2 Kronikɛls 16:9 - EBƆRƐ BE KAWƆL

⁹ Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

2 Kronikɛls 16:9 ပူးပေါင်းရင်းမြစ်များ

Jɛnesis 31:28

Fo maŋ tiŋ n shin nɛ n lala n nanabiana so ŋ kela bumo nɛ bumo nioana kashaso gba. Fo wora kawulisheŋ ga.

2 Samuɛl 24:10

Ewura Deevid ka pin basa na b kananɛ b sa na nɛ mbe nfɛra fara a wɔl mo to nɛ e fɛ fanɛ e wora kulubi ŋ gbiti Ebɔrɛ nseŋ kaŋɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso ta m paŋ ma ŋkpal manɛ so n wora kawulisheŋ ga.”

1 Bewura 15:32

Jemanɛ nɛ Juda be ewura Asa nɛ Israɛl be ewura Baasha daa ji kuwura na, b daŋ baa kɔ abar kena nna saŋkama.

2 Bewura 20:3

“Enyɛnpe Ebɔrɛ, baa nyiŋi kananɛ n shuŋ fo kashenteŋto nɛ kagbene koŋwule so. Ma alɛ wora ania fanɛ meeŋ wora kusɔ kama nɛ fee sha fanɛ n wora.” Kumo be kaman nɛ e shu ga.

1 Kronikɛls 21:8

Ndoŋ nna nɛ ewura Deevid kaŋɛ Enyɛnpe Ebɔrɛ le: “Kusɔ nɛ n wora ere bee ŋini nna fanɛ n wora kulubi gboŋgboŋi. Amoso jande, ta m paŋ ma ŋkpal manɛ so n wora kawulisheŋ.”

2 Kronikɛls 15:17

Kashenteŋ nna fanɛ ewura Asa daa maŋ tiŋ m mur agbirana kikɛ ashi Israɛl be kasawule so, ama mbe ŋkpa kikɛ to e daŋ ji kashenteŋ nna n sa Ebɔrɛ.

2 Kronikɛls 15:19

B daa maŋ naŋ kɔ kena kikɛ hale n ya fo Asa be kuwurji be nfɛ adesa nɛ anu.

2 Kronikɛls 16:10

Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

2 Kronikɛls 19:9

Le be asheŋ ere nɛ e daŋ kaŋɛ bumo: “Men ba wora men be ashuŋ nɛnɛ ashi kabɔrɛŋana nɛ kashenteŋji be ekpa so.

2 Kronikɛls 6:20

Ba keni bɔrɛlambu ere so kapa nɛ kanyɛ. Fo nase kɔnɔ n sa ma fanɛ, ndoŋ nɛ baaŋ ba bunyaŋ fo. Amoso saŋkama nɛ m baŋ kilgi anishito n shoŋi bɔrɛlambu ere ŋ kule fo, fo nu ma kekule.

Ɛzra 5:5

Ama ŋkpal Ebɔrɛ ka daa keni Israɛl be benimuana na so so, Pɛshiya be benimuana na daŋ maŋ tiŋ n ju bumo kapɔr na be kushuŋ to. B daa sha kesibɛ kawɔl nna n sa ewurgboŋ Dariɔs nseŋ nu kusɔ nɛ e beeŋ kaŋɛ pɔɛŋ.

Job be kawɔl 28:24

Ŋkpal manɛ so, mo e naa wu kusɔ kama nɛ k wɔ kasawule so.

Job be kawɔl 31:4

Mo alɛ nyi kusɔ kama nɛ mee wora, nsaa wu keya kama nɛ mee tia.

Job be kawɔl 34:21

Ebɔrɛ bee wu kusɔ kama nɛ anyee wora.

Nshɛ 113:6

nsaa kurgi kumu a keni awɔlpa nɛ kasawule nɛ a wɔ mbe kaseto na.

Nshɛ 33:14

E wɔ kakpa nɛ e bee ji kuwura na nna nsaa keni kaseto a wu basa nɛ b wɔ durnya to kikɛ.

Nshɛ 33:15

Mo e sa bumo nfɛra nɛ baa fɛ asheŋ. Amoso e nyi kusɔ kama nɛ baa fɛ.

Nshɛ 33:18

Enyɛnpe Ebɔrɛ na bee keni bekama nɛ baa wora mo kasonu so nna; nɛ mbe kasha nɛ k maa loge na malɛ wɔ bekama nɛ b yirda mo na so.

Nshɛ 34:15

Enyɛnpe Ebɔrɛ na bee keni basa nɛ baa wora asheŋ niŋiso so nsaa nu bumo be kekule nna.

Nshɛ 37:37

Keni, asheŋ lela bee jo basa nɛ baa ji kashenteŋ nsaa maa wora a foe; nsaa fin kayurwushi na be kaman to ebi nna.

