2 Kronikɛls 17:6 - EBƆRƐ BE KAWƆL

⁶ E daŋ shuŋ Enyɛnpe Ebɔrɛ na kashenteŋto ga nseŋ jija nnyamase na be ademaŋana nɛ kakpa nɛ baa shuŋ kegbirche nɛ baa tre Ashira ashi Juda be efuli so na kikɛ.

2 Kronikɛls 17:6 ပူးပေါင်းရင်းမြစ်များ

1 Bewura 22:43

Ewura Jehoshafat daŋ bɛ mo tuto Asa be aya so nna n wora kusɔ nɛ k walɛ Enyɛnpe Ebɔrɛ be anishito. Ama e daŋ maŋ jija mboŋ nɛ baa shuŋ nnyamase be agbirana na nɛ basa na kraŋ nya ekpa a lara esarga nsaa chɔɔ eduwu ndoŋ.

2 Kronikɛls 14:2

Ewura Asa daŋ wora kusɔ nɛ k niŋi nsaa walɛ Enyɛnpe mbe Ebɔrɛ na be anishito nna.

2 Kronikɛls 14:3

E daŋ bure efuli pɔtɛana so be ebɔrɛsureana nɛ mboŋ nɛ baa shuŋ bumo be agbirana kikɛ nna nseŋ bure agbirjembu nɛ eshabɔrɛ be mboŋ nɛ basa bee shuŋ kegbirche Ashira na ashi mbe efuli so.

2 Kronikɛls 15:17

Kashenteŋ nna fanɛ ewura Asa daa maŋ tiŋ m mur agbirana kikɛ ashi Israɛl be kasawule so, ama mbe ŋkpa kikɛ to e daŋ ji kashenteŋ nna n sa Ebɔrɛ.

2 Kronikɛls 19:3

Ama amo nɛ amo kikɛ asheŋ lela ko wɔ fo to. Fo jija kegbirche Ashira be mpɔrduli nɛ basa bee shuŋ na kikɛ, fo alɛ gbagba nsaa wora ania a bɛ Ebɔrɛ be ekpa so.”

2 Kronikɛls 20:33

ama e daa maŋ mur ndoŋ be mboŋ nɛ baa shuŋ agbir na kikɛ. Ŋkpal loŋ so basa na daa maŋ ta bumo be ŋgbene kikɛ m bɛ bumo nananyɛnana be Ebɔrɛ na so.

2 Kronikɛls 31:1

Kejigboŋ na ka loge, nɛ Israɛlebi na yɔ Juda be efuli so be kade kikɛ to, n ya bure ndoŋ be ajembu be eshabɔrɛ nɛ kegbirche Ashira be mpɔrduli be ndibi n lɛ nseŋ mur ndoŋ be ebɔrɛsure nɛ kakpa nɛ nnyamase bee shuŋ bumo be agbirana na kikɛ. B daŋ wora loŋ nna ashi Juda be efuli so kikɛ nɛ Bɛnjamin nɛ Efrayim nɛ Manase be kaba so kikɛ. Kumo be kaman nɛ b bɛta n yɔ epe.

Job be kawɔl 22:26

Aloŋ nɛ feeŋ nya kagbenefuli ashi kebaabunyaŋ mo to.

Nshɛ 119:1

Kagbenefuli la bekama nɛ bumo be kebaawɔtɔ maŋ kɔ saŋgre kikɛ nɛ baa wora asheŋ a bɛ Enyɛnpe Ebɔrɛ be mbra be ekpa so na peya nna.

Nshɛ 138:5

Baaŋ baa boŋ nshɛ a laŋɛ asɔ nɛ fo wora nɛ fo kemaŋkuragboŋ na be kaplɛa so.

Ɛksodɔs 34:13

Ama men bure m bure bumo be agbirana nɛ amo be elambuana nseŋ ku kegbirche Ashira be ndulgi be ndibiana na n lɛ.

Hoziya 14:9

Benyiashempo beeŋ pin asheŋ ere be kifito nseŋ bɛ amo so. Enyɛnpe Ebɔrɛ be ekpa niŋi nna. Basa nɛ bumo alɛ kɔ kebaawɔtɔ cheembi nawule e naa bɔla kumo so. Belubiworapo bre bee fiti nna a tɔr ŋkpal b ka kini kumo be kebɛso so.

Ashuŋ Shunso 13:10

“Setani pibi ere. Fo la kelela be yiri kikɛ be edompo nna. Kafule be kulubi be yiri kikɛ e baŋ bɔlɔ fo to nɛ saŋkama fee kɔ a fin keta Enyɛnpe be nshenteŋ ŋ ki efɛ.

Ditɛronɔmi 28:47

Enyɛnpe Ebɔrɛ na bre nɛfa menyi ekpa kama so, ama ŋkpal men ka kini keshuŋ mo kagbene koŋwule so n ta kemaŋkura n sa mo na so,