2 Kronikɛls 16:7 - EBƆRƐ BE KAWƆL

⁷ Loŋ be saŋɛ na nɛ anebi Hanani yɔ ewura Asa kutɔ n ya kaŋɛ mo le: “Ŋkpal fo ka ta fo yirda n deŋi Siriya be ewura so nseŋ kini keta fo yirda n deŋi Enyɛnpe Ebɔrɛ so so, fo maaŋ naŋ tiŋ m pɔ Siriya be benapo so kikɛ.

2 Kronikɛls 16:7 ပူးပေါင်းရင်းမြစ်များ

1 Bewura 15:19

“Shin nɛ anyi nɛ fo e wora kɔnɔkoŋwule fanɛ kananɛ an tutoana daŋ wora na. Gbiti nɛ shuwa ere bre la fo kakɛ nna. A daga fanɛ fo ku fo nɛ Israɛl be ewura Baasha be kɔnɔkoŋwule nɛ men kɔ na to, nɛ kumo be loŋ e shin nɛ e lara mbe benapo ashi ma kasawule so.”

1 Bewura 16:1

Le be kubɔya nɛ Enyɛnpe Ebɔrɛ daŋ ta n sa Hanani pibinyɛn anebi Jehu fanɛ e ya sa Israɛl be efuli so be ewura Baasha:

1 Bewura 16:7

Anebi Jehu so nɛ Enyɛnpe Ebɔrɛ bɔla n fiɛ ewura Baasha nɛ mbe kanaŋ so, ŋkpal alubi nɛ ewura Baasha daŋ wora ŋ gbiti Enyɛnpe Ebɔrɛ na fanɛ kananɛ ewura Jeroboam daŋ wora na, nɛ ŋkpal e ka mɔ Jeroboam be kanaŋ kikɛ na so nɛ Enyɛnpe Ebɔrɛ be agbo daŋ kaa ga na.

2 Bewura 18:5

Hɛzekaya daŋ yirda Enyɛnpe Israɛl be Ebɔrɛ na nna. Juda be bewura nɛ b ji pɔɛŋ nɛ Hɛzekaya ji na nɛ bekama nɛ Hɛzekaya malɛ ji pɔɛŋ nɛ b ji na be ekama be kuwurji maŋ fo ewura Hɛzekaya peya so.

1 Kronikɛls 5:20

B daŋ ta bumo be yirda nna n deŋi Ebɔrɛ so ŋ kule mo fanɛ e chɛ bumo to. Nɛ Ebɔrɛ nu bumo be kekule nseŋ chɛ bumo to nɛ b kɔ m pɔɔ Hagebi nɛ basa nɛ b chɛ bumo to a kɔ kena na kikɛ so.

2 Kronikɛls 13:18

Ŋkpal Juda be basa ka ta bumo be yirda n lɛ Enyɛnpe Ebɔrɛ nɛ e la bumo nananyɛnana be Ebɔrɛ na so so, nɛ b daŋ kɔ m pɔɔ Israɛlebi na so na.

2 Kronikɛls 14:11

Ndoŋ nna nɛ ewura Asa kule Enyɛnpe mbe Ebɔrɛ na ŋ kaŋɛ le: “O Enyɛnpe Ebɔrɛ, fo nawule e naa tiŋ a chɛ benapo pɔshipo to nɛ baa tiŋ a kɔ a pɔɔ benapo lempo so. Amoso, an Nyɛnpe nɛ anyi be Ebɔrɛ, ba chɛ anyi to naniere, ŋkpal manɛ so, fo nɛ anyee fute a yige so. Fo ketre be eleŋ na malɛ to nɛ an ba nɛ an ba kɔ benapo damta ere na. Enyɛnpe, fo e la anyi be Ebɔrɛ. Esa kama malɛ maŋ wɔtɔ nɛ e beeŋ tiŋ m pɔɔ fo so.”

2 Kronikɛls 16:6

Ndoŋ nna nɛ ewura Asa tre Juda be efuli so be benyɛn n shɛr abar so ŋ kaŋɛ bumo fanɛ b muu ajembu nɛ ndibi nɛ Baasha kɔ a shuŋ ashi Raama na. Ndoŋ nna nɛ b muu amo m ya pɔr egbal ŋ kulti Gɛba nɛ Mizpa be nde.

2 Kronikɛls 19:2

Nɛ anebi Jehu nɛ e la Hanani pibinyɛn na yɔ mo kutɔ n ya kaŋɛ mo le: “Fee fɛ fanɛ fo ka chɛ ewura Ahab esa lubi nɛ e kishi Enyɛnpe Ebɔrɛ to ere walɛ a? Kusɔ nɛ fo wora ere shin nɛ Enyɛnpe Ebɔrɛ nya agbo n wɔtɔ fo ga.

2 Kronikɛls 20:32

Kananɛ ewura Jehoshafat mo tuto Asa daa kɔ kasonu n sa Enyɛnpe Ebɔrɛ na, loŋ nɛ mo alɛ gba daa du,

2 Kronikɛls 20:34

B daŋ sibɛ kusɔ kama nɛ Jehoshafat daŋ wora saŋɛ so nɛ e daa la ewura na nna n wɔtɔ Hanani pibinyɛn Jehu be adrasheŋ be nwɔl nɛ amo alɛ gba ti Israɛl be bewura be adrasheŋ be nwɔl so na to.

2 Kronikɛls 24:24

Kashenteŋ nna fanɛ Siriya be benapo na daa maŋ shibi, ama Enyɛnpe Ebɔrɛ daŋ shin nna nɛ b kɔ m pɔɔ Juda be benapo damta na so ŋkpal b ka kini mo Enyɛnpe bumo nananyɛnana be Ebɔrɛ na so. Kananɛ Enyɛnpe na daŋ gberge ewura Jɔash kusoe nna na.

Aizaaya 31:1

Asheŋ maaŋ nyalɛ n sa bekama nɛ baa yɔ Ijipt be efuli so n ya kaa fin kechɛto na! Baa ta bumo be amu nna a deŋi Ijipt be benapo be egbaŋɛ nɛ egbaŋɛturko be keshi nɛ benapo lempo so. Ama b maa ta bumo be amu a deŋi Enyɛnpe, Israɛl be Ebɔrɛ cheembi na so ŋko a fin mbe kechɛto.

Aizaaya 32:2

Ewura na nɛ benimuana na beeŋ baa du fanɛ kusɔ kuŋ afu nɛ kakpa nɛ esa beeŋ shile n ya ŋana bɔrɛfu so nna. Bumo alɛ beeŋ baa du fanɛ mbombi ashi kiyi to nɛ kefaltagboŋ nɛ k bee kuŋ epeŋi a sa kayul.

Aizaaya 39:3

Kumo be kaman nɛ anebi Aizaaya yɔ ewura Hɛzekaya kutɔ n ya bishi mo le: “Nnɛ nɛ basa ere shi m ba nfe; nɛ manɛ nɛ b kaŋɛ fo?” Nɛ ewura Hɛzekaya kaŋɛ: “B shi efuli wɔfɔ ko nɛ baa tre kumo Babilɔn na nna.”