2 Kronikɛls 18:1 - EBƆRƐ BE KAWƆL

¹ Ewura Jehoshafat nɛ e daa la Juda be ewura na ka ki damawura nɛ mbe ketre dii ga na, nɛ mo nɛ Israɛl be ewura Ahab wora kɔnɔkoŋwule nɛ mo pibinyɛn e ta Ahab pibiche ŋ ki mbe eche.

2 Kronikɛls 18:1 ပူးပေါင်းရင်းမြစ်များ

1 Bewura 21:25

Esa kama daa maŋ wɔtɔ loŋ be jemanɛ na nɛ kulubi bee wora mo ebel a chɔ ewura Ahab. Mbe eche Jɛzebel malɛ e daŋ shin nɛ e ki loŋ.

1 Bewura 22:1

Nfɛ asa nɛ Israɛlebi nɛ Siriyaebi maa kɔ kena.

1 Bewura 22:45

B daŋ sibɛ kusɔ kama nɛ Jehoshafat daŋ wora nɛ mbe kenyɛn nɛ e ji kikɛ nɛ ana nɛ e kɔ kikɛ nna n wɔtɔ Juda be bewura be adrasheŋ be nwɔl to.

2 Bewura 11:1

Juda be ewura Ahaziya mo nio Atalia ka nu fanɛ mo pibinyɛn wu nna, nɛ e kaŋɛ fanɛ b mɔ basa nɛ b shi Juda be ewura be kanaŋ to na kikɛ.

2 Bewura 8:18

Ewura Jehoram daŋ ta ewura Ahab pibiche nna, amoso e daa wora asheŋ nna fanɛ ewura Ahab be kanaŋ to ebi nɛ Israɛl be bewura nseŋ wora alubi ŋ gbiti Enyɛnpe Ebɔrɛ na.

2 Kronikɛls 17:12

Ewura Jehoshafat be kuwurji be eleŋ daŋ baa ti so nna saŋkikɛ. E daŋ pɔr egbalana nna ŋ kulti Juda be nde nseŋ pɔr nde nɛ baaŋ baa yili

2 Kronikɛls 17:5

Enyɛnpe Ebɔrɛ daŋ sa ewura Jehoshafat eleŋ nna nɛ Juda be efuli so be kusɔ kikɛ daa wɔ mbe kuwura be kaseto. Basa na kikɛ daŋ bar mo ŋkɛ nna nɛ e ki damawura nseŋ nya bunyaŋ n ya baŋ so.

2 Kronikɛls 18:31

Amoso b ka wu Jehoshafat na, nɛ b fɛ fanɛ mo e la Israɛl be ewura na nsaa shin nɛ b kɔ mo kena. Ndoŋ nna nɛ ewura Jehoshafat shu n tre Enyɛnpe Ebɔrɛ na nɛ Ebɔrɛ shin nɛ benapo na yige mo.

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 20:35

Jemanɛ ko, Juda be ewura Jehoshafat nɛ Israɛl be ewura Ahaziya nɛ e daŋ wora asheŋ lubi damta ga na, daŋ wora kɔnɔkoŋwule be ŋkre nna.

2 Kronikɛls 21:6

Ŋkpal ewura Jehoram ka ta ewura Ahab pibiche so e daa kɔ kumukpakpaso nna fanɛ ewura Ahab nɛ Israɛl be bewura ko nseŋ wora alubi ŋ gbiti Enyɛnpe Ebɔrɛ,

Matiu 6:33

Amoso men ta Ebɔrɛ be kuwura na nɛ mbe alelasheŋ be kasha n juŋkpar men be kebaawɔtɔ to nɛ e shin nɛ men nya asɔ na kikɛ n ti so.

2 Kɔrintebi 6:14

Men sa maŋ shin nɛ menyi nɛ bumo nɛ b maŋ la bebɛsopo e baa gama a wora asheŋ fanɛ men kurgepoana, ŋkpal manɛ so, manɛ e wɔ kelela nɛ kulubi be nferinto? Ŋko nuso nɛ kefulto nɛ tentembiri bee wora asheŋ abar so?