2 Kronikɛls 19:11 - EBƆRƐ BE KAWƆL

¹¹ Bɔrɛmatapowura nimuso Amariya e naaŋ baa ji kabɔrɛshuŋ be kaplɛa so be asheŋ to, nɛ Zebadiya nɛ e la Ishmaɛl pibinyɛn nɛ e la Juda be gomena na malɛ e baa ji asheŋ nɛ a ka na to. Livaiebi na malɛ e naŋ baa keni nɛ kananɛ b nase asheŋ na a shuŋ. Men ba leŋ men be amu to nsaa bɛ keŋini ere so nɛ Enyɛnpe Ebɔrɛ e baa wɔ bekama nɛ b kɔ kashenteŋ be kaman!”

2 Kronikɛls 19:11 ပူးပေါင်းရင်းမြစ်များ

1 Kronikɛls 22:11

Kumo be kaman nɛ Deevid yɛ: “M pibinyɛn Sɔlɔmɔn, Enyɛnpe fo Ebɔrɛ na e baa wɔ fo kutɔ n shin nɛ kɔnɔ nɛ e nase fanɛ e beeŋ chɛ fo to nɛ fo pɔr bɔrɛlambu n sa mo na e bɔlɔ so.

1 Kronikɛls 22:16

nsaa tiŋ a ta shuwa nɛ gbiti nɛ danyaŋ nɛ kebɛlso a lɔŋɛ asɔ. K daga fanɛ men fara kushuŋ na naniere nɛ Enyɛnpe Ebɔrɛ na e chɛ menyi to.”

1 Kronikɛls 22:19

Men ta men be ŋgbene nɛ men be ayoyu kikɛ a shuŋ Ebɔrɛ. Men fara a pɔr bɔrɛlambu na saŋɛ na so menyeeŋ ta Enyɛnpe Ebɔrɛ be ŋkre be deka na nɛ asɔ cheembi nɛ b kɔ a bunyaŋ Enyɛnpe Ebɔrɛ na n ya yili kumo to.”

1 Kronikɛls 26:30

Hashabia nɛ e shi Hibrɔn be kanaŋ to na nɛ mo kurgepoana kagboŋ nɛ alfa ashunu nɛ b kɔ kenyi ga na e daa juŋkpar kabɔrɛshuŋ nɛ ekrachisheŋ kikɛ ashi Israɛl be efuli nɛ k wɔ Jɔɔdan be lɔr na be epeŋitɔrkpa be kaba so na.

1 Kronikɛls 26:32

Ndoŋ nna nɛ ewura Deevid lara Jeriya be kanaŋ to be bejuŋkparpo nɛ baa tiŋ a wora asheŋ nɛnɛ na be basa ŋgboŋ anyɔ nɛ alfa ashunu nɛ baa juŋkpar kabɔrɛshuŋ nɛ ekrachi be asheŋ ashi Israɛl be kasawule nɛ k wɔ Jɔɔdan be lɔr na be epeŋilarkpa be kaba so nsaa la Ruben nɛ Gad nɛ Manase be yiri be bargato be nsawule na so.

1 Kronikɛls 28:20

Kede be kaman nɛ ewura Deevid naŋ kaŋɛ mo pibinyɛn Sɔlɔmɔn le: “Sa maa lɔ kufu ŋko a pɔ aba, ŋkpal manɛ so Enyɛnpe Ebɔrɛ nɛ mee shuŋ na beeŋ chɛ fo to. E maaŋ kplaŋ fo so kikɛ, ama fo pɔr bɔrɛlambu na n loge nna.

1 Kronikɛls 6:11

nɛ Amariya nɛ Ahitub nɛ

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 15:7

Ama menyi ere e baa kɔ eleŋ nsaa maa pɔ aba ŋkpal manɛ so menyi be kushuŋ nɛ menyee wora na beeŋ bar tɔnɔ.”

