛ e ba lɔŋɛ efitila na so, kachipurso kikɛ a daga fanɛ e chɔɔ duwu nɛ amo be efɛa wɔ ebel na bɔrɛsure na so.

Aŋasa 7:20

E ta amansherbi damta nna n yɔ. Bɔkwe anyɔ pɔɛŋ e beeŋ ba.”