2 Kronikɛls 18:5 - EBƆRƐ BE KAWƆL

⁵ Ndoŋ nna nɛ Ahab tre anebiana alfa ana m bishi bumo le: “N ya kɔ Ramɔf ebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ m sɔ kumo.”

2 Kronikɛls 18:5 ပူးပေါင်းရင်းမြစ်များ

1 Bewura 12:9

Le nɛ e daŋ bishi bumo: “Manɛ be kasotoji nɛ men kɔ n sa ma? Manɛ nɛ menyee sha ŋ ka kaŋɛ basa nɛ baa kaŋɛ ma fanɛ ŋ ku bumo be kushuŋ so n sa bumo ere?”

1 Bewura 18:19

Kaŋɛ Israɛlebi na kikɛ nɛ b ba kebeegboŋ nɛ baa tre Kamɛl na ase m ba tu ma. Keta Baal be agbirwuraana alfa ana nɛ adunu nɛ kegbirche Ashira be agbirwuraana alfa ana nɛ baa tu ewurche Jɛzebel a ji na m ba!”

1 Bewura 4:13

Bɛngeba e daa keni Ramɔf be kade nɛ k wɔ Giliad na, nɛ ndewurbi nɛ a wɔ kumo be kasawule so nsaa la Jair nɛ e la Manase be kaman to ebi na peya na so. Mo koŋwule na e daŋ naa keni Agob be kebonfu nɛ k wɔ Bashan be kasawule so nsaa kɔ nde adeshe nɛ b pɔr egbal ŋ kulti amo nseŋ ta danyaŋ n lɔŋɛ amo be akuloŋgboŋana na kikɛ so.

2 Bewura 3:13

Nɛ Elaisha kaŋɛ Israɛl be ewura na le: “Manɛ nɛ ma nɛ fo kɔ nɛ mee chɛ fo to? Yɔ n ya bishi efuli pɔtɛana so be agbir nɛ fo tuto nɛ fo nio bee yɔ amo kutɔ n ya ka sɔ nfɛra na.” Nɛ ewura Joram kaŋɛ: “M-m, Enyɛnpe Ebɔrɛ na e bar anyi bewura asa ere nɛ anyi be benapo nfe nɛ Mowab be ewura e kɔ m pɔɔ anyi so.”

2 Kronikɛls 18:14

Amoso e ka yɔ ewura Ahab kutɔ, le nɛ e daŋ bishi mo: “Mikaya, k daga fanɛ ma nɛ ewura Jehoshafat ka ya kɔ Ramɔf ebi kena ŋko k maŋ daga?” Nɛ Mikaya kaŋɛ: “Men ya kɔ, ŋkpal manɛ so menyeeŋ pɔɔ so. Enyɛnpe Ebɔrɛ na beeŋ shin nɛ men kɔ m pɔɔ so.”

2 Kronikɛls 18:4

Ama pɔɛŋ nɛ an wora loŋ, a daga an ka pin Enyɛnpe Ebɔrɛ be nfɛra.”

2 Kronikɛls 18:6

Nɛ Jehoshafat naaŋ bishi: “Ama anebi kama maŋ naa wɔtɔ nɛ an ya sɔ Enyɛnpe Ebɔrɛ be nfɛra mo kutɔ n ti so a?”

Jɛremaya 23:14

Kumo be kaman nɛ n naŋ wu anebiana nɛ b wɔ Jerusalɛm to na ka wora kulubi nɛ k chɔ kusɔ nɛ Samɛria to be anebiana na wora na. B daa shuŋ agbir nna nsaa ku efɛ a ti so. Bumo alɛ daa chɛ basa to nna nɛ baa wora asɔ nɛ e maŋ daga. Ŋkpal loŋ so ekama daa wɔ asheŋ lubi be kewora to nna. Ma ere kutɔ, bumo kikɛ lubi nna fanɛ nde anyɔ nɛ baa tre Sodɔm nɛ Gomɔra na be basa.

Jɛremaya 23:16

Kumo be kaman nɛ Enyɛnpetale Ebɔrɛ na naŋ kaŋɛ Jerusalɛm to be basa na le: “Men sa maa nu asheŋ nɛ anebiana na bee kaŋɛ menyi na. Tama fuloŋ nɛ baa sa menyi. Asɔ nɛ bumo be nfɛra sa bumo nɛ baa kaŋɛ menyi, mannɛ kusɔ nɛ ŋ kaŋɛ.

Jɛremaya 23:17

Anebi fɛpoana ere bee kaŋɛ basa nɛ b kini kenu kusɔ nɛ ŋ kaŋɛ na nna fanɛ asheŋ beeŋ nyalɛ n sa bumo. Bumo alɛ nseŋ naa kaŋɛ kagbene kpakpasowuraana fanɛ b maaŋ ji jɛrbi kikɛ.”

Jɛremaya 42:20

fanɛ kewora n foe gboŋgboŋi nɛ menyee shin nɛ men wora na. Menyi e kaŋɛ ma fanɛ ŋ kule Enyɛnpe, anyi be Ebɔrɛ na n sa menyi nseŋ nase kɔnɔ fanɛ kusɔ kama nɛ e kaŋɛ menyeeŋ wora kumo.

Ezikɛl 13:22

Men bɔla efɛ so n shin nɛ basa lela nɛ m maŋ kre ketɔrɔ bumo pɔ aba nseŋ kuŋ basa lubi ekpa nɛ b maŋ lar bumo be asheŋ lubi to m mɔlga bumo be amu.

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

2 Timoti 4:3

Saŋko beeŋ fo nɛ basa maaŋ naŋ nu kashenteŋ be keŋini na nsaa wɔtɔ a bɛ bumo gbagba be ayɛlgasɔ so. Baaŋ baa chala beŋinipo damta nɛ b baa ŋini bumo asɔ nɛ baa sha kebaanu.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.