2 Kronikɛls 16:8 - EBƆRƐ BE KAWƆL

⁸ Etopiya be efuli so ebi nɛ Libiya be efuli so ebi kɔ benapo damta nɛ egbaŋɛturko nɛ egbaŋɛdiipo damta. Ama ŋkpal fo ka ta fo yirda n deŋi Enyɛnpe Ebɔrɛ so so nɛ e shin nɛ fo kɔ m pɔɔ bumo so na.

2 Kronikɛls 16:8 ပူးပေါင်းရင်းမြစ်များ

2 Kronikɛls 12:3

Benapo nɛ baa ta egbaŋɛturko a kɔ kena na be basa kagboŋ nɛ alfa anyɔ nɛ egbaŋɛdiipoana malɛ ŋgboŋ adeshe nɛ benapo damta nɛ esa maaŋ tiŋ ŋ karga nɛ b shi Libiya nɛ Sukkit nɛ Itiopia nɛ ewura na daŋ ta n ya kɔ kena na.

2 Kronikɛls 13:16

Israɛlebi na daŋ kilgi nna a shil nɛ Ebɔrɛ na shin nɛ Judaebi na ju m bɛ bumo so a mɔ bumo.

2 Kronikɛls 13:18

Ŋkpal Juda be basa ka ta bumo be yirda n lɛ Enyɛnpe Ebɔrɛ nɛ e la bumo nananyɛnana be Ebɔrɛ na so so, nɛ b daŋ kɔ m pɔɔ Israɛlebi na so na.

2 Kronikɛls 14:8

Ewura Asa be benapo nɛ b shi Juda n daa kɔ abɛlso be asɔkuŋso nɛ ekpa na daa wɔ basa ŋgboŋ alfa asa nɛ bumo nɛ bumo alɛ daa shi Bɛnjamin nsaa kɔ abɛlso be asɔkuŋso wurbi nɛ ata na daa wɔ basa ŋgboŋ alfa anyɔ nɛ aduburwa. Bumo kikɛ daa kɔ kenyɛn ga nsaa nyi kena be kekɔ nɛnɛ.

2 Kronikɛls 16:7

Loŋ be saŋɛ na nɛ anebi Hanani yɔ ewura Asa kutɔ n ya kaŋɛ mo le: “Ŋkpal fo ka ta fo yirda n deŋi Siriya be ewura so nseŋ kini keta fo yirda n deŋi Enyɛnpe Ebɔrɛ so so, fo maaŋ naŋ tiŋ m pɔ Siriya be benapo so kikɛ.

2 Kronikɛls 24:24

Kashenteŋ nna fanɛ Siriya be benapo na daa maŋ shibi, ama Enyɛnpe Ebɔrɛ daŋ shin nna nɛ b kɔ m pɔɔ Juda be benapo damta na so ŋkpal b ka kini mo Enyɛnpe bumo nananyɛnana be Ebɔrɛ na so. Kananɛ Enyɛnpe na daŋ gberge ewura Jɔash kusoe nna na.

Aizaaya 18:2

Ijipt bee shuŋi mbɔ nna nɛ baa ta nchu so be ekuloŋ nɛ b ta agasa n lɔŋɛ a nite lɔrgboŋ nɛ baa tre Nail na so, fanɛ b nya manaŋ n yɔ Itiopia nɛ kumo be basa wɔ nteŋ nɛ bumo be kayurwule du mɔlmɔlbi na. Elɔr shibi nna ashi Itiopia ebi ere be kasawule so nɛ b kɔ eleŋ nseŋ lubi ga nɛ ekama bee ŋana bumo ashi durnya kikɛ to.

Nahum 3:9

Itiopia nɛ Ijipt be efuliana be eleŋ nɛ kade na daa fute a yige so. Libiya nɛ kasawule nɛ baa tre Put na e daa la kumo teriana nɛ a chɛ kumo to.