2 Kronikɛls 17:3 - EBƆRƐ BE KAWƆL

³ Enyɛnpe Ebɔrɛ daŋ nɛfa ewura Jehoshafat nna ŋkpal e ka daŋ bɛ kebaawɔtɔ lela nɛ mo tuto daa kɔ nseŋ kini kebunyaŋ Baal be kegbir na so.

2 Kronikɛls 17:3 ပူးပေါင်းရင်းမြစ်များ

Jɛnesis 39:21

Enyɛnpe Ebɔrɛ na daa wɔ Josɛf kutɔ ashi kabuti na to gba nna a ŋini mo mbe kasha nseŋ shin nɛ Josɛf be asheŋ bee bɔlɔ kabutikenipo na kenishi.

2 Samuɛl 5:10

Ŋkpal Enyɛnpetale Ebɔrɛ ka daa wɔ mo kutɔ so, e daa nya eleŋ nna a ti so saŋkama.

2 Samuɛl 8:15

Saŋɛ nɛ Deevid daa la Israɛl be efuli so kikɛ be ewura na, e daa ji asheŋ nɛ amo be ekpa so nna nsaa wora asheŋ nɛ a niŋi.

1 Bewura 11:6

E daŋ wora alubi nna ŋ gbiti Enyɛnpe Ebɔrɛ na nsaa maa bugi kagbene a shuŋ mo fanɛ kananɛ mo tuto ewura Deevid daŋ shuŋ mo na.

1 Bewura 22:43

Ewura Jehoshafat daŋ bɛ mo tuto Asa be aya so nna n wora kusɔ nɛ k walɛ Enyɛnpe Ebɔrɛ be anishito. Ama e daŋ maŋ jija mboŋ nɛ baa shuŋ nnyamase be agbirana na nɛ basa na kraŋ nya ekpa a lara esarga nsaa chɔɔ eduwu ndoŋ.

1 Bewura 3:3

Ewura Sɔlɔmɔn ka daa sha Enyɛnpe Ebɔrɛ ga so, e daŋ bɛ kusɔ nɛ mo tuto ewura Deevid kaŋɛ mo so nna. Mo alɛ gba daa ta asɔbɔya nna a lara sarga nsaa chɔɔ duwu ashi abee so be kakpa nɛ baa bunyaŋ Enyɛnpe Ebɔrɛ na.

2 Bewura 14:3

Amaziya daŋ wora kusɔ nɛ k par Ebɔrɛ, ama mo alɛ daa maŋ wora kumo nɛ kagbene koŋwule fanɛ kananɛ mo nananyɛn ewura Deevid bre daa wora na. Kusɔ nɛ mo tuto Jɔash daŋ wora na gbagba nɛ mo alɛ gba daŋ wora.

2 Bewura 16:2

Nfɛ adunyɔ nɛ Ahaz daŋ ji pɔɛŋ nseŋ ki ewura, mo alɛ daŋ ji kuwura Jerusalɛm to nfɛ kuduashe nna. E daa maŋ bɛ kebaawɔtɔ lela nɛ mo nananyɛn ewura Deevid daa kɔ na so. E daŋ maŋ wora kusɔ nɛ k bee par Enyɛnpe Ebɔrɛ na.

2 Bewura 18:3

E daŋ bɛ mo nananyɛn ewura Deevid be aya so nna nseŋ wora kusɔ nɛ keniŋi Enyɛnpe Ebɔrɛ na be anishito.

2 Bewura 22:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

1 Kronikɛls 22:18

E yɛ: “Enyɛnpe men be Ebɔrɛ na e chɛ menyi to nseŋ sa menyi kagbenewushi ekpa kama so. E chɛ ma to nɛ ŋ kɔ m pɔɔ basa nɛ b daa wɔ kasawule na so nseŋ shin nɛ baa shuŋ ma nɛ Enyɛnpe Ebɔrɛ na.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 15:2

nɛ e yɔ ewura Asa kutɔ n ya kaŋɛ mo le: “Ewura Asa nɛ Juda nɛ Bɛnjamin be basa, men kikɛ e nu nfe! Men baa nu a sa Enyɛnpe Ebɔrɛ na, mo alɛ beeŋ baa wɔ menyi kutɔ saŋkikɛ. Men baa fin mo, menyeeŋ wu mo, ama nɛ men baŋ pal kaman n sa mo bre, mo alɛ beeŋ yige menyi to.

