2 Kronikɛls 19:2 - EBƆRƐ BE KAWƆL

² Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 19:2 ပူးပေါင်းရင်းမြစ်များ

1 Bewura 16:1

Le be kubɔya nɛ Enyɛnpe Ebɔrɛ daŋ ta n sa Hanani pibinyɛn anebi Jehu fanɛ e ya sa Israɛl be efuli so be ewura Baasha:

1 Bewura 16:12

Zimri daŋ mɔ Baasha be kanaŋ kikɛ nna, nɛ kusɔ nɛ Enyɛnpe Ebɔrɛ daŋ bɔla anebi Jehu so n fiɛ Baasha so ŋ kaŋɛ na bɔla so.

1 Bewura 16:7

Anebi Jehu so nɛ Enyɛnpe Ebɔrɛ bɔla n fiɛ ewura Baasha nɛ mbe kanaŋ so, ŋkpal alubi nɛ ewura Baasha daŋ wora ŋ gbiti Enyɛnpe Ebɔrɛ na fanɛ kananɛ ewura Jeroboam daŋ wora na, nɛ ŋkpal e ka mɔ Jeroboam be kanaŋ kikɛ na so nɛ Enyɛnpe Ebɔrɛ be agbo daŋ kaa ga na.

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

1 Bewura 22:44

Ewura Jehoshafat nɛ Israɛl be ewura daŋ maa kɔ abar kena.

2 Kronikɛls 16:7

Loŋ be saŋɛ na nɛ anebi Hanani yɔ ewura Asa kutɔ n ya kaŋɛ mo le: “Ŋkpal fo ka ta fo yirda n deŋi Siriya be ewura so nseŋ kini keta fo yirda n deŋi Enyɛnpe Ebɔrɛ so so, fo maaŋ naŋ tiŋ m pɔ Siriya be benapo so kikɛ.

2 Kronikɛls 18:1

Ewura Jehoshafat nɛ e daa la Juda be ewura na ka ki damawura nɛ mbe ketre dii ga na, nɛ mo nɛ Israɛl be ewura Ahab wora kɔnɔkoŋwule nɛ mo pibinyɛn e ta Ahab pibiche ŋ ki mbe eche.

2 Kronikɛls 18:28

Ndoŋ nna nɛ Israɛl be ewura Ahab nɛ Juda be ewura Jehoshafat yɔ nɛ b ya kɔ Siriya be ewura kena ashi Ramɔf nɛ k wɔ Giliad na.

2 Kronikɛls 18:3

Le nɛ e daŋ bishi mo: “Feeŋ tu ma n ya kɔ Ramɔfebi kena a?” Nɛ ewura Jehoshafat kaŋɛ: “Saŋkama nɛ fo wora shiriya, ma alɛ gba wora shiriya, nɛ ma benapo gba wora shiriya. Anyeeŋ tu fo n yɔ.

2 Kronikɛls 18:7

Nɛ ewura Ahab kaŋɛ le: “Ekoŋwule ko kraa wɔtɔ nɛ anyeeŋ tiŋ n wu mo, mo e la Imla pibinyɛn Mikaya ama ŋ kishi mbe asheŋ ga ŋkpal manɛ so kusɔ kama nɛ e wu ŋ kaŋɛ ma maa walɛ.” Nɛ ewura Jehoshafat kaŋɛ: “Sa maŋ kaŋ kaŋɛ loŋ!”

2 Kronikɛls 19:1

Juda be ewura Jehoshafat bɛta n yɔ mbe kuwura laŋ to ashi Jerusalɛm nɛ shɛŋ shɛŋ maŋ wora mo.

2 Kronikɛls 19:10

Saŋkama nɛ men braana ndetobia na baŋ ta bumo be asheŋ fanɛ kamɔ ŋko kekini kenu n sa Ebɔrɛ be keŋini nɛ mbe mbra be asheŋ m ba menyi kutɔ, k daga men ka fɛa bumo so nɛ b sa maŋ kaŋ wora kulubi ŋ gbiti Enyɛnpe Ebɔrɛ saŋɛ na so mbe agbo maaŋ ba menyi nɛ bumo kikɛ so. Men baa wora loŋ bre, Ebɔrɛ maaŋ wu menyi kulubi.

2 Kronikɛls 20:34

B daŋ sibɛ kusɔ kama nɛ Jehoshafat daŋ wora saŋɛ so nɛ e daa la ewura na nna n wɔtɔ Hanani pibinyɛn Jehu be adrasheŋ be nwɔl nɛ amo alɛ gba ti Israɛl be bewura be adrasheŋ be nwɔl so na to.

2 Kronikɛls 24:18

Basa na daa maŋ naa yɔ bɔrɛlambu na to n ya kaa bunyaŋ bumo nananyɛnana be Ebɔrɛ na. B daŋ naŋ fara nna a shuŋ agbir nɛ kegbirche Ashira be kegbir be kapɔrduli. Ŋkpal kulubi nɛ b wora ere so, Enyɛnpe Ebɔrɛ be agbo daŋ ba Juda nɛ Jerusalɛm be basa so nna.

2 Kronikɛls 26:18

nɛ b ya kuŋ mo akpa. B yɛ: “Uziya, fo maŋ kɔ ekpa nɛ fo chɔɔ duwu n sa Enyɛnpe Ebɔrɛ. Bɔrɛmatapoana nɛ b shi Ɛɛrɔn be kanaŋ to na nawule e kɔ ekpa nɛ b tiŋ n wora loŋ. Lar kakpa cheembi ere ŋkpal manɛ so fo wora kulubi ŋ gbiti Ebɔrɛ nɛ mbe nɛfa maŋ naa wɔ fo so.”

