2 Kronikɛls 18:9 - EBƆRƐ BE KAWƆL

⁹ Bewura anyɔ na daŋ buu bumo be ewurpiŋi nna a tase bumo nwurputi so ashi kugooro nɛ baa bri asɔ nɛ k wɔ Samɛria be kabunagboŋ na be ekarso na so, nɛ anebiana na kikɛ yil bumo be anishito a kaŋɛ kusɔ nɛ Ebɔrɛ kaŋɛ.

2 Kronikɛls 18:9 ပူးပေါင်းရင်းမြစ်များ

2 Kronikɛls 18:10

Chinana pibinyɛn Zɛdikaya nɛ e la anebiana na be eko bre, daŋ bɛl abɛlso be alambɛ nna nseŋ kaŋɛ Ahab le: “Enyɛnpe Ebɔrɛ yɛ, le be kusɔ ere nɛ feeŋ ta ŋ kɔ Siriyaebi na kena m pɔɔ bumo so cheche.”

2 Kronikɛls 18:29

Nɛ ewura Ahab kaŋɛ ewura Jehoshafat le: “An kaŋ baŋ yɔ kena na to, meeŋ chɛrga ma ewurpiŋi saŋɛ na so b maaŋ naŋ pin fanɛ n la ewura, ama fo ere beeŋ tiŋ m buu fo peya.” Amoso Israɛl be ewura na bre daa maŋ buu mbe ewurpiŋi n yɔ kena na to.

2 Kronikɛls 18:8

Ndoŋ nna nɛ ewura Ahab tre mbe benimu na be eko n shuŋi mo fanɛ e ya tre Mikaya m ba epul na to.

Aizaaya 14:9

Bumo nɛ b wɔ bubuni to wora shiriya nna a jo nɛ b keta Babilɔn be efuli so be ewura kefɔ. Bewura dra nɛ b ji eleŋ ga durnya to na ka nu mbe keba bumo kutɔ ashi bubuni to na be asheŋ, bumo be ŋgbene fuli nna.

Ezikɛl 26:16

Saŋɛ na so nɛ bekama nɛ baa ji kuwura efuliana nɛ a chena m mata teku ase na e gbelge bumo be nwurputi so. Kumo be kaman nɛ b gbaŋ bumo be bewura be epiŋiana nɛ bumo be asɔbuuso nɛ b jɔɔ amo na kikɛ nseŋ chena kasawule a chicha. Ŋkpal kusɔ nɛ k beeŋ tu menyi na so, kufu beeŋ pɛ bumo ga hale nɛ b maŋ tiŋ n yige kebaachicha.

Danɛl 7:9

Kumo be kaman nɛ n wu b ka ta nwurputi n nase, nɛ esa nɛ e maŋ kɔ sososo nɛ lalaloge na chena nwurputi na be kuko so. Mbe piŋi daŋ fuli nna parr fanɛ kebɔrɛjembubi nɛ mbe emin malɛ du fanɛ ateebi. Mbe kuwurputi na daa suse edɛ nna nsaa deŋ kusɔ ko nɛ kumo be aya bel m pere fanɛ ajanwulɛ na so.

Matiu 11:8

Manɛ nɛ men daŋ lar n yɔ nɛ men ya keni? Men daŋ yɔ nna nɛ men ya keni kanyɛn ko ka buu damaso be asɔbuuso ŋko? Basa nɛ baa kaa buu damaso be asɔbuuso na bee kaa wɔ ewurkpaana nna.

Matiu 19:28

Nɛ Yesu kaŋɛ bumo: “Ma e kaŋɛ menyi kashenteŋto na fanɛ durnya popɔr na to jemanɛ nɛ ma, Nyiŋgbasa Pibinyɛn beeŋ chena ma kemaŋkura be kuwurputi na so na, menyi nɛ men bɛ ma so na malɛ gba beeŋ chena nwurputi kuduanyɔ so a ji Israɛlebi be nnaŋ kuduanyɔ na demu.

Matiu 6:29

ŋkeshin nɛ men baa nyi fanɛ Ewura Sɔlɔmɔn gba e daa kɔ kemaŋkura nɛ asɔ ga ere daa maa kɔ asɔbuuso nɛ a walɛ n fo atoto ere so.

Ruf be kawɔl 4:1

Bowas nɛ Ruf ka barga abar kamɔnchɛ na be kaman nɛ Bowas ya chena agaŋgeeya ŋko kejaŋ nɛ k wɔ egbal nɛ b pɔr ŋ kulti kade na be kakpa nɛ baa kaa shɛr a ji deamu na so. Ndoŋ nɛ e wɔ loŋ nɛ Elimelɛk mo kurgepo mo nɛ Bowas daŋ kaŋɛ fanɛ mo e daga nɛ e ta Ruf ŋ keni so na ba kaa choŋ nɛ e tre mo ŋ kaŋɛ: “N teri, ba nɛ a ber kelejima.” Nɛ kanyɛn na ya chena mo kutɔ.