2 Kronikɛls 17:7 - EBƆRƐ BE KAWƆL

⁷ Jehoshafat ka ji kuwura be kafɛ sasopo nɛ e lara benimu ere fanɛ b ya ka ŋini Enyɛnpe Ebɔrɛ be mbra na ashi nde nɛ a wɔ Juda be efuli so na kikɛ to. Bumo e la Bɛnheel nɛ Obadaya nɛ Zakareya nɛ Natanɛl nɛ Mikaya.

2 Kronikɛls 17:7 ပူးပေါင်းရင်းမြစ်များ

2 Kronikɛls 15:3

Israɛlebi na daŋ yige keshuŋ kashenteŋ be Ebɔrɛ na n chɛr ga. B daa maŋ naa kɔ bɔrɛmatapoana nɛ baa ŋini bumo Ebɔrɛ be akpa. Amoso b daa maŋ naa bɛ Ebɔrɛ be mbra so.

2 Kronikɛls 30:22

Ewura Hɛzekaya daŋ chɔrɔ Livaiebi na nna ŋkpal kenyi nɛ b daa kɔ a juŋkpar basa nɛ baa bunyaŋ Enyɛnpe Ebɔrɛ na so. Nchɛ ashunu nɛ b ta n lara sarga n di Enyɛnpe bumo nananyɛnana be Ebɔrɛ na epaŋ na be kaman,

2 Kronikɛls 35:3

Kusɔ nɛ e daŋ kaŋɛ Livaiebi nɛ b ta m bɔɔ Enyɛnpe Ebɔrɛ enɔ nɛ b la Israɛlebi be mbra ŋinipoana na nde: “Men maaŋ naa sulɔ Enyɛnpe Ebɔrɛ be ŋkre be deka cheembi na a nite a kilgi to, ŋkpal manɛ so k tea yil bɔrɛlambu nɛ ewura Sɔlɔmɔn nɛ e la ewura Deevid pibinyɛn na pɔr nɛ menyeeŋ baa shuŋ Enyɛnpe men be Ebɔrɛ na nɛ mbe basa Israɛlebi na to nna.

Ɛzra 7:25

Ɛzra, ta kanyiasheŋ nɛ Ebɔrɛ sa fo na ŋ keni to n lara sheriajipoana nɛ demujipoana nɛ b baa keni to a ji asheŋ ashi Yufreetes be epeŋitɔrkpa be efuli so ndoŋ. A daga fanɛ b baa la basa nɛ b nyi fo Ebɔrɛ na be mbra na. Fo alɛ e naaŋ baa ŋini bekama nɛ b maŋ nyi amo na.

Nehemaya 9:3

Awa asa nɛ b yil a nu b ka bee kraŋ Enyɛnpe bumo be Ebɔrɛ na be mbra be kawɔl na. Kumo be kaman nɛ b naŋ ta awa asa malɛ ŋ kule Ebɔrɛ ŋ kaŋɛ bumo be alubi nseŋ bunyaŋ Enyɛnpe Ebɔrɛ na.

Nshɛ 34:11

Ma mbia, men kaŋ kusoe n nu; nɛ n ŋini menyi kananɛ menyeeŋ baa bunyaŋ Enyɛnpe na.

Nshɛ 51:13

Nɛ n ŋini alubiworapoana fo mbra nɛ b bɛta m ba fo kutɔ.

Kaŋinichiŋgeliŋ 1:12

Ma eŋinipo ere ka malga le be asheŋ ere kikɛ nɛ n daa la Israɛl be efuli so be ewura nna nsaa wɔ Jerusalɛm to.

Aizaaya 49:23

Bewura beeŋ ki fanɛ betuto n sa fo; nɛ bewurche e ki fanɛ benio n sa fo. Baaŋ jɔŋɛ fo ase nseŋ bunyaŋ fo. Kumo be kaman nɛ b bar bumo be amu kaseto n sa fo. Saŋɛ na so, feeŋ pin fanɛ ma e la Enyɛnpe Ebɔrɛ na. Esa kama nɛ e yirda ma, maaŋ ji anishinyɔr kikɛ.

Levitikɔs 14:42

Kumo be kaman nɛ b ta ajembu ŋko ebirkesi pɔtɛ m pɔr nseŋ baga shishɛr popɔr n la egbal na.

Nɔmbɛs 1:8

nɛ Zuwa pibinyɛn Nataniɛl shi Isaaka be yiri to

Matiu 4:23

Ade be kaman nɛ Yesu nite Galili be kasawule so kikɛ to a ŋini basa abɔrɛsheŋ ashi bumo be nshɛrbuana to nsaa bɔ Ebɔrɛ be kuwura na to be baru lela na a sa basa nseŋ chɛ basa na to be alɔ nɛ ebesa be yiri kikɛ.

Maak 4:2

Ndoŋ nna nɛ e ta aŋasa ŋ ŋini bumo asɔ damta ŋ kaŋɛ:

Ashuŋ Shunso 1:1

N teri lela Tiɔfiles, asɔ nɛ Yesu daŋ wora nseŋ ŋini saŋɛ nɛ e fara mbe kushuŋ n ya fo saŋɛ nɛ Ebɔrɛ daŋ shin nɛ e naŋ bɛta n yɔ ebɔrɛso na kikɛ be asheŋ nɛ n daŋ sibɛ ma kawɔl juŋkparso na to.

Ditɛronɔmi 33:10

Bumo e naaŋ ŋini fo basa fo mbra nɛ b bɛ amo so. Bumo alɛ e naaŋ baa lara esarga fo bɔrɛsure so.

Ditɛronɔmi 4:5

Mbraana nɛ Enyɛnpe, ma Ebɔrɛ na ta n sa ma na kikɛ nɛ ŋ ŋini menyi na. Men wora amo kasonu ashi kasawule nɛ menyee yɔ nɛ men ya kɔ n sɔ n chena so na so.