Aŋasa 15:3

Enyɛnpe Ebɔrɛ be anishi wɔ kaplɛkama nna, a wu kusɔ nɛ basa lubi nɛ belela kikɛ bee wora.

Aŋasa 5:21

Enyɛnpe Ebɔrɛ na bee wu kusɔ kama nɛ fee wora. Kaplɛkama nɛ fee yɔ e bee wu fo.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Jɛremaya 16:17

Mee wu kusɔ kama nɛ baa wora nɛ shɛŋ maŋ ŋana ma so. Bumo be alubi maa baŋ ma kenishi so.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Jɛremaya 5:1

Jerusalɛm to be basa, men nite agbembi so ŋ keni kusɔ nɛ k bee wora, Men keni ŋ kulti, menyi gbagba beeŋ wu fanɛ esa ko wɔtɔ a wora kusɔ nɛ keniŋi nsaa wora ania fanɛ e beeŋ baa ji kashenteŋ a sa Ebɔrɛ a? Menyeeŋ wu loŋ be esa ashi kakpa nɛ menyi bee ji kebɛ a? Nɛ men kaŋ nya loŋ be esa ma, Enyɛnpe Ebɔrɛ na beeŋ ta Jerusalɛm be basa be alubi m paŋ bumo.

Jɛremaya 5:21

Men nu nfe! Menyi basa wulpo nɛ men maŋ nyi asheŋ ere! Manɛ so nɛ menyi maa nu ma mmalga a bɛ amo so? Manɛ so nɛ menyi maa pin to fanɛ

Jɛremaya 5:3

Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Zakareya 4:10

Bekama nɛ b keni kananɛ asheŋ fara gbrɛ gbrɛbi kabre ere jiga na kaŋ wu kejembu nɛ kumo be asheŋ tir ga ere ka bɔɔ Zerubabel enɔ na, baaŋ ji eyur kagbenefuliso Kumo be kaman nɛ malaika na naŋ kaŋɛ ma le: Efitilatɔl ashunu na e la Enyɛnpe Ebɔrɛ be anishi ashunu nɛ a bee keni a wu kusɔ kikɛ durnya ere kikɛ to na.”

Matiu 5:22

Ama ma e kaŋɛ menyi na fanɛ ekama nɛ e nya agbo n wora mo barkasa a wɔtɔ gba, baaŋ yɛr mo demujipowura be anishito. Ekama nɛ e tege mo barkasa, baaŋ yɛr mo nshɛrwuraana nɛ baa tre Sanhedrinebi be anishito. Nɛ ekama malɛ nɛ e kaŋɛ mo barkasa le: ‘Ewulpo ere!’ Amodoŋwura wora kulubi n daga Setani be edɛ to be keluri.

Luuk 12:20

Ndoŋ nna nɛ Ebɔrɛ kaŋɛ mo: ‘Ewulpo ere. Kanyɛ ere feeŋ paŋ fo ŋkpa ere. Nɛ fo alɛ paŋ kumo, wanɛ peya nɛ asɔ nɛ fo bela n yili fo kumu ere kikɛ beeŋ ki?’ ”

1 Kɔrintebi 15:36

Ewulpo ere, fo maŋ nyi fanɛ kusɔ nɛ fo duu na gbagba maa wora, ama k baŋ wu nna pɔɛŋ nseŋ kɔr n wora a?

Galeeshaebi 3:1

Ama menyi Galeeshaebi paŋ nfɛra pasaa! Wanɛ e wora menyi bre? To, men be anishito gbagba nɛ b bugi Yesu Kristo be kewu kedibi largato na so na be asheŋ n sa menyi. To nɛ mannɛ nna?

Hibruwebi 4:13

Kusɔ toso kikɛ maŋ wɔtɔ a ŋana Ebɔrɛ so. Kusɔ kikɛ nyam dii efuli nna n dese mbe anishito, mo alɛ nɛ anyi kikɛ beeŋ yili mbe anishito ŋ kaŋɛ mo ashuŋ nɛ an wora kikɛ nɛ kusɔ nɛ k ba nɛ an wora amo.

1 Pita 3:12

Ŋkpal manɛ so, Enyɛnpe be anishi wɔ belelapo kikɛ so nna, mo alɛ nsaa kaŋ kusoe a nu bumo be kabɔrɛkule, ama bekama nɛ baa wora alubi bre, e bee pal kaman nna a sa bumo.”

1 Samuɛl 13:13

Ndoŋ nna nɛ Samuɛl kaŋɛ mo le: “Fo wora kawulisheŋ ga. Fo maŋ bɛ kenishipere be mmalga nɛ Enyɛnpe fo Ebɔrɛ na kaŋɛ fo na so. Fo daŋ bɛ amo so nna e daa beeŋ shin nɛ fo nɛ fo kaman to ebi e baa ji Israɛl be kuwura mbaanaayɔ.