2 Kronikɛls 32:25

Ama ewura Hɛzekaya daa wu mbe kumu na ga nseŋ kini keta kechɔrɔ n sa Enyɛnpe Ebɔrɛ a laŋɛ kusɔ nɛ e wora n sa mo na so. Ŋkpal loŋ so nɛ Enyɛnpe Ebɔrɛ na nya agbo nsaa shin nɛ e gberge ewura Hɛzekaya nɛ Juda nɛ Jerusalɛm be basa kusoe.

Nshɛ 15:4

nɛ bumo nɛ bumo nɛ alubiworapoana maŋ kɔ shɛŋ na. Bumo e naa sa basa nɛ baa ŋana Ebɔrɛ bunyaŋ nsaa wora a bɔlɔ bumo be nnɔ naseso so, hale k du kpakpa gba na.

Nshɛ 21:8

Fo ta fo enɔ lempo na ŋ ŋmɛa fo doŋana n lɛ. Fo enɔ jisa nɛ feeŋ ta m pɛ basa nɛ b kishi fo kikɛ.

Nshɛ 68:1

Ebɔrɛ koso, n shin nɛ fo doŋana e pesaŋ to n shile.

Nshɛ 71:15

Karechɛ kikɛ meeŋ baa malga fo alelasheŋ nɛ fo kumɔlga be asheŋ; ŋkpal manɛ so, fo wora asheŋgboŋ nɛ a baŋ ma kepinto so.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Eemɔs 7:14

Nɛ Eemɔs malɛ kaŋɛ Amaziya le: “Ma ere maŋ la anebi, ŋko anebi pibi. N la mbolpɔkpapo nna nsaa keni efigidibi be ndɔ so.”

Baru lela nɛ Jɔn kute na 15:18

“Nɛ durnya ere baŋ kishi menyi, men baa nyi fanɛ ma nɛ k fara ŋ kishi pɔɛŋ nseŋ ba kaa kishi menyi na.

Baru lela nɛ Jɔn kute na 15:23

Esa kama nɛ e kishi ma, kishi n Tuto gba nna.

Romebi 1:18

Ama Ebɔrɛ bugi to ŋ ŋini basa kananɛ mbe agbo beeŋ shi ebɔrɛso m ba basa so ŋkpal alubi nɛ a wɔ bumo be ŋgbene to nɛ amo nɛ a dii efuli na kikɛ so. Bumo e la basa nɛ bumo be alubi na bee buu kashenteŋ na so basa be anishito na.

Romebi 1:30

nsaa malga alubi a gbiti abar a kishi Ebɔrɛ be asheŋ a tege abar nsaa wu bumo be amu. B kɔ mpuchi a fin alubi be ekpa popɔrana a wora alubi nsaa kini kebaanu a sa bumo nioana nɛ bumo tutoana.

Romebi 1:32

B nyi Ebɔrɛ be mbra na ka bee kaŋɛ fanɛ bekama nɛ b wɔ le be kebaawɔtɔ ere to daga luwu, ama b kraŋ pere kenishi nna a wora amo nsaa leŋ basa pɔtɛ gba to a wɔtɔ loŋ be asheŋ na be kewora to.

Romebi 8:7

Amoso, nyiŋgbasa baŋ shin nɛ kapɔr lubi ere wɔ mbe nfɛra, kumo ere e ki Ebɔrɛ mo doŋ nna na, ŋkpal manɛ so, e maa nu a sa Ebɔrɛ be mbra na. Kashenteŋto, e baŋ maaŋ tiŋ n nu n sa kumo nna gba kuraa.

Ɛfesesebi 5:11

Men shin nɛ men be asheŋ e sa maa wɔ tentembiri be chilchil be asheŋ woraso to, ama men baa lara loŋ be asheŋ na efuli.

Ditɛronɔmi 32:41

fanɛ meeŋ yee ma tokobi nɛ k baa nyɛkpɛ nseŋ shin nɛ kashenteŋji e dii efuli. Meeŋ ka n doŋana kukɔ nseŋ gberge bumo nɛ b kishi ma kusoe.

Ditɛronɔmi 33:11

Amoso Enyɛnpe Ebɔrɛ, chɛ bumo to nɛ b nya eleŋ. Shin nɛ b baa wora fo aparsheŋ. Fo e naŋ mur bumo doŋana kikɛ nsaa maŋ naŋ shin nɛ b koso kikɛ.”

Ditɛronɔmi 5:9

Men sa maŋ kaŋ gbir m bunyaŋ kegbir kikɛ ŋko n shuŋ kumo, ŋkpal manɛ so, ma e la Enyɛnpe, menyi be Ebɔrɛ nɛ m maa sha echamana na. Ma e naa gberge bekama nɛ b kishi ma nɛ bumo be kamanebi kusoe hale n ya fo bumo be kenanafofo nɛ kenana gbiramuli.

Ditɛronɔmi 7:10

Ama e maa chɛr kegberge bumo nɛ b kishi mo na kusoe.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

1 Samuɛl 9:9

Ndoŋ nna nɛ Sɔɔl kaŋɛ le: “Mbo! An yɔ kebɔrɛnya nɛ e bee wu asheŋ a kaŋɛ na kutɔ.” E daŋ kaŋɛ le nna ŋkpal manɛ so loŋ be jemanɛ na so Ebɔrɛ daa bɔla asheŋ be kewuŋkaŋɛ so nna a malga a sa basa. Basa nɛ baa wu asheŋ a kaŋɛ na nɛ b daa tre anebiana loŋ be jemanɛ na.