2 Kronikɛls 17:2

E daŋ ta benapo nna n yili Juda be nde nɛ b pɔr egbal ŋ kulti na nɛ ndekarso ko ashi Juda be kasawule so nɛ nde nɛ mo tuto Asa kɔ n sɔ ashi Efrayim be kasawule so na.

2 Kronikɛls 17:4

E daŋ shuŋ mo tuto be Ebɔrɛ nseŋ bɛ Ebɔrɛ be mbra so, a maŋ wora kananɛ Israɛl be bewuraana daŋ wora na.

2 Kronikɛls 20:32

Kananɛ ewura Jehoshafat mo tuto Asa daa kɔ kasonu n sa Enyɛnpe Ebɔrɛ na, loŋ nɛ mo alɛ gba daa du,

2 Kronikɛls 21:12

Kachako nɛ Anebi Elaija sibɛ kawɔl n sa ewura Jehoram a kaŋɛ mo le: “Enyɛnpe Ebɔrɛ nɛ e la fo nananyɛn ewura Deevid be Ebɔrɛ na yɛ fo maŋ wora nɛnɛ ŋkpal fo ka maŋ bɛ fo tuto ewura Jehoshafat nɛ fo nananyɛn ewura Asa be ekpa so na so.

2 Kronikɛls 22:9

nseŋ kaŋɛ fanɛ b ya fin Ahaziya malɛ, nɛ b ya wu mo nɛ e ŋana Samɛria. Ndoŋ nna nɛ b pɛ mo n yɔ ewura Jehu kutɔ n ya mɔ. B daŋ puli Ahaziya nna ŋkpal b ka daa sa mo nananyɛn wura Jehoshafat bunyaŋ ŋkpal e ka daŋ wora ania n shuŋ Enyɛnpe Ebɔrɛ nɛnɛ so. Esa kikɛ malɛ daa maŋ naŋ ka Ahaziya be kanaŋ to nsaa kɔ eleŋ nɛ e tiŋ n ji kuwura na.

2 Kronikɛls 27:6

Ewura Jotam daŋ ji eleŋ ga ŋkpal e kaa daa ji kashenteŋ nsaa bɛ Enyɛnpe mbe Ebɔrɛ na so so.

2 Kronikɛls 29:2

E daŋ bɛ mo nananyɛn ewura Deevid be aya so nna nseŋ wora kusɔ nɛ keniŋi Enyɛnpe Ebɔrɛ na be anishito.

2 Kronikɛls 34:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

Nshɛ 46:11

Enyɛnpetale Ebɔrɛ na wɔ anyi kutɔ. An nananyɛn Jeekɔb be Ebɔrɛ na e la anyi be ekumpogboŋ.

Nshɛ 46:7

Enyɛnpetale Ebɔrɛ na wɔ anyi kutɔ nna. Ebɔrɛ nɛ an nananyɛn Jeekɔb shuŋ na e la anyi be ekumpogboŋ.

Ɛksodɔs 3:12

Nɛ Ebɔrɛ kaŋɛ mo le: “Meeŋ baa wɔ fo kutɔ. Fo kaŋ ya lara basa na ashi Ijipt be efuli so m ba kebee ere so nfe m ba bunyaŋ ma na nɛ feeŋ pin fanɛ ma e shin nɛ loŋ wora.”

Ɛksodɔs 4:12

Amoso baa yɔ! Meeŋ ya bugi fo kɔnɔ nseŋ ŋini fo kusɔ nɛ feeŋ kaŋɛ bumo.”

Aizaaya 41:10

Amoso men sa maa lɔ kufu. Ma nɛ menyi e wɔtɔ! Ma e la menyi be Ebɔrɛ. Men sa maŋ shin nɛ kufu e pɛ menyi nɛ men baa chicha! Meeŋ sa menyi eleŋ nseŋ chɛ menyi to. Ma alɛ beeŋ kuŋ menyi nseŋ mɔlga menyi.

Aizaaya 8:10

Men wora menyi be ŋkre! Ama amo alɛ maaŋ tiŋ n wora m bɔlɔ so. Menyeeŋ tiŋ m malga kusɔ nɛ menyee sha! Ama amo kikɛ la fuloŋ nna, ŋkpal manɛ so Ebɔrɛ wɔ anyi kutɔ.

Jɛremaya 2:23

Menyee chɛ fanɛ men maŋ wora alubi, a kaŋɛ menyi maŋ kɔ eyurpi menyi so. Menyi alɛ maŋ shuŋ kegbir nɛ baa tre Baal na. Ama men laŋɛ menyi be nfɛra n yɔ asɔ nɛ men wora ashi Hinnɔm be Ketaŋɛ to na be asheŋ. Men daa shile a kulti nna a shuŋ agbir fanɛ enyɔma fɔlbi nɛ e tuge afɔl so na.