2 Kronikɛls 19:6

nseŋ kaŋɛ bumo le: “Men ba de so kananɛ menyee ji basa demu, ŋkpal manɛ so mannɛ dimɛdi be eleŋ so nɛ menyee bɔla a ji demu, ama Enyɛnpe Ebɔrɛ peya. Ebɔrɛ na malɛ wɔ menyi kutɔ saŋɛ nɛ menyee ji demu na.

2 Kronikɛls 19:8

Ewura Jehoshafat daŋ lara Livaiebi nɛ bɔrɛmatapoana nɛ nnaŋ be bejuŋkparpo malɛ nna ashi Jerusalɛm to fanɛ b baa ji basa nɛ baa kini kebaabɛ Enyɛnpe Ebɔrɛ be mbra be ekpa so na nɛ basa nɛ bumo nɛ bumo braana ndetobia kɔ asheŋ na demu.

Ɛzra 7:5

Bukki mo tuto e daa la Abishuwa nɛ mo alɛ mo tuto daa la Finihas. Finihas mo tuto e daa la Eliaza nɛ e daa la bɔrɛmatapo nimuso Ɛɛrɔn pibinyɛn.

Nshɛ 112:5

Kebaawɔtɔ bee nite nɛnɛ nna a sa bekama nɛ baa bugi epunto a ta asɔ a paŋ beko nsaa ji kashenteŋ ashi bumo be keyawuji to na.

Nshɛ 37:23

Nɛ esa be asheŋ woraso baa fuli Enyɛnpe Ebɔrɛ na be kagbene; e bee ŋini mo kananɛ e beeŋ baa tia mbe aya nna.

Aŋasa 2:20

Amoso a daga fanɛ fo baa kute basa lela be aworbi to nna; nsaa wɔ kebaawɔtɔ niŋi so to.

Kaŋinichiŋgeliŋ 2:26

Ebɔrɛ bee ta kanyiasheŋ nɛ kenyi nɛ kagbenefuli nna a sa bekama nɛ baa wora mbe aparsheŋ. Ama belubiworapo bre, e bee shin nna nɛ baa shuŋ a nya asɔ a yili, nɛ bekama nɛ baa wora Ebɔrɛ be aparsheŋ na e ba ji amo be kapetɛ. Ade kikɛ la asheŋ fuloŋ nna. A du nna fanɛ kebaa ju a bɛ afu so.

Jɛremaya 6:16

Ade kikɛ be kaman nɛ Enyɛnpe Ebɔrɛ naŋ kaŋɛ mbe basa le: “Men yili ŋkpancheri n to anishi ŋ keni, nseŋ bishi m pin ekpa dra nɛ men nananyɛnana daa bɔla so a wora asheŋ na nsaa bɔla kumo so wora asheŋ, saŋɛ na so nɛ men baa wɔ kayurwushi be kebaawɔtɔ to.” Ama le nɛ men daŋ kaŋɛ: “Ayai, anyi maaŋ wora loŋ!”

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Luuk 23:50

Kanyɛn ko e daa wɔtɔ nɛ baa tre mo Josɛf. E daŋ shi Juwebi be kade nɛ baa tre Arimatiya na nna nseŋ daa la Juwebi be nshɛrwuraana na to be esa lela nɛ kashenteŋshapo.

Ashuŋ Shunso 11:24

Baanabas daa la esa ga a kɔ yirda nɛ Kiyoyu Cheeŋ na bɔlɔ mo to. Ŋkpal loŋ so, basa damta daŋ ba pin Ebɔrɛ bumo be ŋgbene to.

1 Kɔrintebi 16:13

Men baa da so a yil men be yirda na to kpakpa a kɔ kenyɛn nseŋ naa kɔ eleŋ.

2 Timoti 2:1

Amoso, fo ere m pibi, baa wɔ eleŋ nɛ k bee shi Yesu Kristo kutɔ a ba ŋkpal mbe kuwɔr be kakɛ na so to

Joshuwa 1:6

Leŋ fo kumu to nsaa kɔ kagbene, ŋkpal manɛ so, fo e naaŋ juŋkpar basa ere n ya sɔ kasawule nɛ n nase kɔnɔ fanɛ meeŋ ta n sa bumo nananyɛnana na.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”