2 Kronikɛls 19:4 - EBƆRƐ BE KAWƆL

⁴ Kashenteŋ nna fanɛ ewura Jehoshafat daa wɔ Jerusalɛm nna, ama e daa yili Bɛshiba nɛ k wɔ kelargato be kaseto be kaba so na nna a nite a bɔɔ basa na so n ya ka fo Efrayim be kebee be efuli na be kelargato be esoso be kaba so be ekarso saŋkama a leŋ bumo to fanɛ b naŋ bɛta a shuŋ bumo nananyɛnana be Ebɔrɛ na.

2 Kronikɛls 19:4 ပူးပေါင်းရင်းမြစ်များ

Jɛnesis 21:14

Ebɔrɛ ka malga loŋ ŋklade chipurdidi nɛ Eebraham ta ajibi nɛ deŋkeŋ nɛ nchu n sa Heega. E daŋ ta amo kikɛ nna n di mo nseŋ ju mo nɛ mbe kebia na fanɛ b baa yɔ. Ndoŋ nna nɛ Heega lar m pɛ ekpa n ya kaa na Bɛshiba be kiyi to a kilgi to.

Jɛnesis 21:33

Kumo be kaman nɛ Eebraham duu kedibi ko nɛ baa tre tamariski na ashi Bɛshiba nseŋ bunyaŋ Enyɛnpe Ebɔrɛ nɛ e wɔ ŋkpa to mbaanaayɔ na be ketre ndoŋ.

Malakai 4:6

E beeŋ naŋ ba shin nɛ bekurgepo nɛ bumo be mbia e wora ebel saŋɛ na so nɛ ŋ kaŋ ba, maaŋ mur menyi be efuli na.”

Matiu 25:16

Kenya nɛ e daŋ nya ebɔtɛ anu na ya fara epul na to n ta mbe amansherbi na a ji yawu n naŋ nya ebɔtɛ anu be tɔnɔ n ti so.

Luuk 1:17

E beeŋ ba kaa la kenya nɛ e beeŋ juŋkpar Enyɛnpe na a kɔ eleŋ nɛ Kiyoyu Cheeŋ nɛ anebi Elaija daŋ nya na. E beeŋ bar betuto nɛ bibi abar so n shin nɛ amukpakpasowuraana e fara a fɛ basa cheembi be nfɛra. E beeŋ chala basa n sa Enyɛnpe n shin nɛ b bela ase a jo mo.”

Joshuwa 17:15

Nɛ Joshuwa kaŋɛ le: “Nɛ Efrayim be kebee so be kasawule na du fimbi n sa menyi ŋkpal men ka shi so, kumo ere men ya lɔŋɛ kupo nɛ k wɔ Pɛrizebi nɛ Refaebi be kasawule so na n chena.”

Demujipoana 19:1

Pɔɛŋ nɛ bewura fara a ji kuwura ashi Israɛl be efuli so na, Livai be yiri to be kanyɛn ko e daa wɔ kakpa wɔfɔ ko ashi Efrayim be kepreŋsawule so nseŋ ya ta ejipoche ashi kade nɛ baa tre Bɛtlɛhɛm nɛ k wɔ Juda be efuli so na.

Demujipoana 20:1

Israɛl be basa nɛ b shi Dan be kasawule nɛ k dese kelargato be esoso be kaba so n ya fo Bɛshiba be kasawule nɛ k wɔ kelargato be kaseto be kaba so na, n ta bumo nɛ b shi Giliad be kasawule nɛ k wɔ Jɔɔdan be lɔr na be epeŋilarkpa be kaba so na kikɛ n ti so ka nu kesheŋ na nɛ b lar fanɛ esa koŋwule m ba shɛr Enyɛnpe Ebɔrɛ na be anishito ashi Mizpa.