Matiu 1:23

E yɛ: “Kasuŋgurbia nɛ e maŋ nyi enyɛn beeŋ di kedampo ŋ kurge ebinyɛn nɛ b nase mo ketre Emanuɛl. Kumo be kifito e la fanɛ Ebɔrɛ wɔ anyi kutɔ.”

Matiu 18:20

Ŋkpal manɛ so, kaplɛkama nɛ basa anyɔ ŋko besa ba shɛr ma ketre to, n wɔ bumo kutɔ ndoŋ.”

Matiu 25:16

Kenya nɛ e daŋ nya ebɔtɛ anu na ya fara epul na to n ta mbe amansherbi na a ji yawu n naŋ nya ebɔtɛ anu be tɔnɔ n ti so.

Matiu 28:20

Menyi alɛ e baa nyiŋi fanɛ ma nɛ menyi e naaŋ baa la hale jemanɛ ere e ya fo kumo be ekar.”

2 Timoti 4:22

Enyɛnpe e baa kɔ fo kiyoyu to. Ebɔrɛ be kuwɔr be kakɛ e baa wɔ menyi so.

Joshuwa 1:5

Esa kama malɛ maaŋ tiŋ m pɔɔ fo so fo kebaawɔtɔ to kikɛ. Kananɛ n daa wɔ Mosis be kaman na, loŋ nɛ meeŋ baa wɔ fo alɛ gba be kaman. M maaŋ yige fo ŋko ŋ kplaŋ fo so kikɛ.

Joshuwa 1:9

Nyiŋi fanɛ n teŋ kaŋɛ fo fanɛ fo baa leŋ fo kumu to nsaa kɔ kagbene. Sa maŋ shin nɛ kufu e pɛ fo nɛ fo pɔ aba, ŋkpal manɛ so, kaplɛkama nɛ fo wɔ, ma, Enyɛnpe fo Ebɔrɛ na wɔ fo kaman.”

Demujipoana 2:11

Ndoŋ nna nɛ Israɛlebi na ya kaa shuŋ agbir nɛ baa tre Baal nseŋ wora n da Enyɛnpe Ebɔrɛ na so.

Demujipoana 2:18

Jemanɛ kikɛ nɛ Enyɛnpe Ebɔrɛ na baŋ ya lara ejuŋkparpo n sa bumo, mo alɛ beeŋ chɛ loŋ be ejuŋkparpo na to nɛ e tiŋ m mɔlga bumo ashi bumo doŋana be enɔ to hale n ya fo fanɛ ejuŋkparpo na ka beeŋ wu. Ŋkpal manɛ so, jemanɛ kikɛ nɛ b baŋ ya kaa wɔ tɔrɔ to nseŋ shu n tre Enyɛnpe Ebɔrɛ na e bee wu bumo kuwɔr nna.

Demujipoana 6:12

Ndoŋ nna nɛ malaika na lar Gidiɔn so nseŋ kaŋɛ mo: “Enapo lempo, Enyɛnpe Ebɔrɛ na wɔ fo kutɔ!”

Demujipoana 8:33

Gidiɔn be luwu be kaman, Israɛlebi na kraŋ pal kaman nna n sa Ebɔrɛ nsaa shuŋ agbir. B daa shuŋ agbir nɛ baa tre Baal na nna nseŋ ta kumo nɛ baa tre Baal Bɛrif na fanɛ bumo kegbirgboŋ,

1 Samuɛl 18:12

Kumo be kaman nɛ Sɔɔl fara a ŋana Deevid ŋkpal Enyɛnpe Ebɔrɛ ka daa chɛ Deevid to nseŋ kplaŋ mo ere Sɔɔl so so.

1 Samuɛl 18:14

Saŋkama malɛ nɛ Deevid baŋ yɔ kena to, e daa kɔ nna a pɔɔ so ŋkpal Enyɛnpe Ebɔrɛ ka daa wɔ mo kutɔ so.

1 Samuɛl 18:5

Deevid daa ji kɔŋkɔŋ kusɔ kama nɛ Sɔɔl daa shuŋi mo fanɛ e ya wora to nna. Nɛ Sɔɔl ta mo ŋ ki mbe benapo be enimu gboŋ ko. Kumo be loŋ daŋ wora ekama nɛ Sɔɔl be benapo be benimu na kikɛ ebel ga.