2 Kronikɛls 2:16 - EBƆRƐ BE KAWƆL

¹⁶ Anyeeŋ ku ndibi nɛ baa tre sida nɛ fee sha na ashi Lebanɔn be abee so nseŋ ta amo n yɔ teku be kɔnɔ ase n ya kre amo nɛ eyɔri to n ta amo m bɔla teku so n yɔ Jɔpa, nɛ fo ya ta amo ndoŋ n yɔ Jerusalɛm.”

2 Kronikɛls 2:16 ပူးပေါင်းရင်းမြစ်များ

1 Kronikɛls 22:2

Ŋkpal loŋ so ewura Deevid daŋ shin nɛ befɔ nɛ b wɔ Israɛl na kikɛ daŋ ba shɛr Jerusalɛm nna, nɛ e shin nɛ bumo be beko bee kuya ajembu be ebirkesi nɛ a shishi nɛ b pɔr bɔrɛlambu na.

2 Kronikɛls 30:25

Amoso Judaebi na nɛ bɔrɛmatapoana na, nɛ Livaiebi na, nɛ Israɛlebi na, nɛ befɔ nɛ b wɔ Israɛl nɛ Juda be efuli so kikɛ be ŋgbene daŋ fuli bumo nna.

2 Kronikɛls 8:7

Ewura Sɔlɔmɔn daŋ shin nna nɛ Keenan be efuli so b basa nɛ Israɛlebi daa maŋ mɔ saŋɛ nɛ b daŋ lar Ijipt m ba sɔ kasawule na bee shuŋ a sa mo. Bumo e daa la Hitebi nɛ Amɔriebi nɛ Pɛrizebi nɛ Hivebi nɛ Jebusiebi nɛ bumo be kaman to ebi la anya hale m ba fo loŋ be jemanɛ na so.

Ɛzra 3:7

Ade kikɛ be kaman, nɛ basa na sa bepɔrpo nɛ ekapɛnta amansherbi nseŋ ta ajibi nɛ asɔnuuso nɛ ɔlif be ŋku n shuŋi n ya sa Sidɔnebi nɛ Tayɛebi fanɛ b ku sida be ndibi n yili Lebanɔn n ta amo m bɔla teku so m bar bumo ashi Jɔpa fanɛ kananɛ Pɛshiya be ewura, Sairus, kaŋɛ na.

Jona 1:3

Nɛ Jona kini nseŋ shile Enyɛnpe Ebɔrɛ na. E daŋ yɔ kade ko nɛ baa tre Jɔpa nna n ya luri nchu so be kuloŋgboŋ ko nɛ k bee yɔ kadegboŋ ko nɛ baa tre Tashish ashi Speen be efuli so na to.

Baru lela nɛ Jɔn kute na 1:3

Mo so nɛ Ebɔrɛ bɔla n to kusɔ kikɛ. Kusɔ toso kikɛ maŋ wɔtɔ nɛ Ebɔrɛ maŋ bɔla Kamalga na so n to.

Ashuŋ Shunso 10:32

Shuŋi esa Jɔpa nɛ e ya tre kanyɛn ko nɛ baa tre Saimɔn Pita na. E wɔ Saimɔn nwɔlgbitipo nɛ e wɔ a mata teku na pe.’

Ashuŋ Shunso 9:36

Kache ko daa la eyirdapo a wɔ Jɔpa nɛ baa tre mo Tabita. Mbe Griik tre e la Dɔɔkas. Kumo be kifito e la Chibir. Kelela nɛ e daa wɔtɔ a wora saŋkama nsaa chɛ betirpo to.

Ashuŋ Shunso 9:38

Jɔpa nɛ Lida daa maŋ wɔ kufɔ, amoso, beyirdapo nɛ b daa wɔ Jɔpa na ka nu fanɛ Pita wɔ Lida nɛ b shuŋi basa anyɔ ko mo kutɔ fanɛ b ya kaŋɛ mo le: “Jande, wora ania n yeŋi so m ba anyi kutɔ.”

Ashuŋ Shunso 9:42

Kumo be baru daŋ sɔ Jɔpa to kikɛ nɛ basa damta yirda Enyɛnpe na.

Ashuŋ Shunso 9:43

Kumo be kaman nɛ Pita chena nwɔlgbitipo ko nɛ b daa tre Saimɔn pe ashi Jɔpa be kade na to n wora nchɛnnyɔ.

Joshuwa 19:46

nɛ Mejarkɔn nɛ Rakkɔn nɛ Jɔpa be kasawule so kikɛ.

Joshuwa 9:27

Ama e daŋ ta Gibiɔnebi na ŋ ki anya nna nɛ baa kuya ndibi nsaa saŋ nchu a sa Israɛlebi na nɛ Enyɛnpe be bɔrɛsure na ekpa be beshumpo. Loŋ be kushuŋ nɛ b kraa wɔtɔ a shuŋ hale kabre ashi kaplɛkama nɛ Enyɛnpe Ebɔrɛ ŋini fanɛ b baa shuŋ mo na.